Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ଉଦ୍ଧବ ଠାକରେ ହେବେ ମହାରାଷ୍ଟ୍ରର ଆଗାମୀ ମୁଖ୍ୟମନ୍ତ୍ରୀ, ପ୍ରସ୍ତାବକୁ ୩ ଦଳର ସମର୍ଥନ

22/11/2019 at 7:01 PM

ମୁମ୍ବାଇ : ମହାରାଷ୍ଟ୍ରରେ ସରକାର ଗଠନ ଲାଗି ଏପର୍ଯ୍ୟନ୍ତ ଜାରୀ କଳ୍ପନାଜଳ୍ପନାରେ ବିରାମ ଲାଗିଛି। ମୁମ୍ବାଇରେ ଶୁକ୍ରବାର ଏନସିପି, କଂଗ୍ରେସ ଓ ଶିବସେନାର ବୈଠକ ହୋଇଥିବା ବେଳେ ଉଦ୍ଧବ ଠାକରେଙ୍କୁ ମୁଖ୍ୟମନ୍ତ୍ରୀ କରିବା ଲାଗି ସହମତି ହୋଇଛି। ମିଳିଥିବା ସୂଚନା ଅନୁସାରେ ଶିବସେନା ମୁଖ୍ୟମନ୍ତ୍ରୀ ପଦ ସମେତ ମନ୍ତ୍ରୀମଣ୍ଡଳରେ ୧୬, ଏନସିପି ୧୪ ଓ କଂଗ୍ରେସ ୧୨ଟି ବିଭାଗ ନେବେ। ତେବେ ବାଚସ୍ପତି ଓ ଉପବାଚସ୍ପତି ପଦବୀ ନିମନ୍ତେ ଏପର୍ଯ୍ୟନ୍ତ ୩ ସହଯୋଗୀ କୌଣସି ନିଷ୍ପତ୍ତିରେ ଉପନୀତ ହୋଇପାରିନାହାନ୍ତି।

ବୈଠକ ମଝିରେ ଏନସିପି ନେତା ଶରଦ ପାୱାର ଓ ଉଦ୍ଧବ ଠାକରେ ବାହାରକୁ ଆସିଥିଲେ। ଏହି ସମୟରେ ପାୱାର ଗଣମାଧ୍ୟମକୁ ଭେଟିଥିବା ବେଳେ ଉଦ୍ଧବ ରାଜ୍ୟର ମୁଖ୍ୟମନ୍ତ୍ରୀ ହେବେ ବୋଲି କହିଛନ୍ତି। ତେବେ ଶନିବାର ପୁଣି ବୈଠକ ପରେ କେତେବେଳେ ରାଜ୍ୟପାଳଙ୍କୁ ଭେଟିବାକୁ ଯିବେ ସେ ନେଇ ଚୂଡାନ୍ତ ନିଷ୍ପତ୍ତି ହେବ ବୋଲି ପାୱାର କହିଛନ୍ତି।

ସେପଟେ ଉଦ୍ଧବ ଆଲୋଚନା ଶେଷରେ ସେ ଲୋକଙ୍କ ସମ୍ମୁଖକୁ ଆସିବେ ବୋଲି କହିଛନ୍ତି। କେତେଗୁଡିଏ ପ୍ରସଙ୍ଗକୁ ନେଇ ଆମ ଭିତରେ ସହମତି ବି ହୋଇଛି। ତେବେ ପ୍ରଥମରୁ କୌଣସି ପ୍ରସଙ୍ଗକୁ ଆମେ ଟାଳିବାକୁ ଚାହୁଁନୁ। ଏଣୁ ସବୁ ପ୍ରସଙ୍ଗରେ ସର୍ବସମ୍ମତି ଲାଗି ଆଲୋଚନା ଚାଲିଥିବା କହିଛନ୍ତି ଉଦ୍ଧବ।  

   Related Posts