ନାଇରୋବିର ୧୬|୧: ୨୬/୧୧ ମୁମ୍ବାଇ ଆକ୍ରମଣ ଭଳି କେନିଆରେ ଆତଙ୍କୀ ହମଲା ହୋଇଛି । କେନିଆ ରାଜଧାନୀ ନାଇରୋବିର ସ୍ଥିତ ହୋଟେଲ ଦୁସିତ ଡି-୨ରେ ଆତଙ୍କବାଦୀମାନେ ବାଦୀଙ୍କ ରକ୍ତ ହୋଲି ଖେଳିଛନ୍ତି । ଗତକାଲି ସଂଧ୍ୟାରେ ହୋଟେଲରେ ଆକଙ୍କବାଦୀ ପଶି ଅତର୍କିତ ଆକ୍ରମଣ କରିବା ସହ ବୋମା ମାଡ କରିଥିଲେ । ଏଥିରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ରୁ ଅଧିକ ଆହତ ହୋଇଥିବା ସୂଚନା ମିଳିଛି ।
{"id":74497}ହୋଟେଲ ପରିସରରେ ଗୁଳି ଫୁଟିବା ସହ ବିସ୍ଫୋରଣ ଶବ୍ଦ ହେବାରୁ ଲୋକମାନେ ଦୌଡାଦୌଡି ଆରମ୍ଭ କରିଥିଲେ । ଏପରିକି ଦଳାଚକଟା ପରିସ୍ଥିତି ସୃଷ୍ଟି ହୋଇଥିଲା । ତେଣୁ ମୃତାହତଙ୍କ ସଂଖ୍ୟା ଆହୁରି ବଢିବା ସମ୍ଭାବନା ରହିଛି । ଆତଙ୍କବାଦୀଙ୍କ ବିସ୍ଫୋରଣ ଫଳରେ ହୋଟେଲ ପରିସରରେ ଥିବା କିଛି କାର ଜଳିଥିବା ଦେଖିବାକୁ ମିଳିଛି । ବିଳମ୍ବିତ ରାତି ଯାଏଁ ଉଦ୍ଧାର କାର୍ଯ୍ୟ ଜାରି ରହିଥିବାରୁ ଏପର୍ଯ୍ୟନ୍ତ ମୃତାହତଙ୍କ ସଂଖ୍ୟା ଜଣାପଡିନାହିଁ । ଆକ୍ରମଣ ପାଇଁ ସୋମାଲି ଇସଲାମିକ ଆତଙ୍କବାଦୀ ସଂଗଠନ ଅଲ୍ ସବାବ ନିଜକୁ ଦାୟୀ କରିଛି ।