ନୂଆଦିଲ୍ଲୀ  ୨୯।୧ :  ଦୁଇ ଦିଗଜ୍ । ବ୍ୟବସାୟୀକ ଜଗତରେ ଦୁଇ ହେଭିୱେଟ୍‌ । ଜଣେ ବରିଷ୍ଠ ଏବଂ ଅନ୍ୟଜଣଙ୍କ କନିଷ୍ଠ । କିନ୍ତୁ  ସେମାନଙ୍କ ସମ୍ପର୍କ ଏବଂ ପରସ୍ପର ପ୍ରତି ସମ୍ମାନ, ଶ୍ରଦ୍ଧା ଚକିତ କରିଛି । ଜଣେ ହେଲେ ଟାଟା  ଗ୍ରୁପ୍‌ର ଚେୟାରମ୍ୟାନ୍ ଏମିରେଟ୍ସ ରତନ ଟାଟା ଏବଂ ଅନ୍ୟ ଜଣକ ଇନଫୋସିସ୍‌ର ସହ ପ୍ରତିଷ୍ଠାତା ନାରାୟଣ ମୂର୍ତ୍ତୀ । ମୁମ୍ବାଇରେ ଅନୁଷ୍ଠିତ 'ଦ ଇଣ୍ଡସ ଏଣ୍ଟର ପ୍ରେନିୟର୍ସ' ( ଟିଆଇଇ କନ୍) ର ବାର୍ଷୀକ ଉତ୍ସବରେ ବିଜନେସ ଟାଇକୁନ୍ ରତନ ଟାଟାଙ୍କ ପାଦ ଛୁଇଁ ଆଶୀର୍ବାଦ ନେଲେ ନାରାୟଣ ମୂର୍ତ୍ତୀ ।ଟାଟାଙ୍କ ପ୍ରତିକ୍ରିୟା ବି ଥିଲା ବେଶ୍‌  ଶ୍ରଦ୍ଧା ପୂର୍ଣ୍ଣ । ଆଉ ଏହି ଦୃଶ୍ୟ ଏବେ ଇଣ୍ଟରନେଟ୍‌ରେ ଭାଇରାଲ ହେଉଛି । ଇଣ୍ଟରନେଟର ଯୁଗରେ ଭୂରି ଭୂରି ପ୍ରଶଂସା । ଟ୍ୱିଟରରେ ପ୍ରତିକ୍ରିୟାର ବନ୍ୟା । ଇଣ୍ଟରନେଟ ବ୍ୟବହାରକାରୀଙ୍କ ପ୍ରତିକ୍ରିୟା, ଏହାଠୁ ଭଳ ଓ ଶ୍ରେଷ୍ଠ କଥାଟି ଆଉ କ’ଣ ହୋଇପାରେ ?

wp:html

The person who is touching the feet of Ratan Tata is Narayana Murthy, both are are India's biggest businessmen. They were fierce business rivals in the IT industry. The values, respect demonstrated by these legends are inspiring.
Its truly indian Culture @TiEMumbai pic.twitter.com/4GbLBrQZ6I

— NIKHIL PALHADE (@NikhilPalhade) January 29, 2020

/wp:html

ଟିଆଇଇକନ୍‌ ଉତ୍ସବରେ ରତନ ଟାଟାଙ୍କୁ ଲାଇଫ୍‌ ଟାଇମ୍‌ ଆୱାର୍ଡ ( ଭାରତୀୟ ବ୍ୟବସାୟୀକ ମାନଚିତ୍ରକୁ ତାଙ୍କର ଜୀବନବ୍ୟାପି  ଅବଦାନ ଲାଗି ) ପ୍ରଦାନ କରାଯିବାର ଥିଲା । ଏଥିଲାଗି ନାରାୟଣ ମୂର୍ତ୍ତୀ ଷ୍ଟେଜ ଉପରକୁ ଆସିଥିଲେ । ତେବେ ଟାଟାଙ୍କୁ ପୁରସ୍କାର ପ୍ରଦାନ ପରେ  ଟାଟାଙ୍କ ଆଗରେ ନଇଁପଡି ତାଙ୍କ ପାଦ ଛୁଇଁ ପ୍ରଣାମ କରିଥିଲେ  କମ୍ପ୍ୟୁଟର ଟେକ୍ନୋଲୋଜୀର ଦିଗଜ ନାରାୟଣ ମୂର୍ତ୍ତୀ । ତାଙ୍କ ଠାରୁ ଆଶୀର୍ବାଦ ଲୋଡିଥିଲେ। 

