Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

ଗୁଜୁରାଟର ମୁଖ୍ୟମନ୍ତ୍ରୀରୁ ଦେଶର ପ୍ରଧାନମନ୍ତ୍ରୀ : ଶାସନ ମୁଖ୍ୟ ପଦବୀରେ ନରେନ୍ଦ୍ର ମୋଦିଙ୍କ ୨୦ବର୍ଷ

7/10/2020 at 1:08 PM

ନୂଆଦିଲ୍ଲୀ ୭।୧୦: ରାଜନୀତିର ଶୀର୍ଷରେ ପହଞ୍ଚିଥିବା ରାଜନେତାଙ୍କ ମଧ୍ୟରୁ ଜଣେ ହେଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନରେନ୍ଦ୍ର ମୋଦି ଜଣେ କାର୍ଯ୍ୟକର୍ତ୍ତା ଭାବେ ନିଜର ରାଜନୈତିକ ଜୀବନ ଆରମ୍ଭ କରିଥିଲେ । ପରେ ସେ ମୁଖ୍ୟମନ୍ତ୍ରୀ ଏବଂ ପ୍ରଧାନମନ୍ତ୍ରୀ ହୋଇଥିଲେ । ନରେନ୍ଦ୍ର ମୋଦି ରାଜ୍ୟ ଏବଂ କେନ୍ଦ୍ରର ମୁଖ୍ୟ ଭୂମିକାରେ ୨୦ ବର୍ଷ ରହିସାରିଲେଣି । ଆଜିର ଦିନରେ ୨୦୦୧ ମସିହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁରାଟର ମୁଖ୍ୟମନ୍ତ୍ରୀ ଭାବେ ବଛା ଯାଇଥିଲେ । ସେବେଠାରୁ ପୂରା ଗୁଜୁରାଟରେ ମୋଦିଙ୍କ ମ୍ୟାଜିକ୍ ଦେଖିବାକୁ ମିଳୁଥିଲା । ଏବେ ପୁରା ଦେଶରେ ତାଙ୍କ ମ୍ୟାଜିକ୍ ଦେଖିବାକୁ ମିଳୁଛି ।

୨୦୧୪ ଲୋକସଭା ନିର୍ବାଚନରେ ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ସାରା ଦେଶ ସମ୍ମୁଖରେ ଛିଡା କରାଯାଇଥିଲା । ଯାହା ଫଳରେ ବିଜେପି ଅଧିକ ବହୁମତ ହାସଲ କରି ରେକର୍ଡ ଭାଙ୍ଗିଦେଇଥିଲା । ନରେନ୍ଦ୍ର ମୋଦି ଯେତେବେଳେ ଗୁଜୁରାଟର ମୁଖ୍ୟମନ୍ତ୍ରୀ ଥିଲେ ସେତେବେଳେ ବି ତାଙ୍କ ସ୍ବର ଏବଂ ମ୍ୟାଜିକ୍ ସାରା ଦେଶରେ ଗୁଞ୍ଜରିତ ହେଉଥିଲା । ଏମିତିରେ ଯେତେବେଳେ ସେ ପ୍ରଧାନମନ୍ତ୍ରୀ ପଦ ପାଇଁ ମନୋନୀତ ହୋଇଥିଲେ ସେତେବେଳେ ବିଜେପିକୁ ଜନସାଧାରଣଙ୍କ ବିପୁଳ ଭୋଟ୍ ମିଳିଥିଲା । ବହୁମତ ଦେଇ ତାଙ୍କ ଲୋକସଭାକୁ ପଠାଇଥିଲେ ।

ନରେନ୍ଦ୍ର ମୋଦି ୨୦ ବର୍ଷ ପର୍ଯ୍ୟନ୍ତ ରଜନୀତିର ଶୀର୍ଷରେ ରହିବା ପଛରେ ରାଷ୍ଟ୍ରୀୟ ସ୍ବୟଂ ସେବକ ସଂଘର ମହତ୍ବପୂର୍ଣ୍ଣ ଭୂମିକା ରହିଛି । ଯେତେବେଳେ ଗୁଜୁରାଟ ବିଜେପିରେ ବିଦ୍ରୋହର ସ୍ବର ଉଠିଥିଲା ସେତବେଳେ ନରେନ୍ଦ୍ର ମୋଦି ସଂଘର ପ୍ରଚାରକ ଭାବେ କାର୍ଯ୍ୟରତ ଥିଲେ । ଅଚାନକ ତାଙ୍କୁ ସଂଘର ପ୍ରଚାରକରୁ ଗୁଜୁରାଟର ମୁଖ୍ୟମନ୍ତ୍ରୀ ଦାୟିତ୍ବ ଦେଇ ଦିଆଯାଇଥିଲା । ଏହାପରେ ମୋଦି ତଗାତର ଗୁଜୁରାଟ ସସରକାର ୩ ଥର ନେତ୍ବତ୍ବ ନେଇଥିଲେ । ଗୁଜୁରାଟରେ ବିରୋଧୀଙ୍କୁ ହରାଇ ସାରା ଦେଶରେ ମୋଦି ହାଓ୍ବା ଚାଲିଥିବା ବେଳେ ତାଙ୍କୁ ପ୍ରଧାନମନ୍ତ୍ରୀ ପଦ ପାଇଁ ଯୋଗ୍ୟ ବୋଲି ବିବେଚନା କରାଯାଇଥିଲା । ସେବେଠାରୁ ନରେନ୍ଦ୍ର ମୋଦିଙ୍କର ଦିଲ୍ଲୀ ଯାତ୍ରା ଆରମ୍ଭ ହୋଇଥିଲା । ୨୦୧୪ରେ ଅଧିକ ବହୁମତରେ ବିଜୟୀ ହୋଇ ପୂନର୍ବାର ବିଜେପି କ୍ଷମତାକୁ ଫେରିଥିଲା ଏବଂ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହୋଇଥିଲେ ।

କେବଳ ଏତିକି ନୁହେଁ ୨୦୧୯ରେ ଲୋକସଭା ନିର୍ବାଚନରେ ମୋଦି ମ୍ୟାଜିକ୍ ଆହୁରି ସୁଦୃଢ ହୋଇଗଲା । ପୂର୍ବାପେକ୍ଷା ବିଜେପିକୁ ଅଧିକ ବହୁମତ ମିଳିଥିଲା । ପୁଣି ଥରେ ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ ଭାବେ ଚୟନ କରାଯାଇଥିଲା । ଏହାପରେ ଗୋଟିଏ ପରେ ଗୋଟିଏ ଐତିହାସିକ ବଡ ନିଷ୍ପତ୍ତି ମୋଦି ସରକାର ନେଇଛନ୍ତି । ସିଏ ଧାରା ୩୭୦ ହେଉ କି ରାମ ମନ୍ଦିର ଭୂମି ପୂଜନରେ ସାମିଲ ହେବା । ନରେନ୍ଦ୍ର ମୋଦିଙ୍କୁ ଇତିହାସରେ ଜଣେ ସଫଳ ପ୍ରଧାନମନ୍ତ୍ରୀ ଏବଂ ଜଣେ ସଫଳ ରାଜନେତା ଭାବେ ଜଣାଯିବ ।

   Related Posts