Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ସମ୍ବଲପୁରର ଆରାଧ୍ୟଦେବୀ ମା’ ସମଲେଶ୍ବରୀଙ୍କ ପୀଠରେ ନବରାତ୍ର ପୂଜା ଆରମ୍ଭ, ଧବଳମୂଖୀ ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଉଛନ୍ତି ମା’

28/09/2019 at 2:23 PM

ସମ୍ବଲପୁର ୨୮।୯: ସମ୍ବଲପୁର ସମେତ ପଶ୍ଚିମ ଓଡିଶାର ଆରାଧ୍ୟଦେବୀ ମା’ ସମଲେଶ୍ବରୀଙ୍କୁ ଆଜି ଧବଳମୂଖୀ ବେଶ କରାଯାଇଛି। ଏହାକୁ ମା’ଙ୍କ ଗଙ୍ଗାବେଶ ବୋଲି ମଧ୍ୟ କୁହାଯାଏ। ଏହି ବେଶ ଦେଖିବାକୁ ଭୋର ୪ଟାରୁ ସମଲେଶ୍ବରୀ ମନ୍ଦିରରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ହୋଇଛି। ବିନା ବ୍ୟାରେକେଡ୍‌ ଓ ହାତଗଣତି କିଛି ପୋଲିସ୍ କର୍ମୀଙ୍କ ଉପସ୍ଥିତିରେ, ଶ୍ରଦ୍ଧାଳୁମାନେ ଶୃଙ୍ଖଳିତ ଦର୍ଶନ କରୁଛନ୍ତି । ରାତି ୧୨ଟା ଯାଏଁ ଏହି ଦର୍ଶନ ବ୍ୟବସ୍ଥା ଜାରି ରହିବାକୁ ଥିବାବେଳେ, ଆଜିଠାରୁ ନବରାତ୍ରପୂଜା ଓ ମାନସିକ ଦୀପ ବସାଇବା କାର୍ଯ୍ୟ ମଧ୍ୟ ଆରମ୍ଭ ହୋଇଛି ।

ମହାଳୟା ଅମାବାସ୍ୟାଠାରୁ, ଆରମ୍ଭ ହୋଇଯାଇଛି ପାର୍ବଣ ଋତୁ। ପଶ୍ଚିମଓଡିଶାର ଆରାଧ୍ୟଦେବୀ ମା’ ସମଲେଶ୍ବରୀଙ୍କ ପୀଠରେ ମୂଳାଷ୍ଟମୀଠାରୁ ୧୬ଦିନ ପୂଜା ଆରମ୍ଭ ହୋଇଯାଇଥିବା ବେଳେ, ଆଜିଠାରୁ ନବରାତ୍ର ପୂଜା ଆରମ୍ଭ ହୋଇଛି। ଆଜି ପବିତ୍ର ମହାଳୟା ଅମବାସ୍ୟା ତିଥିରେ ମା’ ସମଲେଶ୍ବରୀଙ୍କୁ ଧବଳମୁଖୀ ବେଶରେ ସଜ୍ଜିତ କରାଯାଇଛି। ବର୍ଷ ତମାମ ମା’, ଶ୍ରଦ୍ଧାଳୁମାନଙ୍କୁ ସିନ୍ଦୁରବର୍ଣ୍ଣା ରକ୍ତମୁଖା ବେଶରେ ଦର୍ଶନ ଦେଉଥିବା ବେଳେ, ଆଜି ଦିନଟିଏ ମା’ ସମସ୍ତ ଶ୍ରଦ୍ଧାଳୁମାନଙ୍କୁ ଧବଳମୁଖୀ ବେଶ ବା ଗଙ୍ଗା ବେଶରେ ଦର୍ଶନ ଦେଇଥାନ୍ତି। ଏହି ବେଶ ଦର୍ଶନ କରିବାକୁ, କାହିଁ କେତେ ଦୂରରୁ ଶ୍ରଦ୍ଧାଳୁମାନେ ଛୁଟି ଆସିଥାନ୍ତି ମା’ ସମଲେଶ୍ବରୀଙ୍କ ପୀଠକୁ।

