Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଆଗାମୀ ୩ବର୍ଷ ପାଇଁ ନବୀନ ପୁଣି ସଭାପତି

26/02/2020 at 5:53 PM

ଭୁବନେଶ୍ବର ୨୬/୨: ନିର୍ବାଚନ ଜିତିବା ଅପେକ୍ଷା, ଲୋକଙ୍କ ସ୍ନେହ ଏବଂ ସେମାନଙ୍କ ସେବା କରିବା ପାଇଁ ସୁଯୋଗ ମିଳିବା ବିଜୁ ଜନତା ଦଳ ପାଇଁ ଅଧିକ ଗୁରୁତ୍ବପୂର୍ଣ୍ଣ। ଲଗାତର ଅଷ୍ଟମ ଥର ପାଇଁ  ବିଜେଡି ସଭାପତି ଭାବେ ସର୍ବସମ୍ମତିକ୍ରମେ ନିର୍ବାଚିତ ହେବା ପରେ ଏହା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଆଜି ଦଳର ରାଜ୍ୟ ପରିଷଦ ବୈଠକରେ ନବୀନଙ୍କୁ ପୁଣି ଥରେ ୩ ବର୍ଷ ପାଇଁ ଦଳର ମୁଖିଆ ଦାୟିତ୍ବ ନ୍ୟସ୍ତ କରାଯାଇଛି।

ମେଘୁଆ ଓ କୋହଲା ପାଗ ସତ୍ବେ, ବିଜେଡି ରାଜ୍ୟ କାର୍ଯ୍ୟାଳୟକୁ ଆଜି ସକାଳୁ ନେତା ଏବଂ କର୍ମୀଙ୍କ ସୁଅ ଛୁଟିଥିଲା। ଶଙ୍ଖ ନାଦ ଏବଂ ପାରମ୍ପରିକ ନୃତ୍ୟଗୀତ ସହ ବିଜେଡି ନେତାଏ ପାଛୋଟି ନେଇଥିଲେ ୨୩ ବର୍ଷ ଧରି ଦଳର ସଫଳ ନେତୃତ୍ବ ନେଇ ଆସିଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ। ମଞ୍ଚ ଉପରେ ସାଙ୍ଗଠନିକ ନିର୍ବାଚନ ପାଇଁ ନିଯୁକ୍ତ ରିଟର୍ଣ୍ଣିଂ ଅଫିସର ବିଧାୟକ ପ୍ରତାପ ଦେବ ଘୋଷଣା କରିଥିଲେ ଆଗାମୀ ୩ ବର୍ଷ ପାଇଁ ପୁଣି ସଭାପତି ଦାୟିତ୍ବ ତୁଲାଇବେ ନବୀନ। ରାଜ୍ୟ ପରିଷଦ ବୈଠକରେ ୮୦ ଜଣ କାର୍ଯ୍ୟକାରିଣୀ ସଦସ୍ୟଙ୍କ ନାଁ ମଧ୍ୟ ଘୋଷଣା କରାଯାଇଥିବା। ସଭାପତି ଭାବେ ତାଙ୍କ ନାଁ ଘୋଷଣା ହେବା ପରେ ନବୀନ ରାଜ୍ୟବାସୀଙ୍କ ଭଲ ପାଇବା ଏବଂ ଦଳର କର୍ମକର୍ତ୍ତାଙ୍କ ସମର୍ଥନ ପାଇଁ ସମସ୍ତଙ୍କୁ ଧନ୍ୟବାଦ ଜଣାଇଥିଲେ। ଏହି ଅବସରରେ ବିଜୁବାବୁଙ୍କ ଉକ୍ତି କ୍ଷମତା ଦଖଲ ଅପେକ୍ଷା ଲୋକଙ୍କ ସେବା କରିବା ପାଇଁ ସୁଯୋଗ ମିଳିବା ବଡ଼କଥାକୁ ମନେ ପକାଇଥିଲେ ନବୀନ।

୧୯୯୭ରେ ବିଜେଡି ଗଠନ ହେବା ପରଠାରୁ ସବୁ ପ୍ରମୁଖ ନିର୍ବାଚନରେ ସଫଳତା ପାଇଛି। ଦଳରେ ନବୀନଙ୍କ ନେତୃତ୍ବ ବିରୋଧରେ କୌଣସି ଶକ୍ତି ଏଯାଏଁ ମୁଣ୍ଡ ଟେକିନାହାନ୍ତି। ଯେଉଁ ନେତାମାନେ ବିଶୃଙ୍ଖଳିତ ଆଚରଣ ଯୋଗୁଁ ବିଦା ହୋଇଛନ୍ତି, ସେମାନଙ୍କ ମଧ୍ୟରୁ ଅନେକ କୌଣସି ବିକଳ୍ପ ନ ପାଇ ଫେରିଛନ୍ତି ଏବଂ ଆଉ କେତେଜଣ ରାଜ୍ୟ ରାଜନୀତିରେ ପ୍ରାସଙ୍ଗିକତା ହରାଇଛନ୍ତି।

ବିଜେଡି ରାଜ୍ୟ ପରିଷଦରେ ମୋଟ ୩୫୫ ଜଣ ସଭ୍ୟଙ୍କ ମଧ୍ୟରୁ ୧୫୦ ଜଣ ମନୋନୀତ ସଭ୍ୟ। ସମସ୍ତ ବିଧାୟକ, ସାଂସଦ ଏବଂ ୩୩ଟି ସାଂଗଠନିକ ଜିଲ୍ଲାର ସଭାପତି ପରିଷଦର ସଭ୍ୟ ଅଛନ୍ତି। ଆଗକୁ ପୌର ନିର୍ବାଚନ। ବିଜେଡିର ନୂଆ ଟିମ୍‌ ପାଇଁ ନିର୍ବାଚନୀ ସଫଳତାକୁ ବଳବତ୍ତର ରଖିବା ପ୍ରମୁଖ ଚ୍ୟାଲେଞ୍ଜ ହେବ ବୋଲି ରାଜନୈତିକ ମହଲରେ ଆଲୋଚନା ହେଉଛି।

   Related Posts