ଭୁବନେଶ୍ବର ୧୮|୩ : ପୂର୍ବତନ ମନ୍ତ୍ରୀ ତଥା ସୁକିନ୍ଦାର ପୂର୍ବତନ ବିଧାୟକ ପ୍ରଫୁଲ୍ଲ ଘଡାଇଙ୍କ ଉପରୁ ହଟିଲା ବହିଷ୍କୃତ ଆଦେଶ । ବିଜେଡି ସୁପ୍ରିମୋ ନବୀନ ପଟ୍ଟନାୟକ ପ୍ରଫୁଲ୍ଲଙ୍କ ଉପରୁ ବହିଷ୍କାର ଆଦେଶକୁ ପ୍ରତ୍ୟାହାର କରି ନେଇଛନ୍ତି । ପ୍ରଫୁଲ୍ଲ ଘଡାଇଙ୍କୁ ୨୦୧୪ ସେପ୍ଟେମ୍ବର ୨୦ରେ ବିଜେଡିରୁ ବହିଷ୍କାର କରାଯାଇଥିଲା। ନବୀନଙ୍କୁ ଆକ୍ଷେପମୂଳକ ମନ୍ତବ୍ୟ ଦେବା ଅଭିଯୋଗରେ ବହିଷ୍କୃତ ହୋଇଥିଲେ ।
ବହିଷ୍କାର ଆଦେଶ ପ୍ରତ୍ୟାହାର ହେବା ପରେ ପ୍ରତିକ୍ରିୟା ରଖିଛନ୍ତି ପ୍ରଫୁଲ୍ଲ ଘଡାଇ । ସ୍ବାସ୍ଥ୍ୟଗତ କାରଣରୁ ରାଜନୀତିରୁ ଦୂରେଇ ଯାଇଥିବା କହିଛନ୍ତି ପ୍ରଫୁଲ୍ଲ । ଦଳ ପାଇଁ କାମ କରୁଥିଲି, ଦଳ ପାଇଁ କାମ କରିବି ବୋଲି ସେ ପ୍ରତିକ୍ରିୟାରେ କହିଛନ୍ତି । ଯାଜପୁର ବିଜେଡିର ଦୁର୍ଗ, ପଦ ପଦବୀ ପାଇଁ ଆଶା ନାହିଁ ସେ କହିଛନ୍ତି ।
