ନ୍ୟୁୟର୍କ, ୦୮|୦୬: ଆମେରିକାର ମହାକାଶ ଗବେଷଣା ସଂସ୍ଥା ନାସାର ମହାକାଶଚାରୀ ଏବେ ଚନ୍ଦ୍ର ପୃଷ୍ଠରେ ପାଦ ଦେବା ପୂର୍ବରୁ ଏକ ମଡ୍ୟୁଲରେ ରହିବେ । ଏହା ଏକ ହୋଟେଲ ଭଳି ।  ଏହି ମଡ୍ୟୁଲ୍ ଚନ୍ଦ୍ରର ଅର୍ବିଟରେ ରହିବ । ଏଥିପାଇଁ ନାସା ନର୍ଥରୋପ୍ ଗ୍ରୁମାନଙ୍କୁ ୧୮୭ ମିଲିୟନ ଡଲାରର କଣ୍ଟ୍ରାକ୍ଟ୍ ପ୍ରଦାନ କରିଛି ।   ଏହା ନାସାର ଆର୍ଟେମିସ୍ ମିଶନର ଅଂଶ ବିଶେଷ ଅଟେ । ଏହି ମିଶନରେ ପ୍ରଥମ ମହିଳା ଓ ଜଣେ ପୁରୁଷଙ୍କୁ ଚନ୍ଦ୍ର ପୃଷ୍ଠକୁ ପଠାଯିବ । ଏହି ମିଶନ ୨୦୨୪ରେ ଚୁଡାନ୍ତ ରୂପ ନେବ । ୧୯୭୨ ପରେ ପ୍ରଥମ ଥର ପାଇଁ କୌଣସି ମାନବକୁ ଚନ୍ଦ୍ରପୃଷ୍ଠ ପଠାଯିବ ।

ଏହି ମଡ୍ୟୁଲ ବା ଗେଟଓ୍ୱେର ସାଇଜ୍ ହାବିଟେସନ୍ ଏଣ୍ଡ ଲଜିଷ୍ଟିକସ୍ ଆଉଟପୋଷ୍ଟ୍ ହାଲୋ ପ୍ରସ୍ତୁତ କରାଯିବ । ହାଲୋ ଓ ଗେଟଓ୍ୱେକୁ ୨୦୨୩ରେ ଲଞ୍ଚ୍ କରାଯିବ । ପୃଥିବୀରୁ ବାହାରିବା ପରେ ମହାକାଶଚାରୀ ପ୍ରଥମେ ଗେଟଓ୍ୱେରେ ପହଁଚିବେ । ସେଠାରୁ ସେମାନେ ଚନ୍ଦ୍ର ଅଭିମୁଖେ ଯାତ୍ରା କରିବେ । ଏହା ସ୍ପେସ୍ ଷ୍ଟେସନରୁ ଛୋଟ ହେବ । ନାସର ଆଡମିନିଷ୍ଟ୍ରେଟର୍ ଜିମ୍ ଓ୍ୱାଇଡେନଷ୍ଟାଇନ୍ ଏହାକୁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କୁହାଯାଉଛି ।  ଏହି ଗେଟଓ୍ୱେର ଡିଜାଇନ୍ ରିଭ୍ୟୁ ହେବା ପରେ ଏହାର ଅନ୍ୟ ସୁରକ୍ଷାକୁ ଯାଞ୍ଚ କରାଯିବ । ଏହାପରେ ହାର୍ଡଓୟେର କାମ ଆରମ୍ଭ ହେବ ।

ଏହାପୂର୍ବରୁ ମେ ୩୦ରେ ନାସା ଦୁଇଟି ସ୍ପେସକ୍ରାଫ୍ଟରେ ୨ଜଣ ମହାକାଶଚାରୀଙ୍କୁ ସ୍ପେସ୍ ଷ୍ଟେସନ ପଠାଇଥିଲା । ୨୦୧୧ ପରଠୁ ନାସା ନିଜ ମହାକାଶଚାରୀଙ୍କୁ ସ୍ପେସ୍ ଷ୍ଟେସନ ପଠାଇବା ପାଇଁ ଋଷର ସାହାରା ନେଇଥାଏ । ମେ ୩୦ରେ ହିଁ ନାସା ସ୍ପେସ୍  ଏକ୍ସରେ ନିଜ ମହାକାଶଚାରୀଙ୍କୁ ପଠାଇଥିଲା ।