Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୦୯ କରୋନା ସଂକ୍ରମିତ, ୩୨୦୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||

ପାକିସ୍ତାନ ଅଧିକାରୀଙ୍କୁ ସାମ୍ନାରେ ବସାଇ ଜେରା କଲେ ଭାରତୀୟ ବିଦେଶ ମନ୍ତ୍ରାଳୟ; ପୁଲଓ୍ବାମା ଘଟଣାକୁ ମଧ୍ୟ ମନେ ପକାଇଦେଲେ

21/11/2020 at 4:44 PM

ନୂଆଦିଲ୍ଲୀ ୨୧/୧୧ : ଜାମ୍ମୁ-କାଶ୍ମୀରର ନାଗରୋଟରେ ଆତଙ୍କବାଦୀ ଆକ୍ରମଣ ଯୋଜନାକୁ ଭାରତୀୟ ସେନା ପଣ୍ଡ କରିବା ପରେ ପାକିସ୍ତନକୁ ଆଉ ଏକ କଡା ସନ୍ଦେଶ ଦେଇଛି । ଭାରତୀୟ ବିଦେଶ ମନ୍ତ୍ରାଳୟ ଦିଲ୍ଲୀ ସ୍ଥିତ ପାକିସ୍ତାନ ଉଚ୍ଚାୟୋଗର ଅଧିକାରୀଙ୍କୁ ଭେଟି ଅସନ୍ତୋଷ ବ୍ୟକ୍ତ କରିବା ସହ କହିଛନ୍ତି ଯେ ପଡୋଶୀ ଦେଶ ଆମ ଜମିରେ ଆତଙ୍କ ସୃଷ୍ଟି କରିବା ବନ୍ଦ କରିବା ଉଚିତ ।

ବିଦେଶ ମନ୍ତ୍ରାଳୟ ନିଜ ବୟାନରେ କହିଛି ଭାରତୀୟ ସୁରକ୍ଷା ବଳ ଜାମ୍ମୁର ନାଗରୋଟରେ ୧୯ ନଭେମ୍ବର ୨୦୨୦ରେ ଏକ ବଡଧରଣର ଆତଙ୍କୀ ହାମଲାକୁ ପଣ୍ଡ କରିଦେଇଛି । ଭାରତୀୟ ସେନାଙ୍କ ଦ୍ବାରା ଏନକାଉଣ୍ଟରରେ ନିପାତ ହୋଇଥିବା ଆତଙ୍କବାଦୀ ଜୈସ-ଇ-ଅହମ୍ମଦର ସଂଗଠନର ବୋଲି ଜଣାପଡିଥିଲା । ଲଗାତର ଭାବେ ଆତଙ୍କବାଦୀ ଆକ୍ରମଣ ପାଇଁ ଯୋଜନା କରୁଥିବା ଜୈସ ସଂଗଠନ ପାଇଁ ଭାରତ ସରକାର ପାକିସ୍ତାନ ଉଚ୍ଚାୟୋଗର ଅଧିକାରୀଙ୍କୁ ଭେଟି ଦୃଷ୍ଟି ଆକର୍ଷଣ କରିଛନ୍ତି ।

ଏହି ବୟାନରେ ବିଦେଶ ମନ୍ତ୍ରାଳୟ ଆହୁରୀ ମଧ୍ୟ କହିଛି ଯେ ଅତୀତରେ ମଧ୍ୟ ଜୈସ ଭାରତ ବିରୋଧରେ ଆକ୍ରମଣ କରିସାରିଛି । ୨୦୧୯ ପୁଲଓ୍ବାମା ଆକ୍ରମଣରେ ମଧ୍ୟ ଜୈସ-ଇ-ଅହମ୍ମଦ ଆତଙ୍କୀ ସଂଗଠନର ହାତ ଥିଲା । ତେବେ ପ୍ରତିଥର ନିହତ ହେଉଥିବା ଆତଙ୍କବାଦୀଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଏବଂ ଗୋଳାବାରୁଦ ଜବତ ହୋଇଛି । ତେଣୁ ଏଥିରୁ ସ୍ପଷ୍ଟ ଅନୁମେୟ ଯେ ଆତଙ୍କବାଦୀମାନେ ଜାମ୍ମୁ-କାଶ୍ମୀରରେ ଶାନ୍ତି ଏବଂ ସୁରକ୍ଷାକୁ ଭାଙ୍ଗିବାକୁ ଚାହୁଁଛନ୍ତି । ଖାସ କରି ଜାମ୍ମୁ-କାଶ୍ମୀରରେ ହେବାକୁ ଥିବା ଜିଲ୍ଲା ବିକାଶ ବରିଷଦ ନିର୍ବାଚନକୁ ଭଣ୍ଡୁର କରିବାକୁ ଚାହୁଁଛନ୍ତି ।

ବିଦେଶ ମନ୍ତ୍ରାଳୟ କହିଛି ଯେ, ଏ ବାବଦରେ ଦିଲ୍ଲୀ ସ୍ଥିତ ପାକିସ୍ତାନ ଉଚ୍ଚାୟୋଗଙ୍କୁ ଜବାବ ତଲବ କରିବା ସହ ନାଗରୋଟ ଘଟଣାର କଡା ବିରୋଧ କରାଯାଇଥିଲା । ତେବେ ଏହି ଗସ୍ତରେ ପାକିସ୍ତାନକୁ କୁହାଯାଇଛି କି ସେ ନିଜ ଦେଶରେ ଆତଙ୍କବାଦୀ ଏବଂ ଆତଙ୍କୀ ଗତିବିଧିକୁ ଶେ​‌ଷ କରିବାକୁ ପଦକ୍ଷେପ ଗ୍ରହଣ କରିବା ସହ ଆତଙ୍କବାଦୀଙ୍କ କାର୍ଯ୍ୟକଳାପକୁ ସମ୍ପର୍ଣ୍ଣ ବନ୍ଦ କରିବା ଦରକାର ।

   Related Posts