Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ନା ମିଳିଲା ଚିକିତ୍ସା, ନା ଆମ୍ବୁଲାନ୍ସ, ପୁଅର ଶବକୁ ନିଜ ପାଦ ତଳେ ଥୋଇ ଇ-ରିକ୍ସାରେ ନେବାକୁ ବିବଶ ମା

20/04/2021 at 6:20 PM

ବାରଣାସୀ ୨୦।୦୪: କରୋନାର ଦ୍ଵିତୀୟ ଲହରରେ ସାରା ଦେଶର ସ୍ଥିତି ସଙ୍ଗୀନ। ଏହି ମହାମାରୀରେ ଦେଖିବାକୁ ମିଳିଛି ଅନେକ କରୁଣ ଦୃଶ୍ୟ। କରୋନା କାରଣରୁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ। ତେବେ ଏହା ମଧ୍ୟରେ ଉତ୍ତର ପ୍ରଦେଶର କାଶୀରୁ ଏମିତି ଦୃଶ୍ୟ ଦେଖିବାକୁ ମିଳିଛି, ଯାହା ପ୍ରଶାସନିକ ବିଧି ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ବାରଣାସୀରେ ପୁଅର ମୃତ୍ୟୁ ପରେ ତାର ମା ଏକ ଇ-ରିକ୍ସାରେ ଶବ ଧରି ଯାଉଥିବାର କରୁଣ ଦୃଶ୍ୟ ଦେଖିବାକୁ ମିଳିଛି। ସେ ପୁଣି ମାର ପାଦ ତଳେ ହିଁ ପୁଅର ମୃତ ଶରୀର ରହିଛି।

ସୂଚନା ଅନୁଯାୟୀ, ଜୌନପୁର ବାସିନ୍ଦା ଏହି ମା ଏବଂ ପୁଅ ମୁମ୍ବାଇରେ କାମ କରୁଥିଲେ। କିଡନୀଜନିତ ସମସ୍ୟାର ଚିକିତ୍ସା ପାଇଁ ସେମାନେ ବାରଣାସୀ ଆସିଥିଲେ। ପ୍ରଥମେ ମା ପୁଅକୁ ଧରି ବିଏଚୟୁ ଯାଇଥିଲେ, ହେଲେ ସେଠାରେ ଆଡମିଟ୍ କରାଗଲା ନାହିଁ। ନିରାଶ ହୋଇ କକରମତ୍ତାର ଏକ ଘରୋଇ ହସ୍ପିଟାଲ ଗଲେ। ତଥାପି ସେଠାରେ ମଧ୍ୟ ନିରାଶ ହେବାକୁ ପଡିଥିଲା। ଏ ହସ୍ପିଟାଲରୁ ସେ ହସ୍ପିଟାଲ ଦୌଡିବା ପରେ ବି ଠିକ୍ ସମୟରେ ଚିକିତ୍ସା ନମିଳିବାରୁ ପୁଅର ମୃତ୍ୟୁରେ ମାର ପାଦ ତଳୁ ମାଟି ଖସି ଯାଇଛି।

ମିଳିଲାନି ଆମ୍ବୁଲାନ୍ସ

କେବଳ ଏତିକି ନୁହେଁ। କୌଣସି  ହସ୍ପିଟାଲ ତ ଆଡମିଟ୍ କଲେନି। ମୃତ୍ୟୁ ପରେ ବି ଆମ୍ବୁଲାନ୍ସଟିଏ ମଧ୍ୟ ମିଳିଲାନି।  ଚିକିତ୍ସା ଅଭାବରୁ ମାର ପାଦ ତଳେ ପୁଅ ପ୍ରାଣ ହରାଇବା ଏବଂ ମୃତ ପୁଅର ମୃତ ଶରୀର ନେବା ପାଇଁ ମା ଆମ୍ବୁଲାନ୍ସ ଖୋଜିବାର ଏମିତି ହୃଦୟ ବିଦାରକ ଘଟଣା ବାରଣାସୀ ଦେଖିବାକୁ ମିଳିଛି। ଯେବେ କିଛି ମିଳିଲାନି ମା ଇ-ରିକ୍ସାରେ ପୁଅର ମର ଶରୀରକୁ ନେଇ ଅନ୍ତିମ ସଂସ୍କାର ପାଇଁ ଘରକୁ ଚାଲିଯାଉଛି।

   Related Posts