Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶବ୍ୟାପୀ ତ୍ରିରଙ୍ଗା ରାଲି ବାହାର କରିବେ କୃଷକ, ଅଗଷ୍ଟ ୧୫ରେ ପାଳନ କରିବେ ଏହି ଦିବସ
  • ||
  • ଟୋକିଓ ଅଲିମ୍ପିକ୍ସ: ଆଜି ଇତିହାସ ରଚିବାକୁ ଓହ୍ଲାଇବେ ରବି ଦାହିଆ, ପୁରୁଷ ହକି ଉପରେ ବି ରହିବ ନଜର
  • ||
  • ତୃତୀୟ ଲହରକୁ ନେଇ ସତର୍କ କରାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭକ୍ତଙ୍କ ପାଇଁ ବଡ଼ ଘୋଷଣା, ୧୬ ତାରିଖରୁ ଖୋଲିବ ଶ୍ରୀମନ୍ଦିର
  • ||
  • ଅଗଷ୍ଟ ୧୬ରୁ ଶ୍ରୀମନ୍ଦିର ଖୋଲିବ
  • ||
  • ଟୋକିଓ ଅଲିମ୍ପିକ୍ସ ହକି ସେମିଫାଇନାଲ୍‌ରେ ହାରିଲା ମହିଳା ଦଳ, ଫାଇନାଲ୍‌କୁ ଉନ୍ନିତ ହେଲା ଆର୍ଜେଣ୍ଟିନା
  • ||
  • ଦେବଗଡ : ହନୁମାନ ପଇସା ରାକେଟ୍ ଠାବ : ୩ ଗିରଫ, ୨ଟି ହନୁମାନ ପଇସା ଜବତ
  • ||
  • ସାଲେପୁର : ସାଲେପୁର ଅଞ୍ଚଳରୁ ବିରଳ ଏଣ୍ଡୁଅ ଉଦ୍ଧାର, ବଦଳାଉଛି ରଙ୍ଗ
  • ||
  • ଢେଙ୍କାନାଳ : ବିକ୍ରି କରୁଥିଲେ ବାରହା ମାଂସ, ୩ ଶିକାରୀଙ୍କୁ ବାନ୍ଧିଲା ବନ ବିଭାଗ
  • ||
  • ଅନୁଗୋଳ : ରେଙ୍ଗାଳି ଡ୍ୟାମ୍‌ରୁ ଛଡାଗଲା ଚଳିତ ବର୍ଷର ପ୍ରଥମ ବନ୍ୟାଜଳ, ୭ ନମ୍ବର ଗେଟ୍ ଦେଇ ଜଳ ନିଷ୍କାସିତ
  • ||

କୋଭିଡ୍ ଯୋଦ୍ଧାଙ୍କ ପାଇଁ ୧ ମିନିଟ ନୀରବ ପ୍ରାର୍ଥନା, ରାଜ୍ୟବାସୀଙ୍କୁ ଶପଥ କରାଇଲେ ମୁଖ୍ୟମନ୍ତ୍ରୀ

5/08/2020 at 6:45 PM

ଭୁବନେଶ୍ୱର, ୦୫|୦୮:  ମୁଁ ଜଣେ ଓଡିଶାବାସୀ ହିସାବରେ ଶପଥ କରୁଛି, କୋଭିଡ ଯୋଦ୍ଧାଙ୍କୁ ସମ୍ମାନ ଦେବି । ସେମାନଙ୍କ ତ୍ୟାଗ, ନିଷ୍ଠା , ବଳିଦାନକୁ ବ୍ୟର୍ଥ ହେବାକୁ ଦେବିନି । କରୋନା ବିରୋଧ ଲଢେଇରେ ମୁଁ ଜିତିବି, ମୋ ଓଡିଶା ଜିତିବ ଓ ମାନବଜାତି ବି ଜିତିବ ।  ଆଜି ଏମିତି ଶପଥ ନେଇଛନ୍ତି ଓଡିଶାବାସୀ ।  କୋଭିଡ ଯୋଦ୍ଧାଙ୍କ ନିଷ୍ଠାପର ସେବା ଓ ବଳିଦାନକୁ ସମ୍ମାନ ଜଣାଇ ସେମାନଙ୍କ ମନୋବଳ ବଢାଇବାକୁ ଏହି ଶପଥ ପାଠ କରାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟନାୟକ । ଶପଥ ନେବା ପୂର୍ବରୁ ରାଜ୍ୟବାସୀ ଏକ ମିନିଟ ନିରବ ପ୍ରାର୍ଥନା କରିଛନ୍ତି । ଆଜି ସଂଧ୍ୟା ୬ରେ ଯିଏ ଯେଉଁଠି ଥିଲେ ସେମାନେ ସେଇଠି ଠିଆ ହୋଇ ନିରବ ପ୍ରାର୍ଥନା କରିଛନ୍ତି ଏବଂ କୋଭିଡ ଲଢେଇରେ ନିଜକୁ ସାମିଲ କରିବାକୁ ଶପଥ ନେଇଛନ୍ତି ।

