ମୁମ୍ବାଇ ୧୯/୧୨ : ବଲିଉଡର ଲୋକପ୍ରିୟ ଗାୟିକା ନେହା କକ୍କର ନିକଟରେ ଏକ ଫଟୋ ସେୟାର କରିଥିଲେ ଯେଉଁଥିରେ ସେ ବେବି ବମ୍ପ ଫ୍ଲଣ୍ଟ କରିଥିବା ନଜର ଆସିଥିଲେ। ଫଟୋ ସେୟାର କରୁ କରୁ ଇଣ୍ଟରନେଟରେ ଭାଇରାଲ ହୋଇଥିଲା। ତାଙ୍କ ଫଟୋ ଦେଖି ଲୋକେ ନାନା ପ୍ରତିକ୍ରିୟା ରଖିଥିଲେ। ତାଙ୍କ ପ୍ରଶଂସକ ତାଙ୍କୁ ଶୁଭେଚ୍ଛା ଜଣାଇବା ସହ ଆଶ୍ଚର୍ଯ୍ୟ ମଧ୍ୟ ହୋଇଯାଇଥିଲେ। କାରଣ ଦୁଇ ମାସ ଭିତରେ ସେ ଗର୍ଭବତୀ ହୋଇଥିଲେ। କିନ୍ତୁ ଭାଇରାଲ ହୋଇଥିବା ଫଟୋ ସତ ନୁହେଁ। ନେହା କକ୍କର ଗର୍ଭବତୀ ନାହାନ୍ତି। ସେ ଏକ ଗୀତର ପ୍ରମୋସନ ପାଇଁ ଏହି ଡ୍ରାମା କରିଥିଲେ। ସତ ଜାଣିବା ପରେ ସୋସିଆଲ ମିଡ଼ିଆରେ ସେ ଟ୍ରୋଲ ହୋଇଛନ୍ତି।

ନେହା କକ୍କର ନିଜ ଗୀତର ପୋଷ୍ଟର ସେୟାର କରିଛନ୍ତି। ପୋଷ୍ଟର ସେୟାର କରି ସେ ଲେଖିଛନ୍ତି, ‘ଖ୍ୟାଲ ରଖୟା କର୍ ୨୨ ଡିସେମ୍ବର କୋ ଆ ରହା ହେ’

ନେହାଙ୍କ ଏହି ଫଟୋ ପାଇଁ ସୋସିଆଲ ମିଡ଼ିଆରେ ଲୋକଙ୍କ ଟ୍ରୋଲର ଶିକାର ହୋଇଛନ୍ତି। ସତ ଜାଣିବା ପରେ ଲୋକେ ରାଗି ଯାଇଛନ୍ତି।