ଭୁବନେଶ୍ୱର ୧୭।୧୧ - ଶଙ୍କରାଚାର୍ଯ୍ୟଙ୍କ ସରନେମ୍ ସରସ୍ୱତୀ ହେବା ନେଇ ଉଠିଛି ପ୍ରଶ୍ନ । ବରିଷ୍ଠ ବିଧାୟକ ତଥା ପୂର୍ବତନ ଆଇନ ମନ୍ତ୍ରୀ ନରସିଂହ ମିଶ୍ର ଥୋଇଛନ୍ତି ପୂର୍ବତନ ଶଙ୍କରାଚାର୍ଯ୍ୟଙ୍କ ଉଇଲ୍ ତଥ୍ୟ । ଦେବୋତ୍ତର ଆଇନ ପରିସରରୁ ପୁରୀ ଗୋବର୍ଦ୍ଧନ ପୀଠ ବାଦ୍ ନିଷ୍ପତ୍ତି ପରେ ଅନେକ ପ୍ରଶ୍ନ ସାମ୍ନାକୁ ଆସିଛି ।
{"id":185814,"sizeSlug":"large"}ପୁରୀ ଗୋବର୍ଦ୍ଧନ ମଠର ପୀଠାଧୀଶ କଣ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ବତୀ ନୁହଁନ୍ତି? ଏମିତି ଏକ ପ୍ରଶ୍ନ ଉଠାଇଛନ୍ତି ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର। ଶଙ୍କରାଚାର୍ଯ୍ୟଙ୍କ ସରନେମ୍ ସରସ୍ୱତୀ ହେବାକୁ ନେଇ ସେ ପ୍ରଶ୍ନ ଉଠାଇଛନ୍ତି । ସରକାର ଶଙ୍କରାଚାର୍ଯ୍ୟଙ୍କ ମଠକୁ ଦେବୋତ୍ତର ଆଇନରୁ ମୁକ୍ତ କରିଛନ୍ତି । ତେଣୁ ଗୋବର୍ଦ୍ଧନ ମଠର ପରିଚାଳନା ଏଣିକି ସଂପୂର୍ଣ୍ଣ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀଙ୍କ ହାତରେ ।
{"id":185815,"sizeSlug":"large"}ଯାହାକୁ ନେଇ ବିବାଦର ସୂତ୍ରପାତ କରିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ନରସିଂହ କହିଛନ୍ତି, ୧୯୯୫ରେ ସେ ଆଇନ ମନ୍ତ୍ରୀ ଥିବା ବେଳେ ଏବେର ଶଙ୍କରାଚାର୍ଯ୍ୟ ଦାୟିତ୍ୱ ନେଇଥିଲେ । ତେବେ ପୂର୍ବ ଶଙ୍କରାଚାର୍ଯ୍ୟଙ୍କ ଇଚ୍ଛାପତ୍ର ମୁତାବକ ତାଙ୍କର ଉତ୍ତରାଧିକାରୀଙ୍କ ଦେବତୀର୍ଥ ସରନେମ୍ ରହିବ । ହେଲେ ତାଙ୍କ ପରବର୍ତ୍ତୀ ଶଙ୍କରାଚାର୍ଯ୍ୟ ନିଜକୁ ଦେବତୀର୍ଥ ନୁହେଁ ବରଂ ସରସ୍ୱତୀ ଭାବେ ପରିଚୟ ଦେଇ ଆସିଛନ୍ତି ।
{"id":185816,"sizeSlug":"large"}- ଦେବୋତ୍ତର ଆଇନ ଅନୁଯାୟୀ, ଗୋବର୍ଦ୍ଧନ ପୀଠ ନିଜର ଆୟବ୍ୟୟ ହିସାବ ପ୍ରତିବର୍ଷ ଦାଖଲ କରିବା କଥ । କିନ୍ତୁ ନରସିଂହଙ୍କ ଏକ ପ୍ରଶ୍ନର ଉତ୍ତରରେ ଆଇନ ବିଭାଗ କହିଛି, ଗଲା ୧୦ ବର୍ଷ ହେଲା ଗୋବର୍ଦ୍ଧନପୀଠ ଏହା ଦାଖଲ କରିନାହିଁ । ସରକାର କାହିଁକି ଏ ଦିଗରେ କାର୍ଯ୍ୟାନୁଷ୍ଠାନ ନେଇ ନାହାନ୍ତି ବୋଲି ନରସିଂହ ପ୍ରଶ୍ନ କରିଛନ୍ତି
ଏହି ପ୍ରସଙ୍ଗରେ ଗୋବର୍ଦ୍ଧନା ପୀଠ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