ମୁମ୍ବାଇ ୧୮।୧୧: ମହାରାଷ୍ଟ୍ରରେ ସରକାର ଗଠନ ନେଇ ଶିବସେନା-ଏନସିପି-କଂଗ୍ରେସ ମେଣ୍ଟର ଭାଗ୍ୟ ଦିଲ୍ଲୀରେ ଚୂଡାନ୍ତ ହେବାର ସମ୍ଭାବନା ରହିଛି । ଆଜି କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ଭେଟିବେ ଏନସିପି ମୁଖ୍ୟ ଶରଦ ପୱାର । ସମ୍ଭାବ୍ୟ ମେଣ୍ଟର ଚିତ୍ର ସୋନିଆ ଏବଂ ଶରଦ ପୱାରଙ୍କ ଆଲୋଚନା ପରେ ହିଁ ସ୍ପଷ୍ଟ ହେବ ।
{"id":185925,"sizeSlug":"large"}ସୋନିଆଙ୍କ ଆଗରୁ ଶରଦ ପୱାର ବରିଷ୍ଠ କଂଗ୍ରେସ ନେତା ଅହମ୍ମଦ ପଟେଲ, କେସି ବେଣୁଗାପାଳ, ମଲ୍ଲିକାର୍ଜୁନ ଖାଡଗେଙ୍କୁ ଭେଟିବେ । ଏପଟେ ସରକାର ଗଢିବା ଲାଗି ଯେତିକି ବିଳମ୍ବ ହୋଉଛି ଶିବସେନା ଛାତି ସେତିକି ଧଡଧଡ ହେଉଛି । ଶିବସେନା-ଏନସିପି-କଂଗ୍ରେସ ଭିତରେ କମନ୍ ମିନିମମ୍ ପ୍ରୋଗାମ ସ୍ଥିର କରାଯାଇଛି । ତେବେ ଏହା ଉପରେ ଚୂଡାନ୍ତ ମୋହର ଦିଲ୍ଲୀରେ ଲାଗିବ । ଯଦି ସୋନିଆ ଏବଂ ଶରଦ ପୱାରଙ୍କ ଭିତରେ ସବୁ କିଛି ଠିକ ରହେ ତେବେ ଦିନେ ଦୁଇ ଦିନ ଭିତରେ ଶିବସେନା ମୁଖ୍ୟ ଉଦ୍ଧବ ଠାକରେ ଦିଲ୍ଲୀ ଆସି ପାରନ୍ତି ।