ନୂଆଦିଲ୍ଲୀ ୨୯/୦୯: ରାଜ୍ୟ ସଭାପତି ପଦରୁ ଇସ୍ତଫା ଦେବା ପରେ ପଞ୍ଜାବ କଂଗ୍ରେସରେ ରାଜନୈତିକ ଅସ୍ଥିରତା ସୃଷ୍ଟି ହୋଇଛି । ତେବେ ଏହାରି ଭିତରେ ଭିଡିଓ ବାର୍ତ୍ତା ସେୟାର କରିଛନ୍ତି ନବଜୋତ ସିଂହ ସିଦ୍ଧୁ । ଭିଡିଓ ବାର୍ତ୍ତାରେ କହିଛନ୍ତି ଯେ ଶେଷ ନିଶ୍ୱାସ ପର୍ଯ୍ୟନ୍ତ ସେ ଅଧିକାର ଏବଂ ସତ୍ୟ ପାଇଁ ନିଜର ସଂଗ୍ରାମ ଜାରି ରଖିବେ । ଟ୍ୱିଟରରେ ପ୍ରକାଶିତ ଏକ ଭିଡିଓରେ ନବଜୋତ କହିଛନ୍ତି ଯେ ଏହା ବ୍ୟକ୍ତିଗତ ଲଢେଇ ନୁହେଁ ବରଂ ନୀତିର ଲଢେଇ ।
ମୁଁ ନୀତି ଉପରେ ଆପୋଷ ବୁଝାମଣା କରିବି ନାହିଁ । ମୋର ଶେଷ ନିଶ୍ୱାସ ପର୍ଯ୍ୟନ୍ତ ସତ୍ୟ ପାଇଁ ସଂଗ୍ରାମ ଜାରି ରଖିବି । ତେବେ କଳଙ୍କିତ ନେତାଙ୍କୁ ଦଳକୁ ଫେରାଇ ଆଣିବା ନିଷ୍ପତ୍ତିକୁ ସେ କଦାପି ଗ୍ରହଣ କରିବେ ନାହିଁ । ତାଙ୍କ ଟ୍ୱିଟର ହ୍ୟାଣ୍ଡେଲରେ ପୋଷ୍ଟ କରାଯାଇଥିବା ଭିଡିଓରେ ସିଦ୍ଧୁ କହିଛନ୍ତି, ପ୍ରିୟ ପଞ୍ଜାବୀ, ମୁଁ ୧୭ ବର୍ଷ ଧରି ରାଜନୀତିରେ ଅଛି ।
wp:html/wp:htmlहक़-सच की लड़ाई आखिरी दम तक लड़ता रहूंगा … pic.twitter.com/LWnBF8JQxu
— Navjot Singh Sidhu (@sherryontopp) September 29, 2021
ପଞ୍ଜାବର ଲୋକଙ୍କ ଜୀବନରେ ଉନ୍ନତି ଆଣିବା, ପରିବର୍ତ୍ତନ ଆଣିବା ଏବଂ ପ୍ରସଙ୍ଗ ଭିତ୍ତିକ ରାଜନୀତିରେ ଛିଡା ହୋଇ ଏହାକୁ ପାଳନ କରିବା । ଏହା ମୋର ଧର୍ମ ଏବଂ ଏହା ମୋର କର୍ତ୍ତବ୍ୟ । ଭିଡିଓ ବାର୍ତ୍ତାରେ ସେ ଆହୁରି ମଧ୍ୟ କହିଛନ୍ତି ଯେ ମୋ ବାପା ମୋତେ ଗୋଟିଏ କଥା ଶିଖାଇଛନ୍ତି ଯେ ଯେତେ କଷ୍ଟ ହେଲେ ବି ସତ୍ୟ ପାଇଁ ଲଢନ୍ତୁ । ଆଜିକାଲି ମୁଁ ଦେଖୁଛି ମୋ ସହ କିଛି ଠିକ୍ ହେଉନି । ଯେଉଁମାନେ କିଛି ବର୍ଷ ପୂର୍ବେ ବାଦଲଙ୍କୁ କ୍ଲିନ୍ ଚିଟ୍ ଦେଇଥିଲେ, ସେମାନଙ୍କୁ ଆଜି ଗୁରୁତ୍ୱ ଦିଆଯାଉଛି ।
ଏହା ଦେଖି ମୋର ହୃଦୟ କମ୍ପୁଛି । ସିଦ୍ଧୁ କହିଛନ୍ତି ପଞ୍ଜାବରେ ପ୍ରସଙ୍ଗ ଏବଂ ଏଜେଣ୍ଡା ସହିତ ଚୁକ୍ତି ହେଉଥିବା ଦେଖାଯାଉଛି । ମୁଁ ହାଇ କମାଣ୍ଡକୁ ବିଭ୍ରାନ୍ତ କରିପାରିବି ନାହିଁ କିମ୍ବା ଏହାକୁ ଭ୍ରମିତ ହେବାକୁ ଦେଇପାରେ ନାହିଁ । ମୁଁ ପଞ୍ଜାବର ଲୋକମାନଙ୍କ ପାଇଁ କୌଣସି ବଳିଦାନ ଦେଇପାରେ । କିନ୍ତୁ ମୁଁ ମୋର ସିଦ୍ଧାନ୍ତରେ ସଙ୍କୋଚନ କରିବି ନାହିଁ । ସେ କହିଛନ୍ତି ଯେ କୌଣସି ମୂଲ୍ୟରେ ସେ କଳଙ୍କିତ ନେତା ଏବଂ ଅଧିକାରୀଙ୍କୁ ଗ୍ରହଣ କରିବେ ନାହିଁ ।
