Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଲିଗୁଡା : ପାରିବାରିକ କଳହ ନେଲା ଜୀବନ, ଚୈତନ୍ୟଙ୍କୁ ମାରିଦେଲେ ବାପା ଓ ୨ ଭାଇ
  • ||
  • ବାଙ୍କୀ : ବାଙ୍କୀ ହୁଳୁହୁଳା ପୋଲ ଉପରେ ପୁଣି ୨ ଫୁଟ ବନ୍ୟା ଜଳ ପ୍ରବାହିତ, ଯାତାୟାତ ବାଧାପ୍ରାପ୍ତ
  • ||
  • ଚାନ୍ଦବାଲି : ଚାନ୍ଦବାଲିର ୪ ପଞ୍ଚାୟତର ୧୦ଗୋଟି ଗାଁ ବନ୍ୟା ଘେରରେ, ୨ଟି ଗାଁ ବାହ୍ୟ ଜଗତରୁ ବିଚ୍ଛିନ୍ନ
  • ||
  • ଓଭରବ୍ରିଜ୍ ଉପରେ ବିରାଟ ଗାତ, ବିପଦସଙ୍କୁଳ ଅବସ୍ଥାରେ ଚଳାଚଳ କରୁଛି ଯାନବାହାନ
  • ||
  • ଚଣ୍ଡିଖୋଲ : ଗ୍ୟାସ୍ ଗାଡି ସହ ବାଇକ୍ ଧକ୍କା : ୨ ଗୁରୁତର, ଜାତୀୟ ରାଜପଥରେ ଗ୍ୟାସ୍ ଲିକ୍
  • ||
  • ମାଟି ଘରେ ଶୋଇଥିଲେ ବୃଦ୍ଧା, ହଠାତ ମାଡି ବସିଲା କାନ୍ଥ
  • ||
  • ଭୁବନେଶ୍ବର : ସିଲ୍ ହେଲା ଭୁବନେଶ୍ବର ତହସିଲ୍ ଓ ଉପଜିଲ୍ଲାପାଳ ଅଫିସ୍, କରୋନା ପଜିଟିଭ୍ ସଂଖ୍ୟା ବଢିବାରୁ ପଦକ୍ଷେପ
  • ||
  • ପାଟଣାଗଡ : ହାତୀ ଆକ୍ରମଣରେ ଜଣେ ମୃତ, ଜଣେ ଗୁରୁତର
  • ||
  • ମାତିଛନ୍ତି ହାତୀପଲ : ଜଳକ୍ରୀଡା ପରେ ଭାଙ୍ଗୁଛନ୍ତି ଘର, ନଷ୍ଟ କରୁଛନ୍ତି ଫସଲ
  • ||
  • କଟକ : ମୁଣ୍ଡଳୀରେ ବଢିଲା ମହାନଦୀ ଜଳସ୍ତର, ସେପଟେ ନରାଜରେ କାଠଯୋଡି ଜଳସ୍ତର ସାମାନ୍ୟ ବୃଦ୍ଧି
  • ||

ଜେଲ୍‌ରେ ନଳିନୀଙ୍କ ଆତ୍ମହତ୍ୟା ଉଦ୍ୟମ : ରାଜୀବ ଗାନ୍ଧୀ ହତ୍ୟା ମାମଲାରେ ୨୯ ବର୍ଷ ହେଲା ଅଛନ୍ତି ଜେଲ୍‌ରେ

21/07/2020 at 1:35 PM

ଭେଲ୍ଲୋର ୨୧/୦୭ : ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ହତ୍ୟାକାଣ୍ଡ ଅଭିଯୁକ୍ତ ନଳିନୀ ଶ୍ରୀହରନ ବେଲ୍ଲୋର ଜେଲରେ ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି | ନଳିନୀଙ୍କ ଓକିଲ ପି.ପୁଗାଲେନ୍ଦି କହିଛନ୍ତି ଯେ ଗତକାଲି ରାତିରେ ନଳିନୀ ଜେଲରେ ଆତ୍ମହତ୍ୟା ଉଦ୍ୟମ କରିଥିଲେ | କିନ୍ତ ଜେଲ ଯେଉଁ କାରଣ ଦର୍ଶାଇଛି ତା ଉପରେ ପ୍ରଶ୍ନ ଉଠିଛି | ନଳିନୀ ୨୯ ବର୍ଷ ହେଲା ଜେଲରେ ଅଛନ୍ତି କିନ୍ତୁ ଆଗରୁ କେବେ ଏହିଭଳି ପଦକ୍ଷେପ ଉଠେଇ ନଥିଲେ |

