Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଏମାନେ କେଉଁ ମାଟିରେ ଗଢା: ନମାଜ ପାଇଁ ମସଜିଦରେ ଭିଡ ଜମାଇଲେ, ମନା କରିବାରୁ ପୋଲିସକୁ ଠେଙ୍ଗାରେ ପିଟିଲେ, ପଥର ମାରିଲେ

24/04/2020 at 8:42 PM

ବହରାଇଚ ୨୪।୦୪: କରୋନା ଭାଇରସ୍‌ର ବଢୁଥିବା ପ୍ରକୋପକୁ ଦୃଷ୍ଟିରେ ରଖି ସରକାର ଦେଶବ୍ୟାପୀ ଲକ୍‌ଡାଉନ୍‌ ଲାଗୁ କରିଛନ୍ତି। ଏହି ଘଡି ସନ୍ଧି ମୁହୂର୍ତ୍ତିରେ ବାହାରକୁ ନବାହାରି ଘରେ ରହିବାକୁ ଜନତାଙ୍କୁ ବାରମ୍ବାର କରାଯାଉଛି। ସେହି ଭଳି ମସଜିଦକୁ ନଆସି ଘରେ ରହି ନମାଜ ପଢିବାକୁ ଅନେକ ଥର ଅପିଲ୍ କରାଯାଇଛି। ଅନେକ ମୁସଲିମ ଧର୍ମଗୁରୁ ମଧ୍ୟ ଏହି ଅପିଲ୍ କରିଛନ୍ତି। ମାତ୍ର କିଛି ଲୋକ ନିଜ  ଜିଦରେ ଅଟଳ ଅଛନ୍ତି ଯେ, ସେମାନେ ସରକାରଙ୍କ ନିୟମ କାନୁନକୁ ମାନିବେ ନାହିଁ। ଏହି କ୍ରମରେ ଉତ୍ତର ପ୍ରଦେଶର ବହରାଇଚର ବୋଣ୍ଡି ଥାନା ଅନ୍ତର୍ଗତ ଏକ ମସଜିଦରେ ଲକ୍‌ଡାଉନ୍‌ ନିୟମକୁ ଖୁଲମଖୁଲା ଉଲ୍ଲଂଘନ କରି ନମାଜ ପାଇଁ ଲୋକେ ରୁଣ୍ଡ ହୋଇଥିଲେ। ଯେବେ ପୋଲିସ୍ ମନା କଲା ତେବେ ନମାଜ ପଢିବାକୁ ଆସିୀଥିବା ଲୋକ ପୋଲିସ କର୍ମଚାରୀଙ୍କ ଉପରେ ଆକ୍ରମଣ କରିଥିଲେ।

ସିପାହୀଙ୍କ ଉପରେ ମରଣାନ୍ତ ଆକ୍ରମଣ ଓ ଲକ୍‌ଡାଉନ୍‌ ନିୟମ ଉଲ୍ଲଂଘନ କରିବା ମାମଲାରେ ୨୩ ଜଣଙ୍କ ବିରୋଧରେ ମାମଲା ରୁଜୁ କରି ମୌଲବି ସମେତ ସଭିଙ୍କୁ ଗିରଫ କରାଯାଇଛି।

ସୂଚନା ଅନୁଯାୟୀ ବୌଣ୍ଡିର ଡିହଓ୍ଵାକଲାଙ୍ଗ ଗାଁରେ ଶୁକ୍ରବାର ଗାଁ ଲୋକେ ମସଜିଦରେ ନମାଜି ମାନେ ରୁଣ୍ଡ ହୋଇ ନମାଜ ପଢୁଥିବା ସୂଚନା ଦେଇଛନ୍ତି। ସୂଚନା ମିଳିବା ମାତ୍ରେ ପୋଲିସ୍ ଘଟଣାସ୍ଥଳରେ ପହଞ୍ଚିଥିଲା। ପୋଲିସ୍ ମସଜିଦରେ ଏକାଠି ରୁଣ୍ଡ ହୋଇ ନମାଜ ନପଢିବାକୁ କହିଥିଲା। ଏହି କଥାକୁ ନେଇ ନମାଜିମାନେ ପୋଲିସ କର୍ମଚାରୀ ଉପରେ ହମଲା କରିଥିଲେ। ଘଟଣାର ସୂଚନା ମିଳିବା ମାତ୍ରେ ବଡ ସଂଖ୍ୟାରେ ପୋଲିସ ଫୋର୍ସ ଆସି ଘଟଣାସ୍ଥଳରେ ପହଞ୍ଚିଗଲେ ଏବଂ ୨୩ ନମାଜିଙ୍କୁ ଗିରଫ କରିଥିଲେ।

