Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହମ୍‌ଲା ପ୍ରସ୍ତୁତି : Mudda (14.08.2018)

14/08/2018 at 10:57 PM

ଛତିଶଗଡର ସୁକମା ଜିଲ୍ଲା ଗୋଲାପାଲ୍ଲି ଏନକାଉଣ୍ଟରକୁ ନେଇ ଚାଲିଲା ତୁମ୍ବିତୋଫାନ । ମିଥ୍ୟା ଏନକାଉଣ୍ଟର ନେଇ ବିଭିନ୍ନ ସଂଗଠନଙ୍କ ଅଭିଯୋଗକୁ ସାମ୍ନା କରିବାକୁ ଆଗକୁ ଆସିଲେ ସୁକମା ଏସପି ଅଭିଷେକ ମୀନା । ଏନକାଉଣ୍ଟର ପରବର୍ତ୍ତୀ ସ୍ଥିତିର ଭିଡିଓ ଜାରିକଲେ ଏସପି । ତେବେ ଘଟଣାର ଦିନକ ପରେ ଛତିଶଗଡରେ ସକ୍ରିୟ ମାଓବାଦୀ ଭାଇରାଲ କଲେ ଏକ ଭିଡିଓ । ଯେଉଁଥିରେ ଅତ୍ୟାଧୁନିକ ଅସ୍ତ୍ରଶସ୍ତ୍ରରେ ସଜ୍ଜିତ ମାଓବାଦୀ ଗରିଲା ଯୁଦ୍ଧ କୌଶଳର ଅଭ୍ୟାସ କରୁଛନ୍ତି । ସେମାନଙ୍କୁ ତାଲିମ ଦେଉଛନ୍ତି ସଂଗଠନର ବରିଷ୍ଠ ଓ ଦୁର୍ଦ୍ଧଷ ନକ୍ସଲ କମାଣ୍ଡର । ସେମାନଙ୍କ ନିକଟରେ ଏକେ-47 ,INSAS ଏବଂ ଅଟୋମେଟିକ ରାଇଫଲ ରହିଛି । ଛତିଶଗଡ, ଓଡ଼ିଶା ଓ ଆନ୍ଧ୍ରପ୍ରଦେଶର ପୋଲିସକୁ ଚ୍ୟାଲେଞ୍ଜ ଦେଇ ବଡଧରଣର ହମଲା କରିବାକୁ ପ୍ରସ୍ତୁତ ହେଉଛି ରଣନୀତି । ମାଲକାନଗିରିର ବିଚ୍ଛିନ୍ନାଞ୍ଚଳକୁ ଗୁରୁପ୍ରିୟା ସେତୁ ହେବା ପରେ ସେମାନଙ୍କ ଚିନ୍ତା ବଢିଛି । ସେମାନଙ୍କ ଦ୍ୱାରା ଘୋଷିତ ଗରିଲା ମୁକ୍ତାଞ୍ଚଳରେ ପୋଲିସର ଉପସ୍ଥିତି । ତେଣୁ ପୋଲିସକୁ ଚ୍ୟାଲେଞ୍ଜ ଦେଇ କ୍ୟାଡରଙ୍କ ମନୋବଳ ବଢାଇବାକୁ ନକ୍ସଲଙ୍କ ଏହା ଏକ ରଣନୀତି ବୋଲି କହିଛନ୍ତି ବିଶେଷଜ୍ଞ ।

   Related Posts