Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

କରୋନା ସ୍ଥିତି ଭୟଙ୍କର : ୨୪ ଘଣ୍ଟାରେ ପାଖାପାଖି ୧୦ ହଜାର ନୂଆ ମାମଲା, ୨୭୩ ମୃତ୍ୟୁ

5/06/2020 at 11:13 AM

ନୂଆଦିଲ୍ଲୀ ୦୫/୦୬ : ଦେଶରେ ଲକଡାଉନ କୋହଳ ହେବାପରେ ସଂକ୍ରମଣ ମାମଲା ବୃଦ୍ଧି ପାଇଛି | ପ୍ରତିଦିନ ସଂକ୍ରମଣ ସଂଖ୍ୟା ରେକର୍ଡ ଭାଙ୍ଗୁଛି | ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଅନୁଯାୟୀ, ଗତ ୨୪ ଘଣ୍ଟାରେ ୯ ହଜାର ୮୫୧ ନୂଆ ମାମଲା ସାମ୍ନାକୁ ଆସିଛି | ୨୭୩ ଜଣ କରୋନା ରୋଗୀଙ୍କ ମୃତ୍ୟୁ ହୋଇଛି | ନୂଆ ମାମଲା ସାମ୍ନାକୁ ଆସିବା ପରେ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୨୬ ହଜାର ୭୭୯ରେ ପହଞ୍ଚିଛି | ଗୁରୁବାର ଦିନ ୯ ହଜାର ୩୦୪ ନୂଆ ମାମଲା ସାମ୍ନାକୁ ଆସିଥିବାବେଳେ ୨୬୦ ଜଣଙ୍କର ମୃତ୍ୟୁ ହୋଇଥିଲା |

ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଅନୁଯାୟୀ, ଦେଶରେ ବର୍ତ୍ତମାନ ୧ ଲକ୍ଷ ୧୦ ହଜାର ୯୬୦ ଆକ୍ଟିଭ ମାମଲା ରହିଛି | ମହାମାରୀରେ ଏବେ ସୁଦ୍ଧା ୬ ହଜାର ୩୪୮ ଜଣଙ୍କର ମୃତ୍ୟୁ ହୋଇଛି ଏବଂ ୧ ଲକ୍ଷ ୯ ହଜାର ୪୬୨ ଜଣ ସୁସ୍ଥ ହୋଇଛନ୍ତି | ମହାମାରୀ ଯୋଗୁଁ ମହାରାଷ୍ଟ୍ର ସବୁଠାରୁ ଅଧିକ ପ୍ରଭାବିତ ହୋଇଛି | ମହାରାଷ୍ଟ୍ରରେ ସଂକ୍ରମିତଙ୍କ ସଂଖ୍ୟା ପାଖାପାଖି ୭୫ ହଜାରରେ ପହଞ୍ଚିଛି |

ଦେଶରେ କରୋନା ମୃତ୍ୟୁ ସଂଖ୍ୟା ୬ ହଜାର ୩୪୮ ରେ ପହଞ୍ଚିଥିବାବେଳେ ସବୁଠାରୁ ଅଧିକ ମୃତ୍ୟୁ ମହାରାଷ୍ଟ୍ରରେ ହୋଇଛି | ମହାରାଷ୍ଟ୍ରରେ ୨ ହଜାର ୭୧୦ ଜଣ ପ୍ରାଣ ହରାଇ ସାରିଛନ୍ତି | ଗୁଜରାଟରେ ୧୧୫୫, ମଧ୍ୟ ପ୍ରଦେଶରେ ୩୭୭, ଦିଲ୍ଲୀରେ ୬୫୦, ପଶ୍ଚିମବଙ୍ଗରେ ୩୫୫, ଉତ୍ତର ପ୍ରଦେଶରେ ୨୪୫, ରାଜସ୍ତାନରେ ୨୧୩, ତାମିଲନାଡୁରେ ୨୨୦, ତେଲେଙ୍ଗାନାରେ ୧୦୫, ଆନ୍ଧ୍ରପ୍ରଦେଶରେ ୭୧, କର୍ଣ୍ଣାଟକରେ ୫୭ ଜଣ କରୋନାରେ ପ୍ରାଣ ହରାଇଛନ୍ତି |

ମୁମ୍ବାଇରେ ଗୁରୁବାର ଦିନ ୧୪୪୨ ନୂଆ ମାମଲା ସାମ୍ନାକୁ ଆସିଥିଲା | କେବଳ ମୁମ୍ବାଇରେ ସଂକ୍ରମିତଙ୍କ ସଂଖ୍ୟା ୪୪ ହଜାର ୭୦୪ରେ ପହଞ୍ଚି ସାରିଛି | କେବଳ ମୁମ୍ବାଇରେ ୧୪୬୫ ଜଣଙ୍କର କରୋନା ଯୋଗୁଁ ମୃତ୍ୟୁ ହୋଇଛି | ମହାନଗର ନିଗମ ଅନୁଯାୟୀ, ମୁମ୍ବାଇରେ ବର୍ତ୍ତମାନ ୨୫ ହଜାର ୧୪୧ ଜଣଙ୍କର ଚିକିତ୍ସା ଚାଲିଛି | ଗୁରୁବାର ଦିନ ୮୪୫ ସନ୍ଦିଗ୍ଧଙ୍କୁ ମୁମ୍ବାଇର ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଥିଲା | ସହରରେ ଏବେ ସୁଦ୍ଧା ୧୮ ହଜାର ୯୮ ରୋଗୀ ସୁସ୍ଥ ମଧ୍ୟ ହୋଇସାରିଛନ୍ତି | ଗତ ୨୪ ଘଣ୍ଟାରେ ୬୯୬ ରୋଗୀ ସୁସ୍ଥ ହୋଇଛନ୍ତି |

   Related Posts