Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ତ୍ଵାଡ୍ଡା କୁତା ଟମି, ସାଡ୍ଡା କୁତା କୁତା ? ପଡୋଶୀ ‘ଟମି’କୁ କେବଳ କୁକୁର ଡାକି ଦେଲେ, ବାସ୍‌ ଏତିକିରେ ପୁରା ପରିବାରକୁ ନିର୍ଧୁମ ପିଟିଲେ ମାଲିକ

10/05/2021 at 11:19 PM

ନୂଆଦିଲ୍ଲୀ ୧୦।୦୫: ହରିୟାଣାର ଗୁରୁଗ୍ରାମରେ ଜଣେ ବ୍ୟକ୍ତି ନିଜ ପଡୋଶୀରେ ରହୁଥିବା ଗୋଟିଏ ପରିବାରର ଜଣେ କି ଦୁଇ ଜଣଙ୍କୁ ନୁହେଁ ଛଅ ଜଣ ସଦସ୍ୟଙ୍କୁ ନିର୍ମମ ଭାବେ ମାଡ ମାରିଛନ୍ତି। ବ୍ୟକ୍ତି ଜଣକ ଯେଉଁ ଯେଉଁ ଲୋକଙ୍କୁ ପିଟିଛନ୍ତି ସେମାନଙ୍କ ମଧ୍ୟରେ ମହିଳା ଓ ଛୋଟ ପିଲା ମଧ୍ୟ ସାମିଲ। ବ୍ୟକ୍ତି ଜଣକ କାହିଁକି ଏମିତି ନିର୍ଦ୍ଦୟ ଭାବେ ପରିବାରର ପ୍ରତିଟି ସଦସ୍ୟଙ୍କୁ ପିଟିଲେ ? ଏହି ବିବାଦର କାରଣ ଜାଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ।

ସୂଚନା ଅନୁଯାୟୀ, ପଡୋଶୀରେ ରହୁଥିବା ଏହି ପୀଡିତ ପରିବାରର ଜଣେ ସଦସ୍ୟ ମାଡ ମାରିଥିବା ବ୍ୟକ୍ତିଙ୍କ ପାଳିତ କୁକୁରକୁ ତାର ନାମରେ ନଡାକି କୁକୁର ଡାକି ଦେଲେ। କୁକୁରର ନାମ ଟମି ଥିଲା। ଟମି ଡାକିବା ଜାଗାରେ ସେ କୁକୁର ଡାକି ଦେଇଥିଲେ। ବାସ୍ ଏତିକିରେ କଥା ଶେଷ, କୁକୁର ମାଲିକ କ୍ରୋଧିତ ହୋଇ ମାଡ ମାରିବା ଆରମ୍ଭ କରି ଦେଲେ।

ଏହି ଘଟଣା ଗୁରୁଗ୍ରାମର ଜ୍ୟୋତି ପାର୍କର। ପୀଡିତ ବ୍ୟକ୍ତିଙ୍କ ନା ସୁଧୀର। ସେ ପଡୋଶୀଙ୍କ କୁକୁରର ଆକ୍ରମଣାତ୍ମକ ଶୈଳୀକୁ ନେଇ ହଇରାଣରେ ଥିଲେ। ସୁଧୀର ଉକ୍ତ ବ୍ୟକ୍ତିଙ୍କୁ କୁକୁରକୁ ଚେନ୍‌ରେ ବାନ୍ଧି ରଖିବାକୁ ପରାମର୍ଶ ଦେଇଥିଲେ। ଚେନ୍‌ରେ ବାନ୍ଧି ରଖିବା କଥା ବ୍ୟକ୍ତିଙ୍କୁ ଖରାପ ଲାଗିନଥିଲା। କିନ୍ତୁ ସୁଧୀର ଟମିକୁ କୁକୁର କହି ଦେଲେ, ଏହି କଥା ବ୍ୟକ୍ତିଙ୍କୁ ହମଜ ହୋଇନଥିଲା। ସୁଧୀରଙ୍କ ମତରେ ସେ ଉକ୍ତ ବ୍ୟକ୍ତିଙ୍କୁ କୁକୁରକୁ ବାନ୍ଧି ରଖିବାକୁ କହିଥିଲେ, କାରଣ କୁକୁରଟି ପିଲାମାନଙ୍କୁ କାମୁଡିବାକୁ ଦୌଡି ଆସୁଥିଲା।

କୁକୁରକୁ ତା ନାମ ଟମି ଡାକିବା ଜାଗାରେ କୁକୁର କହିବା ନେଇ ଦୁହିଁଙ୍କ ମଧ୍ୟରେ ଯୁକ୍ତତର୍କ ଆରମ୍ଭ ହୋଇଥିଲା। ଯୁକ୍ତିତର୍କ ଏତେ ଆଗକୁ ବଢି ଯାଇଥିଲା ଯେ, ଦୁଇ ପରିବାର ମଧ୍ୟରେ ମାରପିଟ୍ ଆରମ୍ଭ  ହୋଇ ଯାଇଥିଲା। କୁକୁରର ମାଲିକ ସୁଧୀରଙ୍କ ପରିବାର ଉପରେ ଲାଠି ଏବଂ ରୋଡ୍‌ରେ ମଧ୍ୟ ଆକ୍ରମଣ କରିଥିଲେ। ଏହି ଘଟଣା ସିସିଟିଭି କ୍ୟାମେରାରେ କଏଦ ହୋଇଥିଲା। ସୁଧୀରଙ୍କ ପରିବାରର ଛଅ ଜଣ ଗୁରୁତର ଆହତ ହୋଇଥିଲେ। ସୁଧୀରଙ୍କ ଅଭିଯୋଗ କ୍ରମେ ଗୁରୁଗ୍ରାମ ପୋଲିସ ମାମଲାର ତଦନ୍ତ ଆରମ୍ଭ କରିଛନ୍ତି।

   Related Posts