Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ପୁଣି କ୍ୟାପ୍ଟେନ ଅମରିନ୍ଦରଙ୍କ ଉପରେ ବର୍ଷିଲେ ସିଦ୍ଧୁ, କାହିଁକି ନିଜ ଦଳର ସରକାରଙ୍କୁ କରୁଛନ୍ତି ଟାର୍ଗେଟ ?

16/05/2021 at 4:39 PM

ନୂଆଦିଲ୍ଲୀ ୧୬/୫: ପଞ୍ଜାବରେ ଏବେ କଂଗ୍ରେସ ସରକାର। ଦଳର ବରିଷ୍ଠ ନେତା ନବଜୋତ ସିଂହ ସିଦ୍ଧୁ ରାଜ୍ୟର ମୁଖ୍ୟମନ୍ତ୍ରୀ କ୍ୟାପ୍ଟେନ ଅମରିନ୍ଦର ସିଂହଙ୍କ ଉପରେ ବର୍ଷିବାରେ କୌଣସି ମଉକା ଛାଡ଼ୁନାହାନ୍ତି। କିଛି ଦିନ ହେଲା ସିଦ୍ଧୁ ଲଗାତାର ରାଜ୍ୟର ମୁଖିଆଙ୍କ ନୀତିକୁ ନେଇ ଜୋରଦାର ଟାର୍ଗେଟ କରୁଛନ୍ତି। ୨୦୧୫ରେ ଗୁରୁ ଗ୍ରନ୍ଥ ସାହେବଙ୍କୁ ଅପମାନିତ କରିବା ଏବଂ ପୋଲିସ ଗୁଳିରେ ଦୁଇ ଜଣଙ୍କ ମୃତ୍ୟୁ ଘଟଣାରେ ସେ ପୁଣିଥରେ ଅମରିନ୍ଦର ସିଂହଙ୍କୁ ଘେରିଛନ୍ତି।

ଏହି ମାମଲାରେ ନ୍ୟାୟ ସୁନିଶ୍ଚିତ କରିବାରେ ମୁଖ୍ୟମନ୍ତ୍ରୀଙ୍କ ବିଫଳତାକୁ ଦର୍ଶାଇ ସିଦ୍ଧୁ କହିଛନ୍ତି, ‘ଉପଯୁକ୍ତ କଣ ସେନେଇ ନଜାଣି ତା ଉପରେ ଜ୍ଞାନ ଆହରଣ ନକରିବା କାପୁରୁଷତାର ଆଭାସ।’ ୨୦୧୫ରେ ଏକ ଧାର୍ମିକ ପାଠକୁ ଅପମାନିତ କରିବା ସହ ପୋଲିସର ଗୁଳିଚାଳନା ମାମଲାରେ ନ୍ୟାୟ ଦେବାରେ ବିଳମ୍ବକୁ ନେଇ କ୍ରିକେଟରରୁ ରାଜନେତା ହୋଇଥିବା ସିଦ୍ଧୁ ସୋସିଆଲ ମିଡିଆରେ କ୍ୟାପ୍ଟେନ ଅମରିନ୍ଦରଙ୍କ ଉପରେ ବାରମ୍ବାର ଆକ୍ରମଣ କରୁଛନ୍ତି। ସେ ଏକ ଟ୍ବିଟ୍‌ରେ ଲେଖିଛନ୍ତି, ‘ପଞ୍ଜାବ ପୋଲିସ ଦ୍ବାରା ପ୍ରତିଦିନ ହଜାର ହଜାର ମାମଲାର ସମାଧାନ ହେଉଛି, କୌଣସି ପ୍ରକାର ମାମଲାରେ ଏସଆଇଟି ଯାଞ୍ଚର ଆବଶ୍ୟକତା ପଡ଼ୁନାହିଁ। ମୁଁ ଅନେକ ଥର କୋଟକପୁରା ଫାୟରିଂ ପଛରେ ବାଦଲର ଭୂମିକାକୁ ନେଇ ବିସ୍ତାର ଭାବେ ବର୍ଣ୍ଣନା କରିଛି।’

ଅନ୍ୟ ଏକ ଟ୍ବିଟ୍‌ରେ ସିଦ୍ଧୁ ଲେଖିଛନ୍ତି, ‘ଉପଯୁକ୍ତ ତଥ୍ୟ ନଜାଣିବା ଏବଂ ତା ଉପରେ ଅମଳ ନାକରିବା କାପୁରୁଷତାର ଆଭାସ।’ ପଞ୍ଜାବ ଏବଂ ହରିୟାଣା ହାଇକୋର୍ଟରେ ୨୦୧୫ କୋଟକପୁରା ଗୁଳିକାଣ୍ଡ ମାମଲାର ଯାଞ୍ଚ ରିପୋର୍ଟ ରଦ୍ଦ କରାଯିବା ପରେ ସିଦ୍ଧୁ ପଞ୍ଜାବ ମୁଖ୍ୟମନ୍ତ୍ରୀଙ୍କୁ ସମାଲୋଚନା କରୁଛନ୍ତି। ଅମୃତସରର ପୂର୍ବତନ ବିଧାୟକ ସିଦ୍ଧୁ ଏହି ମାମଲାରେ ‘ଜାଣିଶୁଣି ବିଳମ୍ବ’ ହେଉଥିବା ନେଇ ପ୍ରଶ୍ନ ଉଠାଇବା ସହ ୨୦୧୫ ମାମଲାରେ ମୁଖ୍ୟମନ୍ତ୍ରୀ ନିଜ ଦାୟିତ୍ବରୁ ଓହରିଯାଇଥିବା ନେଇ ଅଭିଯୋଗ କରିଥିଲେ। ଏହା ଉପରେ ମୁଖ୍ୟମନ୍ତ୍ରୀ ସିଦ୍ଧୁଙ୍କ କ୍ରୋଧକୁ ଅନୁଶାସନହୀନତା ବୋଲି କହିଥିଲେ। ଏହା ପରେ କାପ୍ଟେନ ଅମରିନ୍ଦରଙ୍କ ଉପରେ ଲଗାତାର ଅଭିଯୋଗ ଆଣୁଥିବା ଅଭିଯୋଗରେ ୭ ମନ୍ତ୍ରୀ ସିଦ୍ଧୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ମଧ୍ୟ ଦାବି କରିଥିଲେ।

   Related Posts