Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ କୋରୋନା ପଜିଟିଭ୍‌ ଚିହ୍ନଟ, ‘କୋଭାକ୍ସିନ୍‌’ର ପରୀକ୍ଷାମୂଳକ ଟିକା ନେଇଥିଲେ ଅନିଲ ଭିଜ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୦୯ କରୋନା ସଂକ୍ରମିତ, ୩୨୦୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||

ଯୁଦ୍ଧର ଶେଷ ଦିନରେ ମୈଦାନରେ ମୁହାଁମୁହିଁ ହୋଇଛନ୍ତି ବିଜେଡି ଓ ବିଜେପିର ୨ ଟଲ୍ ଫିଗର ନବୀନ ଓ ଶାହା

27/04/2019 at 6:41 PM

ଭୁବନେଶ୍ୱର ୨୭/୪ : ସରିଛି ଚତୁର୍ଥ ପର୍ଯ୍ୟାୟ ଲାଗି ପ୍ରଚାର । ଶେଷ ଦିନରେ ଦେଖିବାକୁ ମିଳିଛି ଘମାଘୋଟ ଲଢେଇ । ନବୀନ ଓ ଶାହା କରିଛନ୍ତି ମାରାଥନ ପ୍ରଚାର । କେନ୍ଦ୍ରାପଡ଼ାରେ ମୋଦିଙ୍କୁ ନବୀନ ନିଶାନା ସାଧିଥିବା ବେଳେ ମୋରଡ଼ା ଓ ସୁକିନ୍ଦାରରେ ନବୀନଙ୍କ ବିରୋଧରେ ଗର୍ଜିଛନ୍ତି ଶାହା ।

ମୋଦିଙ୍କୁ ପୁଣି ଟାର୍ଗେଟ୍‌ କଲେ ନବୀନ । ନବୀନଙ୍କ ବିରୋଧରେ ଗର୍ଜିଲେ ଶାହା ।  ରାଜ୍ୟରେ ଆଜି ୧୯ ଲଢେଇ ଲାଗି ପ୍ରଚାର ସରିଛି। ହେଲେ ଯୁଦ୍ଧର ଶେଷ ଦିନରେ ମୈଦାନରେ ମୁହାଁମୁହିଁ ହୋଇଛନ୍ତି ବିଜେଡି ଓ ବିଜେପିର ୨ ଟଲ୍ ଫିଗର । କେନ୍ଦ୍ରାପଡ଼ାର ବିଭିନ୍ନ ସ୍ଥାନରେ ବିଜେଡି ସଭାପତି ନବୀନ ପଟ୍ଟନାୟକ କରିଥିଲେ ରୋଡ୍ ସୋ । ଆଉ ଟାର୍ଗେଟର ଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଦି ନିର୍ବାଚନ ବେଳେ ମାସକୁ ୧୦ ଥର ଆସୁଛନ୍ତି । କିନ୍ତୁ ବାତ୍ୟା, ବନ୍ୟା ବେଳେ ଦେଖା ଦେଇନାହାନ୍ତି ।

ସେ ନିଜେ କେନ୍ଦ୍ରାପଡ଼ା ବିକାଶର ଦାୟିତ୍ବ ନେବେ ବୋଲି ଭୋଟରଙ୍କୁ ଆଶ୍ବାସନା ଦେଇଛନ୍ତି ନବୀନ । ସେପଟେ ମୟୂରଭଞ୍ଜ ମୋରଡ଼ାରେ ବିଜେପି ବିଜୟ ସଂକଳ୍ପ ସଭାରେ ନବୀନଙ୍କ ଉପରେ ଗରମ ତେୱର ଦେଖାଇଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା । ମୋଦିଙ୍କ ବିକାଶକୁ ଓଡ଼ିଶାରେ ପହଞ୍ଚାଇବାକୁ ହେଲେ ରାଜ୍ୟରେ ବି ପଦ୍ମ ଫୁଟିବା ଦରକାର ବୋଲି ସେ କହିଛନ୍ତି । ଭୋଟରଙ୍କୁ ଆକୃଷ୍ଟ କରିବାକୁ ଦେଇଛନ୍ତି ଅନେକ ପ୍ରତିଶ୍ରୁତି ।

ମୋରଡ଼ା ପରେ ଯାଜପୁରର ସୁକିନ୍ଦାରେ ଶାହା କରିଥିଲେ ନିର୍ବାଚନ ପ୍ରଚାର। ସେଠି ବି ସମାନ ଷ୍ଟାଇଲରେ ନବୀନଙ୍କୁ ଆଟାକ୍ କରିଛନ୍ତି । ୧୯ ବର୍ଷ ହେଲା ବିଜେଡି ସରକାର ଭ୍ରଷ୍ଟାଚାରରେ ଲିପ୍ତ ଥିବା କହିଛନ୍ତି । ଏହା ସହ ଆୟୁଷ୍ମାନ, ପିଏମ କିସାନ ଭଳି ଯୋଜନା କାହିଁକି ରାଜ୍ୟରେ ଲାଗୁ ହେଲା ନାହିଁ ବୋଲି ପ୍ରଶ୍ନ କରିଛନ୍ତି। ଦେଶର ସବୁଠି ମୋଦି ଲହର ଦେଖୁଛନ୍ତି ବୋଲି ଶାହା କହିଛନ୍ତି । ଅନ୍ୟପଟେ ଶେଷଦିନରେ କେନ୍ଦ୍ରାପଡ଼ାରେ ହିଁ ନିଜର ସବୁ ଶକ୍ତି ଖଟାଇଥିଲେ ନବୀନ । ହାଇଟେକ ବସରେ ଆଳି, ପଟ୍ଟାମୁଣ୍ଡାଇ ଆଦି ଗସ୍ତ କରିଥିଲେ । ବିଜେପି ଲାଗି ଓଡ଼ିଶା ନୁହେଁ ବରଂ କେବଳ ଭୋଟ ହିଁ ମୂଲ୍ୟବାନ ବୋଲି ଅଭିଯୋଗ କରିଛନ୍ତି ନବୀନ ।

ଆଜି ଖରା ତାତି ଅସହ୍ୟ ଥିଲା । ହେଲେ ପ୍ରଚାରର ତାତି ତାକୁ ବି ବଳି ଯାଇଥିଲା । ସଂଧ୍ୟା ୬ ପରେ ଚତୁର୍ଥ ପର୍ଯ୍ୟାୟ ମାନେ ରାଜ୍ୟର ଶେଷ ପର୍ଯ୍ୟାୟର ଭୋଟ୍ ପ୍ରଚାର ସରିଛି । ଦେଖିବାକୁ ବାକି ରହିଛି କାହା ପ୍ରଚାରରେ ଥିଲା କେତେ ଦମ୍ ।

   Related Posts