Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଦୁର୍ଘଟଣାର ବଡ କାରଣ ଦ୍ରୁତ ଗତି ଏବଂ ଓଭର ଟେକ୍ : ବର୍ଷକରେ ଯାଇଛି ହଜାର ହଜାର ଜୀବନ

30/10/2021 at 9:39 AM

ଭୁବନେଶ୍ୱର ୩୦/୧୦: ଦୁର୍ଘଟଣାରେ ଚାଲିଯାଉଛି ହଜାର ହଜାର ଜୀବନ । ଦ୍ରୁତ ଗତି ସାଜିଛି କାଳ । ଗତ ବର୍ଷ ଦ୍ରୁତ ଗତି କାରଣରୁ ଦେଶରେ ୭୫୩୩୩ ଜଣ ପ୍ରାଣ ହରାଇଛନ୍ତି । ଏହାସହ ୨ ଲକ୍ଷ ୯ ହଜାର ୭୩୬ ଜଣ ଦୁର୍ଘଟଣାରେ ଆହତ ହୋଇଛନ୍ତି । ସରକାରୀଙ୍କ ତଥ୍ୟ ଅନୁସାରେ, ୩୫୪୭୯୬ରୁ ୨୧୫୧୫୯ଟି ଦୁର୍ଘଟଣା ଦ୍ରୁତ ଗତି କାରଣରୁ ହୋଇଛି । ଯାହା ୬୦ ପ୍ରତିଶତ ଅଟେ ।

ରାଷ୍ଟ୍ରୀୟ ଅପରାଧ ରେକର୍ଡ ବ୍ୟୁରୋ ବା ଏନସିଆରବି ଅନୁସାରେ, ୨୦୧୯ ଅପେକ୍ଷା ୨୦୨୦ରେ ସଡକ ଦୁର୍ଘଟଣାରେ ମୃତକଙ୍କ ସଂଖ୍ୟା ୦.୫୨ରୁ ଖସି ୦.୪୫ ପ୍ରତିଶତ ହୋଇଯାଇଛି । ସଡକ ଦୁର୍ଘଟଣା ମଧ୍ୟ କମିଛି । ୨୦୧୯ରେ ୪୬୭୧୭୧ ଦୁର୍ଘଟଣା ଘଟିଥିଲା । ୨୦୨୦ରେ ଏହି ସଂଖ୍ୟା ଖସି ୩୬୮୮୨୮କୁ ଚାଲି ଆସିଛି । ୨୦୨୦ରେ ଦୁର୍ଘଟଣାରେ ୧୪୬୩୫୪ ଜଣ ପ୍ରାଣ ହରାଇଥିବା ବେଳେ ୩୩୬୨୪୮ ଜଣ ଆହତ ହୋଇଛନ୍ତି ।

ପ୍ରଥମ ଥର ପାଇଁ ଉତ୍ତର ପ୍ରଦେଶରେ ଦୁର୍ଘଟଣା କମିଛି । ରାଜ୍ୟରେ ୨୦୨୦ରେ ୩୦୫୯୦ ଦୁର୍ଘଟଣା ଘଟିଥିବା ବେଳେ ୨୦୧୯ରେ ୪୨୩୬୮ ଦୁର୍ଘଟଣା ଘଟିଥିଲା । ତେବେ ସଡକ ଦୁର୍ଘଟଣା ହ୍ରାସ ପାଇଥିବା ମାମଲାରେ ପ୍ରଥମରେ ତାମିଲନାଡୁ ରହିଛି । ଏଠାରେ ୨୦୧୯ରେ ୫୯୪୯୯ଟି ଦୁର୍ଘଟଣା ଘଟିଥିବା ବେଳେ ୨୦୨୦ରେ ୪୬୪୪୩କୁ ଖସି ଆସିଥିଲା । ଦ୍ୱିତୀୟ ସ୍ଥାନରେ କେରଳ ରହିଛି । ଏନସିବି ଆହୁରି କହିଛି ଯେ, ଅଧିକ ଦୁର୍ଘଟଣା ଦ୍ରୁତ ଗତି ଓ ଓଭର ଟେକ୍ କାରଣରୁ ଘଟୁଛି । ଏହି କାରଣରୁ ୩୫୨୧୯ ଜଣ ପ୍ରାଣ ହରାଇଥିବା ବେଳେ ୭୭୦୬୭ ଆହତ ହୋଇଛନ୍ତି ।

୨୦୨୦ରେ ୫୮୧୨୦ଜଣ ବାଇକ ଆରୋହୀ ଜୀବନ ହାରିଛନ୍ତି । କାର ଦୁର୍ଘଟଣାରେ ୧୭୫୩୮  ଓ ଟ୍ରକ ଦୁର୍ଘଟଣାରେ ୧୬୯୯୩ ଜଣ ପ୍ରାଣ ହରାଇଛନ୍ତି । ମହାରାଷ୍ଟ୍ରରେ ୫୮୭୭ଜଣ ବାଇକ ଆରୋହୀ ପ୍ରାଣ ହରାଇଥିବା ବେଳେ ଉତ୍ତର ପ୍ରଦେଶରେ ୫୭୩୫ ଜଣ ମୃତ୍ୟୁବରଣ କରିଛନ୍ତି ।

   Related Posts