Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଚନ୍ଦ୍ରପୃଷ୍ଠରେ ମିଳିଲା ପାଣିର ସନ୍ଧାନ : ଆବିଷ୍କାର କଲା ଆମେରିକୀୟ ଅନ୍ତରୀକ୍ଷ ଏଜେନ୍ସି ନାସା

27/10/2020 at 9:35 AM

ଓ୍ବାଶିଂଟନ୍ ୨୭/୧୦: ଚନ୍ଦ୍ର ପୃଷ୍ଠରେ ମଣିଷ ଘର କରି ରହିବାର ବୈଜ୍ଞାନିକ ଆଶା ଆହୁରି ମଜବୁତ ହୋଇ ଯାଇଛି। ପ୍ରକୃତରେ ଆମେରିକୀୟ ଅନ୍ତରୀକ୍ଷ ଏଜେନ୍ସି ନାସା ଚନ୍ଦ୍ରରେ ପାଣି ଠାବ କରିଛନ୍ତି। ଖାସ୍ କଥା ହେଉଛି ଏହା ଯେ ଚନ୍ଦ୍ରପୃଷ୍ଠରେ ପାଣି ଏପରି ସ୍ଥାନରେ ମିଳିଛି ଯେଉଁଠାରେ ସୂର୍ଯ୍ୟଙ୍କ କିରଣ ପଡ଼ିଥାଏ। ପାଣିର ଆବିଷ୍କାର ନାସାର ଷ୍ଟ୍ରାଟୋସ୍ଫିୟର ଅବଜରଭେଟରି ଫର୍ ଇନଫ୍ରାରେଡ ଆଷ୍ଟୋନୋମି(ସୋଫିୟା) କରିଛି। ଏହାର ଉପଯୋଗ ପିଇବା ଏବଂ ରକେଟ୍ ଇନ୍ଧନ ଉତ୍ପାଦନ ପାଇଁ କରାଯିବ।

ସୋଫିୟା ଚନ୍ଦ୍ରର ଦକ୍ଷିଣ ଗୋଲାର୍ଦ୍ଧରେ ସ୍ଥିତ ଏବଂ ପୃଥିବୀ ଦେଖାଯାଉଥିବା ସବୁଠୁ ବଡ଼ ଗର୍ତ୍ତରେ ଏକ ‘କ୍ଲୋଭିୟସ୍’ରେ ପାଣିର ଅଣୁଗୁଡ଼ିକ ଠାବ କରିଛନ୍ତି। ଏବେ ସୁଦ୍ଧା ହୋଇଥିବା ଅଧ୍ୟୟନରେ ଚନ୍ଦ୍ରପୃଷ୍ଠରେ ହାଇଡ୍ରୋଜେନର କିଛି ଅଂଶ ବିଷୟରେ ଜଣା ପଡ଼ିଥିଲା କିନ୍ତୁ ପାଣି ଏବଂ ପାଣିର ହାଇଡ୍ରାସ୍କିଲର ସୂଚନା ମିଳିନଥିଲା।

ନାସାର ବିଜ୍ଞାନ ମିଶନ ନିର୍ଦେଶାଳୟରେ ଆଷ୍ଟୋଫିଜିକ୍ସ ବିଭାଗର ନିର୍ଦେଶକ କହିଛନ୍ତି ଯେ ପ୍ରଥମେ ଏପରି ସଙ୍କେତ ଥିଲା ଯେ ଚନ୍ଦ୍ରପୃଷ୍ଠରେ ସୂର୍ଯ୍ୟଙ୍କ ପଟେ ଏଚଟୁଓ ଥାଇପାରେ। ଏବେ ଏହାକୁ ସେଠାରୁ ଠାବ କରାଯାଇଛି।

ନେଚର ଆଷ୍ଟୋନୋମିର ନିକଟରେ ପ୍ରକାଶିତ ଏହି ଅଧ୍ୟୟନର ରିପୋର୍ଟ ମୁତାବକ ଚନ୍ଦ୍ରର ଏହି ସ୍ଥାନର ଡାଟାରେ ୧୦୦ରୁ ୪୧୨ ପାର୍ଟ ପ୍ରତି ମିଲିୟନର ସାନ୍ଦ୍ରତାରେ ପାଣିର ସନ୍ଧାନ ମିଳିଛି। ତୁଳନାତ୍ମକ ଭାବେ ସୋଫିୟା ଚନ୍ଦ୍ରରେ ଯେତେ​‌ ପାଣି ଖୋଜିଛି ତାହା ଆଫ୍ରିକାର ସାହାରା ମରୁଭୂମିରେ ଥିବା ପାଣି ତୁଳନାରେ ୧୦୦ଭାଗ। ଏତେ କମ୍ ମାତ୍ରା ସତ୍ବେ ଏବେ ପ୍ରଶ୍ନ ଉଠୁଛି ଯେ ଚନ୍ଦ୍ରପୃଷ୍ଠରେ କିପରି ପାଣି ଉତ୍ପତ୍ତି ହୋଇଛି।

   Related Posts