Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଜାତୀୟ ସ୍ତରର ମହିଳା ଖେଳାଳୀଙ୍କୁ ଦୁଷ୍କର୍ମ : ୬ବର୍ଷରୁ ବ୍ଲାକମେଲ୍ କରି ଯୌନ ନିର୍ଯାତନା ଦେଉଥିଲା ପିଉସା

15/12/2020 at 7:55 AM

ମୁଜାଫରନଗର ୧୫/୧୨: ଉତ୍ତରପ୍ରଦେଶର ମୁଜାଫରନଗର ଜିଲ୍ଲାରେ ଜଣେ ଜାତୀୟ ସ୍ତରର ମହିଳା ଖେଳାଳୀଙ୍କ ସହ ଦୀର୍ଘ ବର୍ଷ ଯାଏଁ ଦୁଷ୍କର୍ମ ମାମଲା ସାମନାକୁ ଆସିଛି। ମହିଳା ଖେଳାଳୀ ଜଣେ ସମ୍ପର୍କୀୟ ପିଉସାଙ୍କ ଉପରେ ୬ବର୍ଷରୁ ବ୍ଲାକମେଲ୍ କରି ଦୁଷ୍କର୍ମ କରିବାର ଅଭିଯୋଗ କରି ପୋଲିସକୁ ନ୍ୟାୟ ପାଇଁ ଗୁହାରି କରିଛନ୍ତି। ପୋଲିସ ମାମଲାକୁ ଗମ୍ଭୀରତାର ସହ ନେଇ ୩ଜଣଙ୍କ ବିରୋଧରେ ମାମଲା ରୁଜୁ କରିଛନ୍ତି। ଏବେ ପୋଲିସ୍ ପରବର୍ତ୍ତୀ କାର୍ଯ୍ୟାନୁଷ୍ଠାନ କରୁଛି।

ମୁଜାଫରନଗରରେ ରହୁଥିବା ଜାତୀୟ ସ୍ତରର ସଫ୍ଟବଲ୍ ମହିଳା ଖେଳାଳୀ କହିଛନ୍ତି ଯେ ୬ବର୍ଷ ତଳେ ବାର୍ଥ ସାର୍ଟିଫିକେଟ କରିବା ପାଇଁ ସେ ନିଜ ସମ୍ପର୍କୀୟ ପିଉସାଙ୍କ ସହ ଯୋଗାଯୋଗ କରିଥିଲେ। ଯେତେବେଳେ ସେ ବାର୍ଥ ସାର୍ଟିଫିକେଟ ଆଣିବାକୁ ତାଙ୍କ ପାଖକୁ ଯାଇଥିଲେ ସେତେବେଳେ ସେହି ବ୍ୟକ୍ତି ଜଣକ ତା ସହଯୋଗୀଙ୍କ ସହ ମିଶି ବନ୍ଧୁକ ଦେଖାଇ ତାଙ୍କୁ ଯୌନ ନିର୍ଯାତନା ଦେଇଥିଲେ। ଏହି ସମୟରେ ତାଙ୍କ ଫଟୋ ମଧ୍ୟ ଉଠାଇଥିଲେ।

ପୀଡ଼ିତାଙ୍କ କହିବା ଅନୁସାରେ ସେହି ଘଟଣା ପରେ ୬ବର୍ଷ ହେବ ପିଉସା ଏବଂ ତା ସହଯୋଗୀ ତାଙ୍କୁ ବ୍ଲାକମେଲ୍ କରି ଲଗାତାର ତାଙ୍କ ଯୌନ ଶୋଷଣ କରୁଛନ୍ତି। ବିରୋଧ କରିବାରୁ ସୋସିଆଲ୍ ମିଡିଆରେ ତାଙ୍କ ଅଶ୍ଳୀଳ ଫଟୋ ଭାଇରାଲ୍ କରିବାର ଧମକ ଦେଇଥିଲେ। ଏବେ ସେମାନେ ତାଙ୍କ ଫଟୋ ସୋସିଆଲ୍ ମିଡିଆରେ ଭାଇରାଲ୍ କରି ଦେଇଛନ୍ତି। ଏବେ ପୀଡ଼ିତା ଅଭିଯୁକ୍ତମାନଙ୍କୁ କଠୋର ଦଣ୍ଡ ଦେବାକୁ ଚାହୁଁଛନ୍ତି।

ପ୍ରଥମ ସୂଚନା ଆଧାରରେ ମାମଲା ରୁଜୁ କରାଯାଇଛି। ସମସ୍ତ ତଥ୍ୟର ଯାଞ୍ଚ କରାଯିବ। ଏହା ପରେ ବିଧିବଦ୍ଧ କାର୍ଯ୍ୟାନୁଷ୍ଠାନ କରାଯିବ। ଏବେ ଏହି ମାମଲାରେ କାହାକୁ ଗିରଫ କରାଯାଇନାହିଁ।

   Related Posts