କୋଭିଡ ଯୋଦ୍ଧାଙ୍କୁ ଉତ୍ସାହିତ କରିବା ପାଇଁ ଏଭଳି କାର୍ଯ୍ୟକ୍ରମ ବାବଦରେ ଗତକାଲି ଘୋଷଣା କରିଥିଲେ ମୁଖ୍ୟମନ୍ତ୍ରୀ । ଏହା ସହିତ କୋଭିଡ ଯୁଦ୍ଧରେ ନିଜେ ତଥା ନିଜ ପରିବାରର ସୁରକ୍ଷା ପାଇଁ କୋଭିଡ ନିୟମ କଡାକଡି ପାଳନ କରିବାକୁ ଏହା ପ୍ରେରଣା ଯୋଗାଇବ ବୋଲି ମୁଖ୍ୟମନ୍ତ୍ରୀ କହିଥିଲେ । ସେଥିପାଇଁ ଆଜି ବିଭିନ୍ନ ବ୍ଲକ କାର୍ଯ୍ୟାଳୟରୁ ଆରମ୍ଭ କରି ଲୋକସେବା ଭବନ, ଗାଁରୁ ସହର ସବୁଠି ଲୋକମାନେ ନିରବ ପ୍ରାର୍ଥନା କରିଥିଲେ । ପୋଲିସ ମୁଖ୍ୟାଳୟ ଓ ବିଭିନ୍ନ ବିଭାଗର ଅଧିକାରୀ ଅଫିସ ବାରଣ୍ଡା ଏବଂ ଅଫିସ ସାମ୍ନା ପଡିଆରେ ଶପଥ ପାଠ କାର୍ଯ୍ୟକ୍ରମ ଆୟୋଜନ କରିଥିଲେ । ସେହିପରି ଟ୍ରାଫିକ୍‌ ୨ ମିନିଟ ପାଇଁ ଅଟକି ରହିଥିଲା।  କଳିଙ୍ଗ ଷ୍ଟାଡିୟମରେ ସମସ୍ତ କ୍ରୀଡା ବିତ୍, ସ୍ପୋର୍ଟସ ହଷ୍ଟେଲ ଛାତ୍ରଛାତ୍ରୀ , ବିଭାଗୀୟ ମନ୍ତ୍ରୀ, ସଚିବ ଶପଥ ନେଇଥିଲେ । କୋଭିଡ ନିୟମ ପାଳନ ସହ ମୁହଁରେ ମାସ୍କ ଓ ସାମାଜିକ ଦୂରତା ରକ୍ଷା କରି ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା ।

କରୋନା ବିରୋଧ ଯୁଦ୍ଧରେ ସମସ୍ତ ଜନସାଧାରଣଙ୍କ ସାମିଲ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମେ ଥାଳି ବାଡେଇ ଓ ପରେ ଦୀପ ପ୍ରଜ୍ଜ୍ବଳନ କରି ଲୋକଙ୍କୁ ସଚେତନ କରିଥିଲେ। ସେହିପରି ଓଡିଶା ସରକାର ମଧ୍ୟ ବନ୍ଦେ ଉତ୍କଳ ଜନନୀ ଗାନ କାର୍ଯ୍ୟକ୍ରମ ଆୟୋଜନ କରିଥିଲେ ।

   Related Posts