Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘ଇତିହାସରେ ହୋଇଥିବା ଭୁଲଗୁଡିକୁ ଏବେ ସୁଧାରୁଛି ଭାରତ’, କଂଗ୍ରେସକୁ ଟାର୍ଗେଟ୍ କରି ବର୍ଷିଲେ ପ୍ରଧାନମନ୍ତ୍ରୀ ମୋଦି
  • ||
  • ରବିବାର ରାଜ୍ୟରେ ସୁସ୍ଥହେଲେ ଆଉ ୧୦,୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୫୩୨ ଜଣ ଡିସଚାର୍ଜ
  • ||
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||

ସୋନିଆଙ୍କ ଗଣମାଧ୍ୟମ ବିଜ୍ଞାପନ କଟକଣା ପ୍ରସ୍ତାବକୁ NBAର ବିରୋଧ

8/04/2020 at 6:23 PM

ନୂଆଦିଲ୍ଲୀ ୮।୪: କଂଗ୍ରେସ କାର୍ଯ୍ୟକାରୀ ଅଧ୍ୟକ୍ଷା ସୋନିଆ ଗାନ୍ଧି ମଙ୍ଗଳବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ପତ୍ର ଲେଖିଥିଲେ। ଯେଉଁଥିରେ ସରକାର ଓ ସରକାରୀ ଉପକ୍ରମମାନଙ୍କ ଦ୍ୱାରା ମିଡିଆ ବିଜ୍ଞାପନ ଉପରେ ୨ ବର୍ଷ ପର୍ଯ୍ୟନ୍ତ କଟକଣା ଲଗାଇବାକୁ ପରାମର୍ଶ ଦେଇଥିଲେ। ଯାହାକୁ ଏବେ ନ୍ୟୁଜ୍ ବ୍ରଡକାଷ୍ଟର ଆସୋସିଏସନ (ଏନବିଏ) ନିନ୍ଦା କରିବା ସହ ଏଭଳି ପରାମର୍ଶ ଗମମାଧ୍ୟମ କର୍ମଚାରୀଙ୍କ ମନବଳ ହ୍ରାସ କରିବ ବୋଲି କହିଛି।

ପ୍ରଧାନମନ୍ତ୍ରୀଙ୍କୁ ଲେଖିଥିବା ପତ୍ରରେ ସୋନିଆ ବିଭିନ୍ନ ପରାମର୍ଶ ଦେଇଛନ୍ତି। ଯେଉଁଥିରେ ଦେଶର କରୋନା ଯୁଦ୍ଧ ଲାଗି ପାଣ୍ଠି ଯୋଗାଡ ଏବେ ଦେଶ ଲାଗି ସବୁଠୁ ଗୁରୁତ୍ୱପୂର୍ଣ୍ଣ ବୋଲି ଉଲ୍ଲେଖ କରିଛନ୍ତି। ଏଥିରେ ସେ ସରକାର ଓ ସରକାରୀ ଉପକ୍ରମମାନଙ୍କ ଦ୍ୱାରା ଟେଲିଭିଜନ, ପ୍ରିଣ୍ଟ ଓ ଅନଲାଇନ୍ ଗଣମାଧ୍ୟମକୁ ୨ ବର୍ଷ ପର୍ଯ୍ୟନ୍ତ ବିଜ୍ଞାପନ ପ୍ରଦାନ ଉପରେ ରୋକ ଲଗାଇବା ସହ ଏ ବାବଦରେ ସଞ୍ଚିତ ଅର୍ଥକୁ  ଦେଶର କରୋନା ମୁକାବିଲାରେ ବ୍ୟୟ କରାଯାଇପାରେ ବୋଲି ପ୍ରସ୍ତାବ ଦେଇଛନ୍ତି। ତେବେ କରୋନା ଓ ସ୍ୱାସ୍ଥ୍ୟ ସମ୍ବଦ୍ଧିତ ବିଜ୍ଞାପନକୁ କଟକଣାରୁ ମୁକ୍ତ ରଖାଯାଇପାରେ ବୋଲି ସୋନିଆ ଉଲ୍ଲେଖ କରିଥିଲେ।

ତେବେ ଏନବିଏ ଅଧ୍ୟକ୍ଷ ରଜତ ଶର୍ମା ଗଣମାଧ୍ୟମ ବିଜ୍ଞାପନ ସମ୍ପର୍କିତ ସୋନିଆଙ୍କ ପରାମର୍ଶକୁ ସଂଘ ଅଗ୍ରାହ୍ୟ କରୁଥିବା କହିଛନ୍ତି। ସେ କହିଛନ୍ତି ଯେ ଗଣମାଧ୍ୟମ କର୍ମଚାରୀମାନେ ନିଜ ଜୀବନକୁ ବାଜି ଲଗାଇ ଯେତେବେଳେ କରୋନା ସମ୍ପର୍କିତ ଖବର ପ୍ରସାରଣ କରି ରାଷ୍ଟ୍ରଲାଗି ସେମାନଙ୍କ ଦାୟିତ୍ୱ ନିର୍ବାହ କରୁଛନ୍ତି ସେତେବେଳେ କଂଗ୍ରେସ କାର୍ଯ୍ୟକାରୀ ଅଧ୍ୟକ୍ଷାଙ୍କ ପରାମର୍ଶ ସେମାନଙ୍କ ମନବଳ ହ୍ରାସ କରିଛି।  

ଶର୍ମା କହିଛନ୍ତି ଯେ ଆର୍ଥିକ ମାନ୍ଦାବସ୍ଥା ଯୋଗୁ ଟେଲିଭିଜନ ବିଜ୍ଞାପନ ରାଜସ୍ୱ ଆଶାତୀତ ହ୍ରାସ ହୋଇଛି। ଏଥିରେ କରୋନା ସଂକ୍ରମଣ ଓ ଏଥିଯୋଗୁ ଲକଡାଉନ୍‌ରେ ଦେଶବ୍ୟାପୀ ଉଦ୍ୟୋଗ ଏବଂ ବାଣିଜ୍ୟ ଏବେ ଗୁରୁତର ପ୍ରଭାବିତ ହେବା ଗଣମାଧ୍ୟମ ବ୍ୟବସାୟକୁ କ୍ଷତିଗ୍ରସ୍ତ କରିଛି। ଗଣମାଧ୍ୟମାନେ ସେମାନଙ୍କ ସାମ୍ବାଦିକ ଓ ଅନ୍ୟ କର୍ମଚାରୀଙ୍କ ସୁରକ୍ଷାଲାଗି ବିପୁଳ ବ୍ୟୟ କରୁଥିବା ବେଳେ କଂଗ୍ରେସ ଅଧ୍ୟକ୍ଷାଙ୍କର ଏହା  ଭୁଲ ସମୟରେ ଅଦୂରଦର୍ଶୀ ପରାମର୍ଶ ବୋଲି କହିଛନ୍ତି । ଏଭଳି ପରାମର୍ଶକୁ କଂଗ୍ରେସ ଅଧ୍ୟକ୍ଷା ପ୍ରତ୍ୟାହାର କରନ୍ତୁ ବୋଲି ଏନବିଏ ଅଧ୍ୟକ୍ଷ ଦାବି କରିଛନ୍ତି।

   Related Posts