Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଣତନ୍ତ୍ର ଦିବସ ପୂର୍ବରୁ ଦିଲ୍ଲୀ ପୋଲିସକୁ ବଡ ଧରଣର ସଫଳତା, ଅବୈଧ ଅସ୍ତ୍ରଶସ୍ତ୍ର ସହ ୨ଜଣ ଗିରଫ
  • ||
  • ଗଣତନ୍ତ୍ର ଦିବସରେ ୩୮୪ଜଣଙ୍କୁ ମିଳିବ ବୀରତା ପୁରସ୍କାର, ଘୋଷଣା କଲେ ରାଷ୍ଟ୍ରପତି
  • ||
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||

ନିର୍ବାଚନ ପୂର୍ବରୁ ଛତିଶଗଡ଼ରେ ରକ୍ତମୁଖା ଲାଲବାହିନୀ : କ୍ରସ୍ ଫାୟାରରେ ଟଳି ପଡ଼ିଲେ ଭିଡିଓ ଜର୍ଣ୍ଣାଲିଷ୍ଟ ଅଚ୍ୟୁତାନନ୍ଦ ସାହୁ, ୨ ସିଆରପିଏଫ୍ ଯବାନ ସହିଦ୍

30/10/2018 at 6:39 PM

ଭୁବନେଶ୍ବର ୩୦|୧୦: ଛତିଶଗଡ଼ରେ ପୁଣି ମାଓ ହମଲା । ନିର୍ବାଚନ ଯେତିକି ପାଖେଇ ଆସୁଛି, ଲାଲବାହିନୀ ସେତେ ଅଧିକରୁ ଅଧିକ ରକ୍ତମୁଖା ହେବାରେ ଲାଗିଛି । ବିଜାପୁରରେ ଲ୍ୟାଣ୍ଡ ମାଇନ୍ ବିସ୍ଫୋରଣର ୩ ଦିନ ପରେ ଆଜି ଦାନ୍ତେୱାଡ଼ାରେ କରିଛନ୍ତି ଆମ୍ବୁସ୍ । ଯେଉଁଥିରେ ୨ ସିଆରପିଏଫ୍ ଯବାନ ସହିଦ୍ ହୋଇଥିବା ବେଳେ କ୍ରସ୍ ଫାୟାରରେ ଟଳି ପଡ଼ିଛନ୍ତି ଜଣେ ଗଣମାଧ୍ୟମ ପ୍ରତିନିଧି ।

ନିର୍ବାଚନ ପୂର୍ବରୁ ଛତିଶଗଡ଼ରେ ରକ୍ତମୁଖା ଲାଲବାହିନୀ । ବିଜାପୁର ପରେ ଦାନ୍ତେଓ୍ବାଡ଼ାରେ ବଡ଼ ଧରଣର ମାଓ ହମଲା । ଏଥର ସୁରକ୍ଷାକର୍ମୀଙ୍କ ସହ ଗଣମାଧ୍ୟମ ପ୍ରତିନିଧିଙ୍କୁ କଲେ ଟାର୍ଗେଟ୍ । ଆରନପୁର ନିକଟରେ ସିଆରପିଏଫ୍ ଯବାନଙ୍କୁ ଅତର୍କିତ ଆକ୍ରମଣ କରିଥିଲେ ମାଓବାଦୀ । ଯେଉଁଠି କ୍ରସ୍ ଫାୟାରରେ ଟଳି ପଡ଼ିଛନ୍ତି ଦୂରଦର୍ଶନର ଭିଡିଓ ଜର୍ଣ୍ଣାଲିଷ୍ଟ ଅଚ୍ୟୁତାନନ୍ଦ ସାହୁ। ସିଆରପିଏଫ୍ ଏସଆଇ ରୁଦ୍ରପ୍ରତାପ, ଆସିଷ୍ଟାଣ୍ଟ କନଷ୍ଟେବଲ୍ ମଙ୍ଗଳୁ ସହିଦ୍ ହୋଇଛନ୍ତି । ଆଉ ୨ ଜଣ ଯବାନ ଆହତ ହୋଇଛନ୍ତି ।

ଅଚ୍ୟୁତାନନ୍ଦଙ୍କ ଘର ବଲାଙ୍ଗିର ଲୋଇସିଂହା ବ୍ଲକ୍ ଅନ୍ତର୍ଗତ ଘୁଷୁରାମୁଣ୍ଡା ଗାଁରେ । ସେନାବାହିନୀରୁ ଅବସର ପରେ ଦୂରଦର୍ଶନରେ ଚାକିରି କରିଥିଲେ । ଛତିଶଗଡ଼ରେ ନିର୍ବାଚନ କଭରେଜ୍ ପାଇଁ ଦିଲ୍ଲୀରୁ ଅନ୍ୟ ୨ ସହଯୋଗୀଙ୍କ ସହ ଆସିଥିଲେ ।ତେବେ ନିର୍ବାଚନ ପୂର୍ବରୁ ଆରନପୁର-ଦାନ୍ତେୱାଡ଼ା ରାସ୍ତାରେ ଫ୍ଲାଗ୍ ମାର୍ଚ୍ଚ କରୁଥିଲେ ସୁରକ୍ଷାକର୍ମୀ । ଆଉ ସହଯୋଗୀ ରିପୋର୍ଟର ଧୀରଜ କୁମାର ଏବଂ ଲାଇଟ୍ ଆସିଷ୍ଟାଣ୍ଟ ମୋରମୁକ୍ତ ଶର୍ମାଙ୍କ ସହ ଗ୍ରାଉଣ୍ଡରୁ ନିର୍ବାଚନ ଏବଂ ଅନ୍ୟ ଉନ୍ନୟନମୂଳକ ଖବର ସଂଗ୍ରହରେ ବ୍ୟସ୍ତ ଥିଲେ ଅଚ୍ୟୁତାନନ୍ଦ କିନ୍ତୁ ସୁରକ୍ଷାକର୍ମୀଙ୍କୁ ନକ୍ସଲଙ୍କ ଟାର୍ଗେଟର କ୍ରସ୍ ଫାୟାରରେ ଟଳି ପଡ଼ିଲେ ।  ଗତବର୍ଷ ବାହା ହୋଇଥିଲେ ଅଚ୍ୟୁତାନନ୍ଦ । ସେ ଓ ତାଙ୍କ ସ୍ତ୍ରୀ ଦିଲ୍ଲୀରେ ରହୁଥିବା ବେଳେ ଗାଁରେ ରହୁଥିଲେ ବାପା-ମାଆ ।

ଗତ ଶନିବାର ବିଜାପୁରରେ ଲାଲ୍ ବାହିନୀର ଲ୍ୟାଣ୍ଡମାଇନ୍ ବିସ୍ଫୋରଣରେ ୪ ସି.ଆର୍.ପି.ଏଫ୍ ଯବାନ୍ ସହିଦ୍ ହୋଇଥିବା ବେଳେ ୨ ଜଣ ଆହତ ହୋଇଥିଲେ । ଯେଉଁମାନଙ୍କ ମଧ୍ୟରେ ଓଡ଼ିଆ ଯବାନ୍ ବ୍ରଜମୋହନ ବେହେରା ଥିଲେ ।

   Related Posts