Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ରାତିରେ ଅଚାନକ ଥାନାରେ ପହଞ୍ଚିଲେ ବିଧାୟକ : ଥାନାରେ ଜମିଥିଲା ମଦ ଆସର, ବିଧାୟକଙ୍କୁ ଦେଖି ଫେରାର ହୋଇଗଲେ ପୋଲିସକର୍ମୀ

13/06/2020 at 11:08 AM

ନାଗୋର ୧୩/୦୬ : ରାଜସ୍ତାନ ନାଗୋର ଜିଲ୍ଲାର ଖମ୍ବିସର ବିଧାୟକ ନାରାୟଣ ବେନିବାଲ ହଠାତ ନିରୀକ୍ଷଣ ପାଇଁ ପୋଲିସ ଥାନାରେ ପହଞ୍ଚିଥିଲେ | ଥାନାରେ ପହଞ୍ଚି ସେ ଯାହା ଦେଖିଲେ ଚକିତ ହୋଇଗଲେ | ଶୁକ୍ରବାର ବିଳମ୍ବିତ ରାତିରେ ବିଧାୟକ ହଠାତ ଥାନାରେ ପହଞ୍ଚିଥିଲେ | ଥାନାର ଏକ କୋଠରୀ ମଧ୍ୟରେ ପୋଲିସକର୍ମୀ ମଦ ଆସର ଜମାଇଥିଲେ | ପୋଲିସକର୍ମୀ ମଦ ପାର୍ଟିରେ ମସଗୁଲ ଥିଲେ | ପୋଲିସକର୍ମୀ ଯେମିତି ଶୁଣିଲେ ବିଧାୟକ ଥାନାରେ ପହଞ୍ଚିଛନ୍ତି, ପାର୍ଟି କରୁଥିବା ପୋଲିସକର୍ମୀ ଥାନାରେ ଫେରାର ହୋଇଯାଇଥିଲେ | ଏହାପରେ ବିଧାୟକ ଘଟଣା ସମ୍ପର୍କରେ ନାଗୋର ଏସପି ଡ.ବିକାଶ ପାଠକଙ୍କୁ ଜଣାଇଥିଲେ | 

ଖମ୍ବିସର ବିଧାୟକ ନାରାୟଣ ବେନିବାଲ ଗତ କିଛି ଦିନ ହେଲା ଥାନାରେ ପୋଲିସକର୍ମୀଙ୍କ ଏହିସବୁ ମନ ମୁତାବକ କାମ ସମ୍ପର୍କରେ ଅଭିଯୋଗ ଶୁଣିଥିଲେ | ସେଥିପାଇଁ ସେ ଶୁକ୍ରବାର ବିଳମ୍ବିତ ରାତିରେ କାହାକୁ କିଛି ନ ଜଣାଇ ହଠାତ ଥାନାରେ ପହଞ୍ଚିଥିଲେ | ଥାନାରେ ନା ଥାନା ଅଧିକାରୀ ଥିଲେ ନା ଡ୍ୟୁଟି ଅଫିସର | ଏହାପରେ ବିଧାୟକ ଥାନା ପରିସରରେ ଆଗକୁ ବଢିଲେ ତ ଏକ ବ୍ୟାରେକରେ ୩ ପୋଲିସକର୍ମୀ ମଦ ଆସର ଜମାଇଥିଲେ | ବିଧାୟକଙ୍କୁ ଦେଖି ପୋଲିସକର୍ମୀ ସେଠାରୁ ଫେରାର ହୋଇଗଲେ | ଏହା ଦେଖି ବିଧାୟକ ତାଙ୍କ ସହ ଉପସ୍ଥିତ କର୍ମୀଙ୍କୁ ମୋବାଇଲ ଫୋନରେ ସମସ୍ତ ଘଟଣା ରେକର୍ଡିଙ୍ଗ କରିବାକୁ କହିଥିଲେ | 

ଥାନାରେ ଉପସ୍ଥିତ ଥିବା ପୋଲିସକର୍ମୀଙ୍କୁ ବିଧାୟକ ଅନ୍ୟ ପୋଲିସକର୍ମୀଙ୍କ ସମ୍ପର୍କରେ ପଚାରିଥିଲେ | ବିଧାୟକ କହିଥିଲେ, ଏଇଠି କଂଗ୍ରେସର ରାଜ ଚାଲିଛି, ତା ମାନେ କଣ ଥାନାରେ ମଦ ପିଇବ, ମଉଜ କରିବ, ଲୋକଙ୍କୁ ଶୋଷଣ କରିବ, ଏମିତି ଡ୍ୟୁଟି କରୁଛ ? ବିଧାୟକ ନାରାୟଣ ବେନିବାଲ ମାମଲା ସମ୍ପର୍କରେ ଏସପିଙ୍କୁ ସୂଚନା ଦେଇଥିଲେ | ଡ୍ୟୁଟି ଅଫିସର ମୁଖ୍ୟ କନେଷ୍ଟବଳ ରାମରତନ ଯେତେବେଳେ ଥାନାରେ ଫେରିଥିଲେ ବିଧାୟକ ଡ୍ୟୁଟି ଅଫିସରଙ୍କୁ ନାନା କଥା ଶୁଣାଇଥିଲେ ଏବଂ ଥାନା ଅଧିକାରୀଙ୍କ ସମ୍ପର୍କରେ ପଚାରିଥିଲେ | ଥାନା ଅଫିସର କହିଥିଲେ ଯେ, ଡ୍ୟୁଟି ଅଫିସର ଏକ ବୈଠକରେ ଯୋଗ ଦେବା ପାଇଁ ନାଗୋର ଯାଇଛନ୍ତି | ଏହାପରେ ବିଧାୟକ ଡ୍ୟୁଟି ଅଫିସରଙ୍କୁ ମଧ୍ୟ ଯାହା ଇଛା ତାହା ଶୁଣାଇଥିଲେ | ସେ ତୀକ୍ଷ୍ଣ ସ୍ୱରରେ କହିଥିଲେ ଥାନାରେ ବସି ତମେମାନେ ମଦ ପିଉଛ, ତମେମାନେ ଲୋକଙ୍କୁ କଣ ନ୍ୟାୟ ଦେବ | 

   Related Posts