ସେହି ପରି ୟୁପିର ଅନ୍ୟ ଏକ ଜିଲ୍ଲାର ଖୈରିଘାଟ ଅଞ୍ଚଳର ତେଲିୟନପୁରଓ୍ଵାରେ ଲକ୍‌ଡାଉନ୍‌ ସମୟରେ ଶୁକ୍ରବାର ଦିନ ବେଳେ ମସଜିଦକୁ ସାମୂହିକ ଭାବେ ନମାଜ ପଢିବାକୁ ଆସୁଥିବା ଲୋକଙ୍କ ସହ ପୋଲିସ ସଂଘର୍ଷ ହୋଇଥିଲା। ନମାଜ ପଢିବାକୁ ଆସିଥିବା ଲୋକ ଠେଙ୍ଗା ଧରି ପୋଲିସ ଉପରେ ଆକ୍ରମଣ କରିଥିଲେ। ଏହା ସହିତ ପଥରମାଡ ମଧ୍ୟ କରିଥିଲେ। ଏହି ଘଟଣାରେ ଦୁଇ ଜଣ ଦରଘା ସହିତ ଛଅ ପୋଲିସକର୍ମୀ ଆହତ ହୋଇଛନ୍ତି। ଆକ୍ରମଣକାରୀ ଘଟଣାସ୍ଥଳରୁ ଫେରାର ହୋଇ ଯାଇଛନ୍ତି। ଆହତଙ୍କୁ ଶିବପୁରୀ ପିଏଚସିରେ ଚିକିତ୍ସା କରାଯାଉଛି।

ସୂଚନା ଅନୁଯାୟୀ ଖୈରୀଘାଟ ଥାନା ତେଲିୟନପୁରଓ୍ଵାରେ ଶୁକ୍ରବାର ଦିନ ବେଳେ ଲକ୍‌ଡାଉନ୍‌ ନିୟମ ଖୁଲମଖୁଲା ଉଲ୍ଲଂଘନ କରି ମୌଲବୀ ସହିତ ଅନେକ ଲୋକ ନମାଜ ପଢିଥିଲେ। ଏହି ସମୟରେ ପେଟ୍ରୋଲିଂ କରୁଥିବା ଉପନୀରିକ୍ଷକ ବିନୋଦ ସିଂହ, ଗଜେନ୍ଦ୍ର ପୋଣ୍ଡେ ପୋଲିସ ବଳ ସହିତ  ମସଜିଦ ନିକଟରେ ପହଞ୍ଚିଥିଲେ ଏବଂ ନମାଜିଙ୍କୁ ପଚରାଉଚୁରା କରିଥିଲେ। ଏହାକୁ ନେଇ ମୁସଲିମ ଲୋକ ଠେଙ୍ଗା ଧରି ପୋଲିସ ଉପରେ ଆକ୍ରମଣ କରିଥିଲେ ଏବଂ ପ୍ରବଳ ପଥରମାଡ କରିଥିଲେ। ଏଥିରେ ଉପନୀରିକ୍ଷକ ବିନୋଦ ସିଂହ, ଗଜେନ୍ଦ୍ର ପୋଣ୍ଡେ, ସିପାହୀ ପ୍ରଭାକର ଗୁପ୍ତା, ଅମିତ୍ କୁମାର, ରୋଶନ କୁମାର, ଅବଧବୀର ଆହତ  ହୋଇଛନ୍ତି। ଏହାର ସୂଚନା ପାଇଁ ପୋଲିସ ଫୋର୍ସ ଆସିବା ବେଳକୁ ସବୁ ଆରୋପି ଫେରାର ହୋଇ ସାରିଥିଲେ।

   Related Posts