Monday, May 27, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଏପ୍ରିଲ ୧ ତାରିଖରୁ ମହାଙ୍ଗା ହୋଇପାରେ ରୋଷେଇ ଏବଂ ଗାଡିଚାଳନା !

ଦିଲ୍ଲୀ ୧୪/୩ : ଏପ୍ରିଲ ୧ ତାରିଖରୁ ଜନତାଙ୍କ ବୋଝ ବଢିପାରେ | ଡୋମେଷ୍ଟିକ ଗ୍ୟାସ ଦର ବଢ଼ାଇ ପାରନ୍ତି ସରକାର | ଗ୍ୟାସ ଦର ୧୮ ପ୍ରତିଶତ ବଢ଼ାଇ ପାରନ୍ତି ସରକାର | ନୂଆ ଦର ଏପ୍ରିଲ ୧ ତାରିଖରୁ ଲାଗୁ ହେବ ବୋଲି ଶୁଣିବାକୁ ମିଳୁଛି | ଡୋମେଷ୍ଟିକ ଗ୍ୟାସ ପଲିସୀ ୨୦୧୪ ଅନୁଯାୟୀ, ପ୍ରତି ୬ ମାସରେ ପ୍ରାକୃତିକ ଗ୍ୟାସ ଦର ନିର୍ଦ୍ଧାରଣ କରାଯାଇଥାଏ | ଏହି ଫର୍ମୁଲା ବିଦେଶୀ ଦର ଉପରେ ଆଧାରିତ | 

ସରକାରଙ୍କ ଏହି ନିଷ୍ପତ୍ତି ପରେ ଅଟୋରେ ବ୍ୟବହୃତ ହେଉଥିବା ସିଏନଜି ଗ୍ୟାସ ଏବଂ ରୋଷେଇ ପାଇଁ ଘରେ ବ୍ୟବହୃତ ହେଉଥିବା ଗୋବର ଗ୍ୟାସ ବା ପିଏନଜି ଗ୍ୟାସ ମୂଲ୍ୟ ବଢ଼ିଯିବ | ଯାହାର ପ୍ରଭାବ ସାଧାରଣ ଜନତାଙ୍କ ଉପରେ ପଡିବ |

ରେଟିଙ୍ଗ ଏଜେନ୍ସି କେୟାର ରିପୋର୍ଟ ଅନୁଯାୟୀ, ଡୋମେଷ୍ଟିକ ଗ୍ୟାସ ମୂଲ୍ୟ ୧୮ ପ୍ରତିଶତ ବଢ଼ାଇ ପାରନ୍ତି ସରକାର | ଯଦି ଏଭଳି ହୁଏ ତାହେଲେ, ମେନୁଫେକଚରିଂ, ଟ୍ରାଭେଲ, ଏନର୍ଜି ସେକ୍ଟର ଅଧିକ ପ୍ରଭାବିତ ହେବ | ଭାରତରେ ଡୋମେଷ୍ଟିକ ଗ୍ୟାସର ମୂଲ୍ୟ ଆମେରିକା, ରୁଷ, କାନାଡ଼ା ଭଳି ଗ୍ୟାସ ବିକ୍ରି କରୁଥିବା ଦେଶର ଏକ ତୃତୀୟାଂଶ ମୂଲ୍ୟ ଉପରେ ଆଧାରିତ ହୋଇଥାଏ |

ରିପୋର୍ଟ ଅନୁଯାୟୀ, ଏପ୍ରିଲ ରୁ ସେପ୍ଟେମ୍ବର ୨୦୧୯ ପାଇଁ ଡୋମେଷ୍ଟିକ ପ୍ରାକୃତିକ ଗ୍ୟାସ ମୂଲ୍ୟ ୩.୩୬/mmBtu ଡଲାରରୁ ବଢ଼ାଇ ପାଖାପାଖି ୩.୯୭/mmBtu ଡଲାର କରିଦିଆଯିବ | ଏହାଛଡା ୟୁରିଆ ସାର, ପେଟ୍ରୋକେମିକାଲର ମେନୁଫେକଚରିଂ ମୂଲ୍ୟ ମଧ୍ୟ ବଢ଼ାଇ ଦିଆଯିବାର ଆଶଙ୍କା ରହିଛି | କାରଣ ଏହି ସବୁ ୟୁନିଟରେ ପ୍ରାକୃତିକ ଗ୍ୟାସ ବ୍ୟବହାର କରାଯାଇଥାଏ | ଏହାସହ ପାୱାର ସେକ୍ଟରର ପ୍ରଡ୍ୟୁସର ଏବଂ ସ୍ପଞ୍ଜ ଆଇରନ କାରଖାନାକୁ କ୍ଷତି ମଧ୍ୟ ସହିବାକୁ ପଡିପାରେ | କାରଣ ସେଠାରେ ପ୍ରାକୃତିକ ଗ୍ୟାସ ଏଜେନ୍ସି ଜେନେରେସନ ପାଇଁ ବ୍ୟବହାର କରାଯାଇଥାଏ |

572 Views

   ସମ୍ବନ୍ଧିତ ଖବର