ଜଗତସିଂହପୁର ୨୧।୧୦: ନାଲିପାଣିରେ ମସଗୁଲ ଏସଆଇ ବାବୁ । ୟୁନିଫର୍ମରେ ଥାଇ ପିଉଛନ୍ତି ମଦ । ଏଭଳି ଦୃଶ୍ୟ ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ନାଉଗାଁ ଥାନାରେ ।
ନାଉଗାଁ ଥାନାର ଏସଆଇ ବିବେକାନନ୍ଦ ସାହୁ କିଛି ଦିନ ହେଲା ଉକ୍ତ ଅଞ୍ଚଳର କିଛି ଚୋରା ମଦ ବ୍ୟବସାୟୀଙ୍କୁ ପ୍ରୋତ୍ସାହିତ କରିଆସୁଥିବା ଅଭିଯୋଗ ହେଉଥିଲା । ଏପରିକି ଚୋରା ମଦ ବ୍ୟବସାୟୀଙ୍କୁ ଚିକେନ୍ ଓ ମଦ ବରାଦ ପାଇଁ ତାଗିଦ କରୁଥିଲେ ଶୁଣିବାକୁ ମିଳୁଥିଲା । ୟୁନିଫର୍ମରେ ଥାଇ ମଧ୍ୟ ଚୋରା ମଦ ବ୍ୟବସାୟୀଙ୍କ ସହ ବସି ମଦ ପିଉଥିବାର ଫଟୋ ଏବେ ଭାଇରାଲ୍ ହେବାରେ ଲାଗିଛି ।
ଏ ନେଇ ସମ୍ପୃକ୍ତ ଏସଆଇଙ୍କର କୌଣସି ପ୍ରତିକ୍ରିୟା ମିଳିପାରି ନଥିବା ବେଳେ ଏସପି ତଦନ୍ତ ନିର୍ଦ୍ଦେଶ ଦେଇଛନ୍ତି । ଏହା ପୁରୁଣା ଫଟୋ ବୋଲି କହି ବର୍ତ୍ତମାନର ଥାନା ଅଧିକାରୀ ଘଟଣାକୁ ଘଣ୍ଟ ଘୋଡାଉ ଥିବା ବେଳେ ଏସଡିପିଓ ଏହାର ତଦନ୍ତ କରୁଛନ୍ତି ବୋଲି କହିଛନ୍ତି ।