ବିନା ବ୍ୟାରିକେଡ୍‌, ବିନା ପୋଲିସ୍‌ ପହରାରେ ଶ୍ରଦ୍ଧାଳୁମାନେ ଶାନ୍ତିପୂର୍ଣ୍ଣ ଭାବରେ ଶୃଙ୍ଖଳିତ ଧାଡିରେ ଯାଇ ମାଆଙ୍କୁ ଦର୍ଶନ କରିଥାନ୍ତି। କୁହାଯାଏ ମହାଳୟା ଅମାବାସ୍ୟା ତିଥିରେ ମା’ ସମଲେଶ୍ବରୀଙ୍କୁ ଧବଳମୁଖୀ ବେଶରେ ଦର୍ଶନ କଲେ, କୋଟି ପୂଣ୍ୟ ମିଳିବା ସହ, ପିତୃଲୋକ ଶାନ୍ତି ଅନୁଭବ କରିଥାନ୍ତି ।

ମା’ ସମଲେଶ୍ବରୀଙ୍କ ପୀଠରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିବା ବେଳେ, ମନ୍ଦିର ପ୍ରଶାସନ ଓ ପୋଲିସ୍‌ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ଶ୍ରଦ୍ଧାଳୁ ମାନେ ଯେପରି ଶୃଙ୍ଖଳିତ ଦର୍ଶନ କରିପାରିବେ, ସେଥିପାଇଁ ଧାଡିର ବ୍ୟବସ୍ଥା କରାଯାଇଥିବା ବେଳେ, ମନ୍ଦିର ଗର୍ଭ ଗୃହନିକଟରେ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି। ସେହିପରି ଆଜିଠାରୁ ମାନସିକ ଅଖଣ୍ଡ ଦୀପ ବସାଇବାକୁ ବହୁ ସଂଖ୍ୟାରେ ଶ୍ରଦ୍ଧାଳୁ ଦୀପଦାନ କରିଛନ୍ତି। ଏହି ଦୀପ ଗୁଡିକ ବିଜୟା ଦଶମୀ ପର୍ଯ୍ୟନ୍ତ ଜଳିବା ବ୍ୟବସ୍ଥା କରାଯାଇଛି। 

ମା’ଙ୍କ ଧବଳମୁଖୀ ବେଶ ଦର୍ଶନ କରିବାକୁ, ଓଡିଶା ସମେତ ପଡୋଶୀ ଛତିଶଗଡ, ଝାଡଖଣ୍ଡରୁ ମଧ୍ୟ ହଜାର ହଜାର ଶ୍ରଦ୍ଧାଳୁ ଆସିଥାନ୍ତି। ମା’ଙ୍କ ଏହି ବେଶ କାର୍ଯ୍ୟକ୍ରମ କରିବା ପାଇଁ ଗତକାଲି ରାତି ୧୧ଟାରୁ ମନ୍ଦିରରେ ପ୍ରସ୍ତୁତି ଆରମ୍ଭ ହୋଇ ଆଜି ଭୋର ୪ଟାରେ ସରିଥିବା କହିଛନ୍ତି ମନ୍ଦିରର ମୁଖ୍ୟ ପୂଜକ ।

ମା’ ସମଲେଶ୍ବରୀଙ୍କ ମହାଳୟା ଅମବାସ୍ୟା ଦିନ, ଧବଳମୁଖୀ ବେଶରେ ଶ୍ରଦ୍ଧାଳୁ ମାନଙ୍କୁ ଦର୍ଶନ ଦେଉଥିବା ବେଳେ, କୁମାର ପୂର୍ଣ୍ଣମୀ ଦିନ ରାଜରାଜେଶ୍ବରୀ ବେଶରେ ଶ୍ରଦ୍ଧାଳୁମାନଙ୍କୁ ଦର୍ଶନ ଦେଇଥାନ୍ତି। ଏହି ବେଶ ଦେଖିବାକୁ ଲକ୍ଷାଧିକ ଶ୍ରଦ୍ଧାଳୁ ମାନଙ୍କ ମନ୍ଦିରରେ ସମାଗମ ହୋଇଥାଏ ।

   Related Posts