ମୁମ୍ବାଇ ୧୮।୧୦ : ନୀନା ଗୁପ୍ତାଙ୍କ ଜୀବନ ଅନେକ ଅସୁବିଧାର ସମ୍ମୁଖୀନ୍ ହୋଇଥିଲେ । ଏଥିପାଇଁ ନୀନା ଖୁବ୍ ଚର୍ଚ୍ଚାରେ ରହି ଆସିଛନ୍ତି । ସେ ତାଙ୍କ ଆଫେୟାର୍ସକୁ ନେଇ ମଧ୍ୟ ଲୋକ ଲୋଚନାକୁ ଆସିଥିଲେ। ତାଙ୍କ ପ୍ରେମ ଜୀବନ ବିଷୟରେ ସମସ୍ତେ ଜାଣନ୍ତି, ବର୍ତ୍ତମାନ ସେ ତାଙ୍କ ପିଲାଦିନର ଦୁଃଖ ବିଷୟରେ ବର୍ଣ୍ଣନା କରିଛନ୍ତି ଯେତେବେଳେ ଜଣେ ଡାକ୍ତର ଏବଂ ଜଣେ ଟେଲର ତାଙ୍କୁ ଶୋଷଣ କରିଥିଲେ । କିନ୍ତୁ ସେ ଏହା ତାଙ୍କ ମାତାଙ୍କୁ କହିପାରି ନଥିଲେ । ସେ ଭାବିଥିଲେ ଯେ ଏଥିପାଇଁ ତାଙ୍କୁ ଘରେ ଦାୟୀ କରିବେ ।
ସେତେବେଳେ ନୀନା ସ୍କୁଲରେ ପଢୁଥିଲେ । ସେ ତାଙ୍କ ଆତ୍ମଜୀବନୀ ପୁସ୍ତକ 'ସଚ କାହୁନ୍ ତୋ'ରେ ଏହା ଉଲ୍ଲେଖ କରିଛନ୍ତି। ନୀନା ଡାକ୍ତରଙ୍କ ନିକଟକୁ ତାଙ୍କ ଭାଇଙ୍କ ସହ ଯାଇଥିଲେ। ଅଭିନେତ୍ରୀ ଲେଖିଛନ୍ତି ଯେ 'ଡାକ୍ତର ମୋ ଆଖି ପରୀକ୍ଷା କରିବା ଆରମ୍ଭ କରିଥିଲେ ଏବଂ ହଠାତ୍ ସେ ଅନ୍ୟ ସ୍ଥାନକୁ ଛୁଇଁବା ଆରମ୍ଭ କଲେ, ଯାହାର ମୋ ଆଖି ସହିତ କୌଣସି ସମ୍ପର୍କ ନଥିଲା । ଯେତେବେଳେ ଏହି ସବୁ ଘଟୁଥିଲା ମୁଁ ବହୁତ ଡରି ଯାଇଥିଲି । ମୁଁ ପୂରା ଘରେ ନିଜକୁ ଘୃଣା କରୁଥିଲି । ଯେତେବେଳେ ମୋତେ କେହି ଦେଖୁ ନଥିଲେ, ସେତେବେଳେ ମୁଁ ଘରର ଏକ କୋଣରେ ଚୁପଚାପ୍ କାନ୍ଦିବାକୁ ଲାଗିଲି କିନ୍ତୁ ମୁଁ ଏତେ ଭୟଭୀତ ଥିବାରୁ ମା’ଙ୍କୁ ଏହା କହିବାକୁ ସାହସ କରିପାରି ନଥିଲି । ମୁଁ ଭାବିଥିଲି କି ସେ କହିବେ କି ଏହା ମୋର ଦୋଷ । ମୁଁ ନିଶ୍ଚୟ ତାଙ୍କୁ ଉକ୍ସାଇ ଥାଇପାରେ କିମ୍ବା କିଛି କରିଥାଇ ପାରେ । ’ନୀନା କହିଛନ୍ତି ଯେ ଡାକ୍ତର ତାଙ୍କୁ ଅନେକ ଥର ଏପରି ଶୋଷଣ କରିଥିଲେ।
ଅନ୍ୟପଟେ ଜଣେ ଟେଲରଙ୍କ ସହ ନୀନାଙ୍କର ମଧ୍ୟ ଖରାପ ଅନୁଭୂତି ଥିଲା । ତଥାପି ସେ ତାଙ୍କ ପାଖକୁ ଯିବାକୁ ବାଧ୍ୟ ହେଲେ ଯେହେତୁ ସେ ଅନୁଭବ କଲେ ଯେ ତାଙ୍କର ଆଉ କୌଣସି ବାଟ ନଥିଲା । ଏହ ସହ ନୀନା କହିଛନ୍ତି ଯେ 'ମୁଁ ଭାବିଲି ମୋର ଆଉ କୌଣସି ବିକଳ୍ପ ନାହିଁ। ଯଦି ମୁଁ ମୋ ମା’ଙ୍କୁ କହିଥାନ୍ତି ଯେ ମୁଁ ତାଙ୍କ ପାଖକୁ ଯିବାକୁ ଚାହୁଁ ନାହିଁ, ସେ ମୋତେ ପଚାରି ଥାନ୍ତେ କାହିଁକି ଏବଂ ମୋତେ ତାଙ୍କୁ କହିବାକୁ ପଡି ଥାନ୍ତା । କିନ୍ତୁ ନୀନା କହିଛନ୍ତି ଯେ ବର୍ତ୍ତମାନ ପିଲାମାନଙ୍କୁ, ତାଙ୍କୁ ଭଲ ସ୍ପର୍ଶ ଏବଂ ଖରାପ ସ୍ପର୍ଶ ବିଷୟରେ ଶିକ୍ଷା ଦିଆଯାଉଛି । ହେଲେ ତାଙ୍କୁ କିଶୋର ଅବସ୍ଥାରେ ଏନେଇ କୌଣସି ଶିକ୍ଷା ଦିଆଯାଇନଥିଲା।
