Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ବଦାୟୁ ମାମଲାରେ ମହିଳା କମିଶନ ସଦସ୍ୟାଙ୍କ ବିବାଦୀୟ ବୟାନ, କହିଲେ- ‘ପୀଡିତା ଯଦି ସଂଧ୍ୟା ବେଳେ ଘରୁ ନବାହାରିଥାନ୍ତେ, ତେବେ ଗଣଦୁଷ୍କର୍ମ ହୋଇନଥାନ୍ତେ’

8/01/2021 at 10:47 AM

ଲକ୍ଷ୍ମୌ ୦୮।୦୧: ଉତ୍ତରପ୍ରଦେଶର ବଦାୟୁ ଜିଲ୍ଲାରେ ୫୦ ବର୍ଷୀୟ ମହିଳାଙ୍କୁ ଗଣଦୁଷ୍କର୍ମ ଓ ହତ୍ୟା ଘଟଣା । ମାମଲାରେ ରାଷ୍ଟ୍ରୀୟ ମହିଳା ଆୟୋଗ ସଦସ୍ୟ ଚନ୍ଦ୍ରମୁଖୀ ଦେବୀ ଗୁରୁବାର ଦିନ ପୀଡିତାଙ୍କ ପରିବାର ନିକଟକୁ ଗସ୍ତ କରିଥିଲେ । ଘଟଣାକୁ ନେଇ ସ୍ଥାନୀୟ ପ୍ରଶାସନ ସହିତ ବୈଠକ ମଧ୍ୟ କରିଥିଲେ । କିନ୍ତୁ ଏହି ସମୟରେ ଚନ୍ଦ୍ରମୁଖୀ ଦେବୀ ଏକ ବିବାଦୀୟ ବୟାନ ଦେଇଛନ୍ତି । ଯାହାକି ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏଭଳି ସଙ୍ଗୀନ ସମୟରେ ଏପରି ବୟାନ ଦେବା, କେତେ ଦୂର ଯୁକ୍ତିଯୁକ୍ତ ବୋଲି ସାଧାରଣାରେ ପ୍ରଶ୍ନ ଉଠିଛି ।

ପୀଡିତା ପରିବାର ସହିତ ସାକ୍ଷାତ ପରେ ଚନ୍ଦ୍ରମୁଖୀ ଦେବୀ କହିଛନ୍ତି ଯେ, ପୀଡିତା ସନ୍ଧ୍ୟା ସମୟରେ ଘରୁ ବାହାରିବାର ନଥିଲା । ଯଦି ସଂଧ୍ୟା ସମୟରେ ମହିଳା ଜଣଙ୍କ ବାହାରକୁ ନଯାଇଥାନ୍ତ, ତେବେ ଏପରି ଅଘଟଣ ଘଟିନଥାନ୍ତା । ଏପରିକି ମହିଳାଙ୍କ ସହିତ ପରିବାରର କୌଣସି ସଦସ୍ୟ ଯାଇଥିଲେ । ଯଦି କେହି ସଦସ୍ୟ ଯାଇଥାନ୍ତେ, ତେବେ ଏପରି  ଅଘଟଣ ହୋଇନଥାନ୍ତା । ପ୍ରଥମେ ମହିଳାଙ୍କୁ ଫୋନ୍‌ କରି ଡକାଯାଇଥିଲା । ମହିଳା ଜଣଙ୍କ ଏକା ଯାଇଥିବା ବେଳେ ଏପରି ଘଟଣା ଘଟିଛି ।

ମହିଳା କମିଶନ ସଦସ୍ୟା ଆହୁରୀ ମଧ୍ୟ କହିଛନ୍ତି ଯେ, ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବା ଦରକାର । ପୋଲିସ ଅବହେଳାରୁ ଏପରି ଘଟଣା ଘଟିଛି । ପୋଲିସ ତତ୍ପରତା ଦେଖାଇଥିଲେ ଏପରି ଅଘଟଣା ଘଟିନଥାନ୍ତା । ପୋଲିସ ଚାହିଁଥିଲେ ପୀଡିତାର ଜୀବନ ବଞ୍ଚିଯାଇଥାନ୍ତା । ପୋଲିସ ଏତଲା ଲେଖିବାରେ ବିଳମ୍ବ କରିଥିଲା । ଏପରିକି ମହିଳା ଜଣଙ୍କ ୧୮ଘଣ୍ଟା କାଳ ପଡିରହିଥିଲେ । ଠିକ୍‌ ସମୟରେ ମେଡିକାଲରେ ମଧ୍ୟ ପୀଡିତାଙ୍କୁ ପହଞ୍ଚାଯାଇପାରିନଥିଲା । ଯାହାଫଳରେ କି ସେ ନିଜର ନିଶ୍ୱାସ ତ୍ୟାଗ କରିଥିଲେ । ପୋଲିସର କାର୍ଯ୍ୟାନୁଷ୍ଠାନକୁ ନେଇ ମଧ୍ୟ ପ୍ରଶ୍ନ ଉଠାଇଛନ୍ତି ଚନ୍ଦ୍ରମୁଖୀ ଦେବୀ ।

   Related Posts