Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

ଲାଲ କରିଡରରେ ଆଶାର ଆଲୋକ : ହାତରେ ବନ୍ଧୁକ ବଦଳରେ ବେଲପତ୍ର

23/09/2018 at 4:51 PM

ଝାରଖଣ୍ଡ ୨୩/୯ : ଲାଲ କରିଡରରେ ଦେଖାଦେଇଛି ଆଶାର ଆଲୋକ । ଝାଡଖଣ୍ଡ ଦଲମା ଜଙ୍ଗଲ ଭିତରେ ଏମିତି ଜଣେ ପୂଜକ ଏବେ ଲୋକଙ୍କୁ ସତମାର୍ଗ ଦେଖାଉଛନ୍ତି ଯିଏ ଦିନେ ଥିଲେ ସକ୍ରିୟ ନକ୍ସଲ ସଦସ୍ୟ । ସେପଟେ ସୁକମାରେ ନକ୍ସଲ ପ୍ରଭାବିତ ଇଲାକାର ପିଲାଙ୍କୁ ପାଠ ପଢାଇବା ପାଇଁ ଆରମ୍ଭ ହୋଇଛି ଅଭିଯାନ ।
ପୂଜାପାଠର ପବିତ୍ର ବାତାବରଣ ଭିତରେ ହଜି ଯାଇଛି ହିଂସା । ମନ୍ତ୍ରପାଠ ଭିତରେ ହଜି ଯାଇଛି ରକ୍ତପାତ । ଲୋକଙ୍କ ପାଇଁ ପୂଜାର୍ଚ୍ଚନା କରୁଥିବା ଏହି ପୂଜକ ଜଣକ ଦିନେ ଥିଲେ ଲାଲ କରିଡରର ସକ୍ରିୟ ସଦସ୍ୟ । ସେବେ ଥିଲା ହାତରେ ବନ୍ଧୁକ, ଏବେ ବେଲପତ୍ର । ସେବେ ପିନ୍ଧୁଥିଲେ ଅଲିଭ ଗ୍ରୀନ ପୋଷାକ, ଏବେ ଶୁଭ୍ର ବସ୍ତ୍ର ପରିହିତ । ନକ୍ଲଲ ସଂଗଠନରେ ନାଁ ଥିଲା କରୁ ସିଂ, ଆଉ ଏବେ ପୂଜକ ଦୀନବନ୍ଧୁ ସିଂ । ଝାଡଖଣ୍ଡ ଜାମସେଦପୁର ଦଲମା ଅଭୟାରଣ୍ୟ ଭିତରେ ଚଲିଆମା ଗାଁର ଏହି ଦୃଶ୍ୟ ନୂଆ ଧାରା ଦେଖାଇଛି ।
ପରିସ୍ଥିତିରେ ପଡି ନକ୍ସଲ ସଂଗଠନରେ ସାମିଲ ହୋଇଥିଲେ ଦୀନବନ୍ଧୁ ସିଂ । ହେଲେ ବୁଝି ପାରିଥିଲେ ଅସଲ କଥା । ସଂଗଠନ ଛାଡି ମୁଖ୍ୟସ୍ରୋତରେ ସାମିଲ ହୋଇଥିଲେ । ୨୦୧୨ରେ ଜେଲ୍ରୁ ଆସିବା ପରେ ଗାଁକୁ ଫେରି ଆସିଥିଲେ ଆଉ ତାପରେ ବଦଳି ଯାଇଥିଲା ତାଙ୍କ ଜୀବନ । ସେବେଠାରୁ ଭଲବାଟରେ ଚାଲିବା ପାଇଁ ଲୋକଙ୍କୁ ବୁଝାଉଛନ୍ତି ଦୀନବନ୍ଧୁ ।
ନକ୍ସଲ ପ୍ରଭାବିତ ସୁକମାର ଏହି ଦୃଶ୍ୟ ବି ଦେଖାଇଛି ଆଶାର ଆଲୋକ ।ପୋଲିସ-ନକ୍ସଲ ଗୁଳି ବିନିମୟରେ ସୁକମା ଲହୁଲୁହାଣ ହୋଇଛି । ଆଦିବାସୀ ବହୁଳ ଇଲାକାର ଭବିଷ୍ୟତ ପୀଢି ହାତରେ ଏବେ ଶିକ୍ଷା ଭଳି ନୂଆ ଅସ୍ତ୍ର । ନକ୍ସଲ ପ୍ରଭାବିତ ଅଞ୍ଚଳର ପିଲାଙ୍କୁ ଶିକ୍ଷାଦାନ କରିବା ଲାଗି ଆରମ୍ଭ ହୋଇଛି ସ୍ବତନ୍ତ୍ର ଅଭିଯାନ ।
ଯେଉଁଠି ବିକାଶ ଯେତେ ପଛୁଆ, ସେଠି ନକ୍ସଲ ସେତେ ପ୍ରଭାବ ବିସ୍ତାର କରିଥାନ୍ତି ।ଏମିତି ସ୍ଥିତିରେ ଶିକ୍ଷାର ଭୂମିକା ଗୁରୁତ୍ବପୂର୍ଣ୍ଣ ।ନକ୍ସଲ କ୍ୟାଡରଙ୍କ କଥାରେ ଭଳି ଯାଇ ସରଳ ଆଦିବାସୀଙ୍କୁ ଅବାଟରେ ଯିବାକୁ ରୋକିବ ଶିକ୍ଷା ଅଭିଯାନ । ପୂଜକ ଦୀନବନ୍ଧୁ ସିଂ ଏବଂ ସୁକମାର ଏହି ସ୍କୁଲ ଲାଲକରିଡରରେ ନୂଆ ଦିଗ ଦେଖାଇଛି ।

   Related Posts