Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଲକଡାଉନ ସମୟରେ ମୁଣ୍ଡରେ ଗାମୁଛା ବାନ୍ଧି ଚାଷୀଙ୍କ ଭଳି ଗାଁ କ୍ଷେତରେ କାମ କରୁଛନ୍ତି ନବାଜୁଦ୍ଦିନ ସିଦ୍ଦିକି, ଚିହ୍ନିବା ମୁସ୍କିଲ

24/06/2020 at 5:16 PM

ମେରଠ ୨୪/୦୬ : ଲକଡାଉନ ଯୋଗୁଁ ସମସ୍ତ ଫିଲ୍ମ ସୁଟିଙ୍ଗ ସ୍ଥଗିତ ରଖାଯାଇଛି | ବଲିଉଡ ଅଭିନେତା ନବାଜୁଉଦ୍ଦିନ ସିଦ୍ଦିକି ଲକଡାଉନ ମଧ୍ୟରେ ନିଜ ପୈତୃକ ଘରକୁ ଯାଇଛନ୍ତି | ସେଠାରେ ସେ ଚାଷ କାମ କରୁଛନ୍ତି | ଚାଷୀଙ୍କ ଭଳି ମୁଣ୍ଡରେ ଗାମୁଛା ବାନ୍ଧି କ୍ଷେତରେ କାମ କରୁଛନ୍ତି | କ୍ଷେତରେ ଚାଷ କାମ କରୁଥିବା ଏକ ଭିଡିଓ ସେ ନିଜେ ସୋସିଆଲ ମିଡ଼ିଆରେ ସେୟାର କରିଛନ୍ତି | ନବାଜୁଦ୍ଦିନଙ୍କ ଏହି ଭିଡିଓକୁ ତାଙ୍କ ପ୍ରଶଂସକ ଖୁବ ପସନ୍ଦ କରିଛନ୍ତି |

ପ୍ରଶଂସକ ତାଙ୍କ ଭିଡିଓରେ ସକାରାତ୍ମକ ପ୍ରତିକ୍ରିୟା ରଖିଛନ୍ତି | ଚାଷ କାମ କରି ସାରିବା ପରେ କ୍ଷେତରେ ହାତ ଧୋଉଥିବା ମଧ୍ୟ ଭିଡିଓରେ ଦେଖିବାକୁ ମିଳିଛି | ମେ ୧୯ ତାରିଖରେ ନିଜ ଜନ୍ମଦିନ ପାଳନ କରିବାକୁ ସେ ପ୍ରତିବର୍ଷ ନିଜ ପୈତୃକ ଗାଁ ବୁଢାନା ଆସନ୍ତି | ଚଳିତ ବର୍ଷ କରୋନା ମହାମାରୀ ଯୋଗୁ ଲକଡାଉନ ଲାଗୁ ହୋଇଥିବାରୁ ବିଶେଷ ଅନୁମତି ନେଇ ବୁଢାନା ପହଞ୍ଚିଥିଲେ ଏବଂ ହୋମ କ୍ଵାରେଣ୍ଟାଇନରେ ଥିଲେ | ସେହିଦିନରୁ ସେ ବୁଢାନାରେ ଅଛନ୍ତି |

ତାଙ୍କ ଭାଇ ଫୈଜୁଦ୍ଦିନ ସିଦ୍ଦିକି କହିଛନ୍ତି ଯେ, ଡିସେମ୍ବର ୭ ତାରିଖରେ ତାଙ୍କ ସାନ ଭଉଣୀ ସାୟମା ସିଦ୍ଦିକିଙ୍କ ନିଧନ ହୋଇଥିଲା | ସେଥିପାଇଁ ଚଳିତବର୍ଷ ସେ ନିଜ ଜନ୍ମଦିନ ଓ ଇଦ ପର୍ବ ପାଳନ କରିନାହାନ୍ତି | ନବାଜୁଉଦ୍ଦିନ ଏଥର ନିଜ ପତ୍ନୀ ଓ ପିଲାଙ୍କୁ ବୁଢାନାକୁ ଆଣି ନାହାନ୍ତି | ସେ ନିଜ ଭାଇ ଓ ମାଙ୍କ ସହିତ ଆସିଛନ୍ତି | ପ୍ରଶଂସକ ଓ ଗଣମାଧ୍ୟମ ପ୍ରତିନିଧିଙ୍କ ଠାରୁ ସେ ଦୁରେଇ ରହିଛନ୍ତି | କ୍ଷେତରେ କାମ କରିବା ପାଇଁ ନବାଜୁଉଦ୍ଦିନ ଏମିତି ସମୟ ବାହାର କରନ୍ତି ଯେପରିକି କାହାକୁ ଜଣା ନ ପଡୁ | ତେବେ ସେ କେଉଁ ସମୟରେ କ୍ଷେତକୁ ଯାଆନ୍ତି ଏବଂ କେଉଁ ସମୟରେ ଆସନ୍ତି ତାହା କେହି ଜାଣି ନାହାନ୍ତି |

   Related Posts