{"id":217583,"sizeSlug":"large"}

ରତନ ଟାଟାଙ୍କ ପ୍ରତିକ୍ରିୟା ବି ଥିଲା ପ୍ରଶଂସନୀୟ । ସେ ବେଶ ବିନମ୍ରତା ପ୍ରଦର୍ଶନ କରିଥିଲେ । ତେବେ  ତାଙ୍କ ବିନମ୍ରତା ବେଶି ବାରି ହୋଇଥିଲା ତାଙ୍କ ଇନଷ୍ଟା ଷ୍ଟୋରୀରେ । ସେ ସେଥିରେ ତାଙ୍କର ସେହି ଆନନ୍ଦ ଦାୟକ ମୂହୁର୍ତ୍ତର ଉପସ୍ଥାପନା କରିଛନ୍ତି । ସେ ଲେଖିଛନ୍ତି ଟିଆଇଇକନ୍  ଉତ୍ସବରେ ନାରାୟଣ ମୂର୍ତ୍ତୀଙ୍କ ହାତରୁ ସମ୍ମାନଗ୍ରହଣ କରିବା ମୋ ପାଇଁ ବେଶ୍ ସ୍ମରଣୀୟ । ପ୍ରକୃତରେ ମୁଁ  ବିନମ୍ର ଏବଂ କୃତଜ୍ଞ।

wp:html

Nothing could be better news than this Narayana Murthy touched the feet of Ratan Tata at @TiEMumbai pic.twitter.com/vn8JnbJlTJ

— jyoti kant (@dearjyotikant) January 29, 2020

/wp:html

ତେବେ ସେହି ସ୍ମରଣୀୟ ମୂହୁର୍ତ୍ତର ଫଟୋ ଏବଂ ଟାଟା- ମୂର୍ତ୍ତୀଙ୍କ ଆଚରଣ ଏବେ ଇଣ୍ଟରନେଟ୍‌ରେ ଭାଇରାଲ । ଖାସ କରି ଟ୍ୱିଟରରେ ରିଆକ୍ସନ ଜୋର ।   ଦୁଇ ଦିଗଜଙ୍କ ମଧ୍ୟରେ ଏପରି ସମ୍ମାନ ଏବଂ ଶ୍ରଦ୍ଧାର ଆଦାନପ୍ରଦାନକୁ  ପ୍ରଶଂସା କରିଛନ୍ତି ଟ୍ୱିଟର ପ୍ରେମୀ । ଦୁଇ ମହାନାୟକଙ୍କ ଏପରି ପାରସ୍ପରିକ ସମ୍ଭାଷଣ କେବଳ ସଂସ୍କାରୀ ଭାରତ ବର୍ଷରେ ହିଁ ସମ୍ଭବ ଏବଂ ବାସ୍ତବ ବୋଲି ଲେଖିଛନ୍ତି ବହୁ ଟ୍ୱିଟର ବ୍ୟବହାରକାରୀ । ଟାଟାଙ୍କ ପ୍ରତି ନାରାୟଣ ମୂର୍ତ୍ତୀଙ୍କ ସମ୍ମାନ ଆଉ ଟାଟାଙ୍କ ପ୍ରତିଶ୍ରଦ୍ଧାକୁ ହିଁ ଟ୍ୱିଟରରେ ପ୍ରଶଂସା ଉପରେ ପ୍ରଶଂସା । ଭାରତର ଦୁଇ ଶ୍ରେଷ୍ଠ ଏବଂ ବଡ ବ୍ୟବସାୟୀକ ବ୍ୟକ୍ତିତ୍ୱଙ୍କ ଏପରି ଆଚରଣ କେବଳ ସମସ୍ତଙ୍କ ଲାଗି ଗ୍ରହଣୀୟ ନୁହେଁ, ଏହା ସ୍ମରଣୀୟ ଏବଂ ଉଦାହରଣ । କାରଣ, ଦୁଇ ଶ୍ରେଷ୍ଠ ଏବଂ ବରିଷ୍ଠ ଅନୁଷ୍ଠାନ ମୁଖ୍ୟଙ୍କର ପରସ୍ପର ପ୍ରତି ସମ୍ମାନ ଓ ଶ୍ରଦ୍ଧା ହିଁ ସମସ୍ତଙ୍କୁ ପ୍ରଭାବିତ କରିଛି ।