ଜେଲ ସୂତ୍ର ଅନୁଯାୟୀ, ସୋମବାର ରାତିରେ ନଳିନୀ ଓ ଅନ୍ୟ କଏଦୀଙ୍କ ସହିତ ଝଗଡା ହୋଇଥିଲା | ଏହାପରେ ନଳିନୀ ଜେଲ ଅଧିକାରୀଙ୍କୁ ଅଭିଯୋଗ କରିଥିଲେ | ଏ ସମ୍ପର୍କରେ ଜେଲରଙ୍କ ସହିତ ଯୁକ୍ତିତର୍କ ମଧ୍ୟ ହୋଇଥିଲା | ଏହାପରେ ନଳିନୀ ଆତ୍ମହତ୍ୟା ଉଦ୍ୟମ କରିଥିଲେ | ନିଜ ବେକରେ ଶାଢ଼ୀ ଲଗାଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ |

ସୂଚନାଯୋଗ୍ୟ ଯେ, ରାଜୀବ ଗାନ୍ଧୀ ହତ୍ୟାକାଣ୍ଡ ଅଭିଯୁକ୍ତ ନଳିନୀ ତାମିଲନାଡୁର ଭେଲ୍ଲୋର ଜେଲରେ ଆଜୀବନ କାରାଦଣ୍ଡ ସଜା କାଟୁଛନ୍ତି | ସେ ବିଗତ ୨୯ ବର୍ଷ ହେଲା ଜେଲରେ ଅଛନ୍ତି | ତାଙ୍କ ଝିଅ ମଧ୍ୟ ଜେଲରେ ଜନ୍ମ ହୋଇଥିଲା | ରାଜୀବ ଗାନ୍ଧୀ ହତ୍ୟାକାଣ୍ଡର ଅନ୍ୟ ୬ଜଣ ଦୋଷୀ ମଧ୍ୟ ଜେଲରେ ଅଛନ୍ତି | ଏମାନଙ୍କ ମଧ୍ୟରେ ନଳିନୀଙ୍କ ସ୍ୱାମୀ ମୁରୁଗନ ମଧ୍ୟ ସାମିଲ |

ଜେଲ ସୂତ୍ର ଅନୁଯାୟୀ, ନଳିନୀଙ୍କ ସ୍ୱାମୀ ମୁରୁଗନ ନଳିନୀଙ୍କୁ ଅନ୍ୟ ଜାଗାକୁ ସ୍ଥାନାନ୍ତର କରିବାକୁ କହିଥିଲେ | ନଳିନୀ ସେଠାରେ ସୁରକ୍ଷିତ ନୁହନ୍ତି ବୋଲି ମୁରୁଗନ କହିଥିଲେ | ୧୯୯୧ ମସିହା ମେ ୨୧ ତାରିଖରେ ତାମିଲନାଡୁ ଶ୍ରୀପେରମବୁଦୁରରେ କା ନିର୍ବାଚନ ରାଲି ସମୟରେ ଆତ୍ମଘାତୀ ହମଲାରେ ପୂର୍ବତନ ମୁଖ୍ୟମନ୍ତ୍ରୀ ରାଜୀବ ଗାନ୍ଧୀଙ୍କୁ ହତ୍ୟା କରାଯାଇଥିଲା | ଏହି ମାମଲାରେ ନଳିନୀଙ୍କୁ ମୃତ୍ୟୁ ଦଣ୍ଡ ମିଳିଥିଲା | କିନ୍ତୁ ତାମିଲନାଡୁ ସରକାର ତାଙ୍କ ସଜାକୁ ୨୦୦୦ ମସିହା ଏପ୍ରିଲ ୨୪ ତାରିଖରେ ଆଜୀବନ କାରାଦଣ୍ଡରେ ପରିବର୍ତ୍ତନ କରିଥିଲେ |

   Related Posts