ବାଲାଘାଟ ୫/୨-ମଧ୍ୟପ୍ରଦେଶର ବାଲାଘାଟ ଥାନା ଅଂଚଳରେ ଜଣେ ନାଏବ ତହସିଲଦାରଙ୍କ ବିରୋଧରେ ଆଣିଲେ ଯୌନ ଶୋଷଣ ଅଭିଯୋଗ ପ୍ରଫେସରଙ୍କ ସ୍ତ୍ରୀ । ତାଙ୍କୁ ହୋଟେଲ ରୁମରେ ଦୁଷ୍କର୍ମ କରି ସୁଟିଂ କରିଥିବା ଅଶ୍ଳୀଳ ଭିଡ଼ିଓକୁ ଭାଇରାଲ କରିବାକୁ ଧମକ ଦେଇଛନ୍ତି ବୋଲି ଆଣିଛନ୍ତି ଅଭିଯୋଗ ।
ବାଲିଘାଟ ଏସପି ଅଭିଷେକ ତିଓ୍ଵାରୀ କହିବା ଅନୁସାରେ ହରିବଂଶ ଠାକୁର ନାମକ ଜଣେ ନାଏଵ ତହସିଲଦାର ଏହି ଘଟଣାର ମୁଖ୍ୟଆସାମୀ । ସେ ଜଣେ ପ୍ରଫେସରଙ୍କ ସ୍ତ୍ରୀଙ୍କ ସଂସ୍ପର୍ଶରେ ଆସିବା ପରେ ଗଢ଼ି ଉଠିଥିବା ବନ୍ଧୁତାକୁ ଏଭଳି ଭାବେ ବ୍ୟବହାର କରିଥିବା କଥା କହିଛନ୍ତି ।
ବୈହାର ଥାନା ଅଂଚଳରେ ଘଟିଛି ଏହି ଘଟଣା । ନାଏବ ତହସିଲଦାର ଠାକୁର ବାଲାଘାଟର ଏକ ହୋଟେଲକୁ ପ୍ରଫେସରଙ୍କ ସ୍ତ୍ରୀକୁ ନେଇ ଏଭଳି ଅସଦାଚାରଣ କରିଥିବା ଜଣାଯାଇଛି ।
ହୋଟେଲରେ ଆପତ୍ତିଜନକ ଅବସ୍ଥାରେ ଥିବା ସମୟରେ ଠାକୁର ପ୍ରଫେସର ସ୍ତ୍ରୀଙ୍କର ଭିଡ଼ିଓ ସୁଟିଂକରିଥିଲେ । ତା ପରେ ସେହି ଭିଡ଼ିଓକୁ ଦେଖାଇ ତାଙ୍କୁ ବାରମ୍ବାର ଦୁଷ୍କର୍ମ କରିଥିବା କଥା ଅଭିଯୋଗ ଆଣିଛନ୍ତି ।
ନାଏବ ତହସିଲଦାରଙ୍କ ଦ୍ଵାରା ବାରମ୍ବାର ଦୁଷ୍କର୍ମର ଶିକାର ହୋଇ ମାନସିକ ଭାବେ ଭାଙ୍ଗି ପଡ଼ିବା ପରେ ସ୍ଵାମୀଙ୍କୁ ଏ ବାବଦରେ ସବୁକଥା କହିଥିଲେ । ଏହି ଅଭିଯୋଗ ନାଏବ ତହସିଲଦାରଙ୍କ ବିରୋଧରେ ବାଲାଘାଟ ଥାନାରେ ଆଣିଛନ୍ତି ପ୍ରଫେସର ।