Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

୪୨ କର୍ମଚାରୀ କରୋନା ସଂକ୍ରମିତ ହେବା ପରେ ବି ଆସ୍କା ଥାନା ହେଲାନି ସଟଡାଉନ୍, ଟ୍ୱିଟ୍ କରି ମୁଖ୍ୟମନ୍ତ୍ରୀ କହିଲେ- ‘ଏହା ଅନ୍ୟମାନଙ୍କ ପାଇଁ ପ୍ରେରଣା’

25/07/2020 at 8:20 PM

ଆସ୍କା, ୨୫|୦୭:  ଗଞ୍ଜାମ ଜିଲ୍ଲାରେ ବେକାବୁ କରୋନା ଭାଇରସ । ପ୍ରତିଦିନ ଶହ ଶହ ନୂଆ କରୋନା ପଜିଟିଭ୍ କେସ୍ ସାମ୍ନାକୁ ଆସୁଛି । କେବଳ ସାଧାରଣ ଜନତା ନୁହେଁ ବରଂ କରୋନା ଯୋଦ୍ଧା ପୋଲିସ କର୍ମଚାରୀ ମଧ୍ୟ ଏହି ମାରାତ୍ନକ ଭାଇରସରେ ଆକ୍ରାନ୍ତ ହେଉଛନ୍ତି । ତେବେ ଆସ୍କା ଥାନା ଏକ ଉଦାହରଣ ସୃଷ୍ଟି କରିଛି । ଥାନାର ୪୨ ଜଣ କର୍ମଚାରୀ କରୋନା ସଂକ୍ରମିତ ହୋଇଥିଲେ ମଧ୍ୟ ଏହା ଜନସାଧାରଣଙ୍କ ସେବାରେ ବାଧକ ସାଜି ନାହିଁ । ଅଳ୍ପ କର୍ମଚାରୀରେ ହେଲେ ମଧ୍ୟ ଲୋକଙ୍କୁ ସେବା ଯୋଗାଉଛି ଆସ୍କା ଥାନା । ତେବେ ଆସ୍କା ପୋଲିସର  ଏହି ନିଷ୍ଠାପର କାର୍ଯ୍ୟକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଆସ୍କା ଥାନାରେ ଗତ ୩ ସପ୍ତାହ ମଧ୍ୟରେ ୪୨ କର୍ମଚାରୀ କରୋନା ସଂକ୍ରମିତ ହୋଇଛନ୍ତି । ଏହା ସତ୍ତ୍ୱେ ଥାନା ସଟଡାଉନ୍ ହୋଇନାହିଁ । ଏହି ଥାନାରେ ୪୫ଜମ କର୍ମଚାରୀ କାର୍ଯ୍ୟରତ । ଜଣେ ଇନସପେକ୍ଟର, ୪ଜଣ ସବ୍ ଇନସପେକ୍ଟର, ଅନେକ ଏଏସଆଇ, ୩୨ କନଷ୍ଟେବଳଙ୍କୁ ଥାନାରେ ନିଯୁକ୍ତ କରାଯାଇଛି । ଏହାସହ ୧୦ ହୋମ୍ ଗାର୍ଡ ମଧ୍ୟ ଥାନା ସହ ଜଡିତ ଅଛନ୍ତି । ଏହାମଧ୍ୟରେ ଡ୍ୟୁଟି ବେଳେ ୨ ଏଏସଆଇ, ୨ ହାବିଲଦାର, ୧୦ କନଷ୍ଟେବଳ, ୧୬ ସିପାହୀ ଓ ୧୨ ହୋମ ଗାର୍ଡ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାସତ୍ତ୍ୱେ ଅଳ୍ପ କର୍ମଚାରୀରେ ମଧ୍ୟ ଥାନା କାମ ଚାଲିଛି ।

ଆସ୍କା ପୋଲିସର ଏହି ସେବା ମେନାଭାବକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ ଟ୍ୱିଟ୍ କରି ଆସ୍କା ପୋଲିସର ନିଷ୍ଠାପର କାର୍ଯ୍ୟକୁ ପ୍ରଶଂସା  କରିଛନ୍ତି । ଏହା ସମସ୍ତଙ୍କୁ ପ୍ରେରଣା ଯୋଗାଇବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।

   Related Posts