Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||
  • କୋରାପୁଟ : ମାଲବାହୀ ଟ୍ରେନ୍‌ ଇଞ୍ଜିନ୍ ଲାଇନ୍‌ଚ୍ୟୁତ, ନୂଆ ଟ୍ରାକ୍‌ରୁ ପୁରୁଣା ଟ୍ରାକ୍‌କୁ ପାସ୍ ବେଳେ ଦୁର୍ଘଟଣା
  • ||
  • ଖଲ୍ଲିକୋଟ : ପାଖେଇ ଆସୁଛି ‘ଜଓ୍ବାଦ’, ଡଙ୍ଗା ଓ ଜାଲ ନଷ୍ଟ ହେବା ଆଶଙ୍କାରେ ମତ୍ସ୍ୟଜୀବୀ
  • ||

ଜାନୁୟାରୀ ୨୬ରେ ଭାରତରେ ହେବ ଆତଙ୍କବାଦୀ ଆକ୍ରମଣ ! ୫୦ ଆତଙ୍କବାଦୀ ଲଞ୍ଚିଙ୍ଗ୍ ପ୍ୟାଡ ସକ୍ରିୟ

11/01/2020 at 1:34 PM

ଜାମ୍ମୁ ୧୧/୧: ପାକିସ୍ତାନୀ ସେନା ଜାମ୍ମୁ-କାଶ୍ମୀରରେ ହିଂସାକାଣ୍ଡ କରିବାକୁ ଏବଂ ନିୟନ୍ତ୍ରଣ ରେଖାରେ ଭାରତୀୟ ସେନା ଉପରେ ଆକ୍ରମଣ କରିବା ପାଇଁ ଆତଙ୍କବାଦୀମାନେ ପାଖାପାଖି ୫୦ଟି ଲଞ୍ଚିଙ୍ଗ୍ ପ୍ୟାଡ ପୁଣି ଥରେ କ୍ରିୟାଶୀଳ କରିଛି। ଏହି ଲଞ୍ଚିଙ୍ଗ୍ ପ୍ୟାଡରେ ଥିବା ପାଖାପାଖି ୩୦୦ ଆତଙ୍କବାଦୀଙ୍କ ମଧ୍ୟରେ ୫୦ ଆଫଗାନୀ ମୂଳର ଏବଂ ସେମାନେ ଜୈଶ-ଏ-ମହମ୍ମଦ ଆତଙ୍କବାଦୀ ସଙ୍ଗଠନ ସହ ଜଡ଼ିତ। ଏହି ଆତଙ୍କବାଦୀମାନେ ଜାନୁୟାରୀ ୨୬ତାରିଖରେ ଜାମ୍ମୁ କାଶ୍ମୀର ସମେତ ଅନ୍ୟ କେତେକ ରାଜ୍ୟରେ ଆତଙ୍କବାଦୀ କାର୍ଯ୍ୟକଳାପ ଘଟାଇବାକୁ ଯୋଜନା କରିଛନ୍ତି।

ଭାରତୀୟ ଗୁଇନ୍ଦା ଏଜେନ୍ସି  ନିଜ ବିଶେଷ ସୂତ୍ରରୁ ପାକିସ୍ତାନୀ ସେନାର ଏହି ଷଡ଼ଯନ୍ତ୍ର ବିଷୟରେ ସୂଚନା ପାଇଛନ୍ତି। ସୂଚନା ମୁତାବକ,ଏହି ଲଞ୍ଚିଙ୍ଗ୍ ପ୍ୟାଡ ମଧ୍ୟରୁ ଅଧିକାଂଶ ଉତ୍ତର କାଶ୍ମୀରରେ ନିୟନ୍ତ୍ରଣ ରେଖା ସେପଟେ ଗୁଲାମ କାଶ୍ମୀରର ନିଲମ ଘାଟି ଅଞ୍ଚଳରେ ଅଛନ୍ତି। ଏହି ଆତଙ୍କବାଦୀଙ୍କୁ ପାକିସ୍ତାନୀ ସେନା ଏବଂ ଏହାର ଗୁଇନ୍ଦା ଏଜେନ୍ସିର ଅଧିକାରୀମାନେ ଟ୍ରେନିଙ୍ଗ୍ ଦେଇଛନ୍ତି।

ପାକିସ୍ତାନୀ ସେନା ଏମାନଙ୍କୁ ଭାରତୀୟ ଇଲାକାରେ ଅନୁପ୍ରବେଶ କରାଇବା ଲାଗି ଉଚିତ୍ ସୁଯୋଗ ଖୋଜୁଛି। ଗୁଇନ୍ଦା ଏଜେନ୍ସିର କହିବା ମୁତାବକ ଏହି ଆତଙ୍କବାଦୀମାନେ ଜାନୁୟାରୀ ୨୬ତାରିଖରେ ଭାରତରେ ପ୍ରବେଶ କରି ଜାମ୍ମୁ କାଶ୍ମୀର ସମେତ ଦେଶର ଅନ୍ୟ ଭାଗରେ ଆକ୍ରମଣ କରି ପାରନ୍ତି।

ନିକଟରେ କ୍ରିୟାଶୀଳ ହୋଇଥିବା ଲଞ୍ଚିଙ୍ଗ୍ ପ୍ୟାଡ୍ ମଧ୍ୟରୁ ଅଧିକାଂଶ ନିଲମ୍,ଲିପା ଏବଂ ଟଙ୍ଗଡାର ଘାଟିରେ ରହିଛି। ଏଗୁଡ଼ିକ ମଧ୍ୟରୁ ଅଧିକାଂଶ ଲଞ୍ଚିଙ୍ଗ୍ ପ୍ୟାଡ ଗତ ବର୍ଷ ଫେବୃୟାରୀରେ ଭାରତୀୟ ବାୟୁସେନା ଦ୍ବାରା କରାଯାଇଥିବା ବାଳାକୋଟ ଆକ୍ରମଣ ପରେ ବନ୍ଦ ହୋଇଯାଇଥିଲା।

ଜୈଶର ମୁଖ୍ୟ ମାସୁଦର ଭାଇ ରଉଫ ଅସଗର ଭାରତରେ ବଡ଼ ଧରଣର ଆତଙ୍କୀ କାର୍ଯ୍ୟକଳାପ ଘଟାଇବାକୁ ଯୋଜନା କରିଛି। ଗତ କିଛି ଦିନ ତଳେ ଏହି ଲଞ୍ଚିଙ୍ଗ୍ ପ୍ୟାଡରେ ଜମା ହୋଇଥିବା ଆତଙ୍କବାଦୀଙ୍କୁ ଦୁଇ ଥର ଭେଟିବାକୁ ଯାଇଥିଲା। ପାକିସ୍ତାନର ଏହି ଷଡ଼ଯନ୍ତ୍ରକୁ ବିଫଳ କରିବା ପାଇଁ ସବୁ ଏଜେନ୍ସିକୁ ଆଲର୍ଟ କରି ଦିଆଯାଇଛି। ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ସମର୍ଥକଙ୍କ ଉପରେ କଡ଼ା ନଜର ରଖାଯାଇଛି। ନିୟନ୍ତ୍ରଣ ରେଖା ଏବଂ ଆନ୍ତର୍ଜାତୀୟ ସୀମା ଉପରେ ମଧ୍ୟ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି।

   Related Posts