Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଦ୍ରାସାରେ ପଢାଯିବ ଗୀତା, ଯୋଗ ଓ ରାମାୟଣ : ପାଠ୍ୟକ୍ରମରେ ସାମିଲ କଲା ଏନଆଇଓଏସ
  • ||
  • ଗଜପତି : ଜେଇଙ୍କ ଘରେ ଭିଜିଲାନ୍ସ ଚଢାଉ, ୨ କୋଟିରୁ ଅଧିକ ଟଙ୍କାର ସମ୍ପତ୍ତି ଠାବ
  • ||
  • ସମ୍ବଲପୁର : ଯୁଜୁମୁରା ରେଞ୍ଜରେ ବାରମ୍ବାର ହାତୀ ମୃତ୍ୟୁ ଘଟଣା : ନିଲମ୍ବିତ ହେଲେ ସଦର ରେଞ୍ଜର
  • ||
  • ସମ୍ବଲପୁର : ଦୁଇ ବାଇକ୍ ଉପରେ ଚଢିଗଲା ଟ୍ରକ୍, ୩ ମୃତ, ଜଣେ ଗୁରୁତର
  • ||
  • ସୋର : ୮ଲକ୍ଷ ଟଙ୍କା ପାଇଁ କିଡ୍‌ନାପ୍ ! ବନ୍ଧୁକ ମୁନରେ ହତ୍ୟା ଧମକର ଭିଡିଓ ଭାଇରାଲ୍
  • ||
  • ସୋନପୁର : ଭିଜିଲାନ୍ସ ଜାଲରେ ଶିକ୍ଷକ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||
  • କରଞ୍ଜିଆ : କରଞ୍ଜିଆ ବନଖଣ୍ଡ ଅଞ୍ଚଳରେ ଜଳୁଛି ଜଙ୍ଗଲ, ଫେଲ୍ ମାରିଛି ବନ ବିଭାଗର ନିଆଁ ଲିଭା ଅଭିଯାନ
  • ||
  • ଚିନ୍ତା ବଢାଉଛି କରୋନାର ବ୍ରାଜିଲ ଭାରିଏଣ୍ଟ, ରହିଛି ପୁନଃ ସଂକ୍ରମଣ କ୍ଷମତା
  • ||

ବିକ୍ରି ହୋଇଛି ରାଷ୍ଟ୍ରପତି ଭବନ, ଲାଲ୍ କିଲ୍ଲା ଓ ତାଜମହଲ !

9/05/2018 at 7:39 AM

ତାଜମହଲ, ରାଷ୍ଟ୍ରପତି ଭବନ, ଲାଲ୍ କିଲ୍ଲା, ସଂସଦ ଭବନ ଆଦି ସ୍ଥାନ ହେଉଛି ରାଷ୍ଟ୍ରୀୟ ସମ୍ପତ୍ତି। ଏସବୁ କାହା ବକ୍ତିଗତ ମାଲିକାନାରେ ନାହିଁ ଯେ, କେହି କାହାକୁ ବିକ୍ରି କରିପାରିବ । କିନ୍ତୁ ଜାଣିଲେ ଆଶ୍ଚର୍ଯ୍ୟ ହେବେ, ଏ ସବୁ ଥରେ ନୁହେଁ, ବାରମ୍ବାର ବିକ୍ରି ହୋଇଛି । ବିକ୍ରି କରିଥିବା ଲୋକଟିର ନାଁ ହେଲା ମିଥିଲେଶ କୁମାର ଶ୍ରୀବାସ୍ତବ । ନଟବର ଲାଲ୍ ଭାବେ ସେ ବେଶ ପରିଚିତ । ଜଣେ ବିଚକ୍ଷଣ ଠକ । ଓକିଲ ହୋଇ ଥିବାରୁ ଆଇନ୍ କାନୁନ୍ ସମ୍ବନ୍ଧରେ ବିଶେଷ ଜ୍ଞାନ ଥିଲା ମିଥିଲେଶର ।
ନକଲି କାଗଜ ପତ୍ର ପ୍ରସ୍ତୁତ କରି ଓ ନିଜକୁ ଜଣେ ସରକାରୀ ଅଫିସର ବୋଲି ପରିଚୟ ଦେଇ ଅଜ୍ଞ ବିଦେଶୀ ପର୍ଯ୍ୟଟକଙ୍କୁ ସେ ବାରମ୍ବାର ବିକ୍ରି କରି ପାରିଥିଲା ତାଜମହଲ, ରାଷ୍ଟ୍ରପତି ଭବନ ଓ ଲାଲ୍ କିଲ୍ଲା । ଏପରିକି ଥରେ ସାଂସଦମାନଙ୍କ ସହିତ ଭାରତର ସଂସଦ ଭବନକୁ ମଧ୍ୟ ସେ ବିକ୍ରି କରି ଦେଇଥିଲା । ବିହାର ପ୍ରଦେଶର ବାଙ୍ଗରାରେ ଜନ୍ମ ମିଥିଲେଶ ନାଁରେ ଶହେଟି ମାମଲା ଥିଲା । ଆଠଟି ରାଜ୍ୟର ପୋଲିସ ପାଇଁ ସେ ଥିଲା ମୋଷ୍ଟ ୱାଣ୍ଟେ଼ଡ୍ । ଚଉଦ ଥର ପୁଲିସ ହାତରେ ଧରା ପଡି ଅଦାଲତରେ ଦୋଷୀ ସାବ୍ୟସ୍ତ ହୋଇଥିଲା ନଟବରଲାଲ । ହେଲେ ପ୍ରତିଥର ଜେଲରୁ ଖସି ପଳାଇ ଯିବାକୁ ସକ୍ଷମ ହୋଇଥିଲା । ଶେଷ ଥର ପାଇଁ 1996 ମସିହାରେ ସେ ପୁଲିସ ହାତରେ ଗିରଫ ହୋଇଥିଲା । ଅସୁସ୍ଥ ଥିବାରୁ ଚିକିତ୍ସା ପାଇଁ କାନପୁର ଜେଲରୁ ଦିଲ୍ଲୀ ନିଆ ଯାଉଥିବା ବେଳେ ଦିଲ୍ଲୀ ରେଳ ଷ୍ଟେସନରେ ହ୍ବିଲ୍ ଚେୟାରରୁ ଉଭାନ୍ ହୋଇ ଯାଇଥିଲା ସେ । ସେଦିନୁ ତାକୁ ଆଉ କେହି ଦେଖି ନାହିଁ । ମିଥିଲେଶର ଠକ କାହାଣୀକୁ ନେଇ ନିର୍ମାଣ ହୋଇଥିଲା ଅମିତାଭ ବଚ୍ଚନଙ୍କ ଅଭିନୀତ ହିନ୍ଦୀ ଚଳଚ୍ଚିତ୍ର ‘ମିଷ୍ଟର ନଟବର ଲାଲ୍’ ।
ଉପସ୍ଥାପନା : ସୁବ୍ରତ ଜେନା

Leave a Reply

   Related Posts