Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପରଦାକୁ ଆସିଥିବା ‘ସ୍ତ୍ରୀ’ ଫିଲ୍ମ ବେଙ୍ଗାଲୁରୁର ସତ ଭୂତ କାହାଣୀ ଉପରେ ଆଧାରିତ

1/09/2018 at 5:40 PM

ମୁମ୍ବାଇ ୧|୯: ନିକଟରେ ରିଲିଜ୍ ହୋଇଛି ରାଜକୁମାର ରାଓ ଏବଂ ଶ୍ରଦ୍ଧା କପୁରଙ୍କ ଅଭିନୀତ ଫିଲ୍ମ ‘ସ୍ତ୍ରୀ’ । ଏହି ଫିଲ୍ମରେ ଦର୍ଶକ ହରର୍ ସହ କମେଡିର ମଜା ମଧ୍ୟ ଉଠାଇଛନ୍ତି । ଫିଲ୍ମର ଏକ ମହତ୍ବପୂର୍ଣ୍ଣ କଥା ହେଉଛି ବ୍ଲାକ୍ କମେଡି । ଯାହା ଦର୍ଶକଙ୍କୁ ବେଶ୍ ଆକୃଷ୍ଟ କରିଛି ।
ଭୂତକୁ ନେଇ ଥିବା ଅନ୍ଧ ବିଶ୍ବାସ କାହାଣୀ ଉପରେ ଆଧାରିତ ଏହି ଫିଲ୍ମ ‘ସ୍ତ୍ରୀ’ ସଂପୂର୍ଣ୍ଣ ଭାବେ କାଳ୍ପନିକ ନୁହେଁ । ଏହା ମଧ୍ୟପ୍ରଦେଶର କାଳ୍ପନିକ ଚନ୍ଦେରିର କାହାଣୀକୁ ଦର୍ଶାଉଛି ଯାହାକି ଏକ ମହିଳା ଭୂତ ଦ୍ବାରା ପ୍ରଭାବିତ ଅଟେ ।
ପୌରାଣିକ କଥା ଅନୁସାରେ ପ୍ରତିବର୍ଷ ନବରାତ୍ରୀର ପ୍ରଥମ ଚାରି ରାତିର ରାତିରେ ସ୍ତ୍ରୀ ସହରରେ ଦେଖାଯାଇଥାଏ । ସେହି ରାତିରେ ସେ ପୁରୁଷ ଏବଂ ଶୀକାରୀମାନଙ୍କୁ ନିଜର ଶୀକାର କରିଥାଏ । ସ୍ତ୍ରୀଠାରୁ ରକ୍ଷା ପାଇବା ପାଇଁ ପୁରୁଷମାନେ ମହିଳାମାନଙ୍କ ଭଳି ପୋଷାକ ପିନ୍ଧିଥାନ୍ତି ଏବଂ ଘରର କାନ୍ଥରେ ‘ଓଃ ସ୍ତ୍ରୀ, କଲ୍ ଆନା’ ଲେଖି ରଙ୍ଗ କରିଥାନ୍ତି । ସେ ମଧ୍ୟ ସେମାନଙ୍କୁ ତାହା କରିବାକୁ ଦିଏ ।
ଫିଲ୍ମର କାହାଣୀ ବାସ୍ତବରେ ହାସ୍ୟସ୍ପଦ ସତ ଘଟଣା ଉପରେ ଆଧାରିତ ଅଟେ । ଏହା ଫିଲ୍ମର ଟ୍ରେଲରରୁ ଜଣାପଡିଯାଉଛି । ୧୯୯୦ମସିହାରେ ଏକ ଭୂତ ବେଙ୍ଗାଲୁରୁବାସୀଙ୍କୁ ବର୍ଷ ବର୍ଷ ଧରି ଡରାଉଥିଲା ଏବଂ ତାର କିମ୍ବଦନ୍ତୀ ଏବେବି କେତେକ ସ୍ଥାନରେ ପ୍ରସିଦ୍ଧ ଅଟେ ।
କିମ୍ବଦନ୍ତୀ ଅନୁସାରେ ପ୍ରତ୍ୟେକ ରାତିରେ ଲୋକମାନଙ୍କ ଘରର କବାଟ ବାଡାଇଥାଏ ଯିଏ କବାଟ ଖୋଲିଲା ତାକୁ ସେ ମାରିଦେଉଥିଲା । ଏମିତିକି ସେ ଲୋକମାନଙ୍କର ସାଙ୍ଗସାଥି ଏବଂ ପରିବାର ସଦସ୍ୟଙ୍କ ସ୍ବରରେ କଥା ହୋଇଥାଏ । ତେଣୁ ଲୋକମାନେ ଜାଣି ନପାରି କବାଟ ଖୋଲିଦିଅନ୍ତି । ତାଠାରୁ ବଞ୍ଚିବା ପାଇଁ ଲୋକମାନେ ନିଜ କାନ୍ଥରେ ଲେଖିଥାନ୍ତି ନାଲେ ବା ଯାହାର ଅର୍ଥ କନ୍ନଡରେ ହେଉଛି କାଲି ଆସ । ଭୂତ ତାକୁ ପଢିବ ଏବଂ ଫେରିଯିବ ପୁଣି କାଲି ଆସିବାପାଇଁ । ଏହିଭଳି ଏମିତି ଜାରି ରହିବ । ଏହି କାହାଣୀ ବେଙ୍ଗାଲୁରୁର ଆଖପାଖରେ ଜଙ୍ଗଲର ନିଆଁ ଭଳି ପ୍ରଚାର ହୋଇଗଲା ।
ସମୟ ଅତିବାହିତ ହେବା ସହ ଯେତେବେଳେ ଲୋକଙ୍କୁ ଏହା ଅନୁଭବ ହେଲାଯେ ସେମାନଙ୍କ ପାଖରେ କିମ୍ବଦନ୍ତୀ ଏବଂ ଅନ୍ଧବିଶ୍ବାସ ପାଇଁ ସମୟ ନାହିଁ କାହାଣୀର ମୃତ୍ୟୁ ହୋଇଗଲା ।
ଫିଲ୍ମରେ ଭେଟେରାନ୍ ଅଭିନେତା ପଙ୍କଜ ତ୍ରିପାଠୀ, ରାଜକୁମାର ରାଓ, ଅପାର ଶକ୍ତି ଖୁରାନା ଗୁରୁତ୍ବପୂର୍ଣ୍ଣ ଭୂମିକାରେ ନଜର ଆସିଛନ୍ତି।

   Related Posts