Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ସହଯୋଗ କଲେନି ସାହିପଡିଶା, ପୁଅର ଶବକୁ ନଦୀରେ ଫିଙ୍ଗିଦେଲେ ବାପା

15/07/2020 at 1:08 PM

ଉଲୁଣ୍ଡା ୧୫।୦୭ : କରୋନା ମହାମାରୀ ସ୍ଥିତି । ସଂକ୍ରମଣ ଆତଙ୍କରେ ସମସ୍ତେ ଆତଙ୍କିତ । ଆଉ ଏତିକିବେଳେ ସାପକାମୁଡ଼ାରେ ଭେଣ୍ଡିଆ ପୁଅର ଅକାଳ ମୃତ୍ୟୁ ଘଟିଲା । ହେଲେ ଶବକୁ ଚାରିକାନ୍ଧ ବି ମିଳିଲାନି । ପୁଲିସ ଏବଂ ଆଇନ ବ୍ୟବସ୍ଥା ବିଷୟରେ ଅଜ୍ଞ ଅସହାୟ ବୃଦ୍ଧ ମନରେ ଭରି ଦିଆଗଲା ପୁଲିସର ଭୟ । ଅସହାୟ ବୁଢ଼ା ବାପ ନିଜ ହାତରେ ଗାତ ଖୋଳିବାକୁ ବି ବଳନାହିଁ । ଅନନ୍ୟୋପାୟ ହୋଇ ନଦୀ ଗର୍ଭରେ ଫିଙ୍ଗିଦେଲା ପୁଅର ଶବ । ଏଭଳି ସ୍ପର୍ଶକାତର ଘଟଣା ଦେଖିବାକୁ ମିଳିଛି ସୋନପୁର ଜିଲ୍ଲା ଉଲୁଣ୍ଡା ବ୍ଲକ୍‌ ସିଣ୍ଢୋଲ ଗାଁରେ । ଘଟଣା ଲୋକଲୋଚନକୁ ଆସିବା ପରେ ବିଭିନ୍ନ ମହଲରେ ଉଦ୍‌ବେଗ ପ୍ରକାଶ ପାଇଛି । ପୁଲିସ ଛାନ୍‌ଭିନ୍‌ ଆରମ୍ଭ କରିଛି ।

ସୂଚନାଯୋଗ୍ୟ ଯେ, ସିଣ୍ଡୋଲ ଗାଁର ବଳଦେବ ରଣା, ଦୁଇ ପୁଅ ଓ ସ୍ତ୍ରୀକୁ ନେଇ ତାଙ୍କ ସଂସାର । ଗତକାଲି ବଳଦେବ ଓ ତାଙ୍କ ସାନ ପୁଅ ମହେନ୍ଦ୍ର ଜଙ୍ଗଲକୁ ଗାଈ ଚରାଇବାକୁ ଯାଇଥିଲେ । ଘରେ ଥିଲେ ସ୍ତ୍ରୀ ଓ ବଡ଼ପୁଅ ରାମଚନ୍ଦ୍ର । ସଂଧ୍ୟା ସମୟରେ ରାମଚନ୍ଦ୍ର(୨୪) ତାଙ୍କ ବାରିପଟେ ଶୋଇଥିବା ବେଳେ ଏକ ବିଷଧର ସାପ ତାଙ୍କୁ କାମୁଡ଼ି ଦେଇଥିଲା । ମା’ ଏକଥା ଜାଣିଥିଲେ ମଧ୍ୟ ଘରେ ଏକୁଟିଆ ଥିବାରୁ କିଛି କରିପାରି ନଥିଲେ । ସ୍ୱାମୀ ଏବଂ ସାନ ପୁଅ ଜଙ୍ଗଲରୁ ଘରକୁ ଫେରି ଦେଖିଲା ବେଳକୁ ରାମଚନ୍ଦ୍ରଙ୍କ ମୃତ୍ୟୁ ହୋଇସାରିଥିଲା । ପୁଅର ଶବ ସତ୍କାର ପାଇଁ ଗ୍ରାମବାସୀ ତଥା ସାଇ ପରିଜନଙ୍କୁ ଡାକିଥିଲେ । ହେଲେ ସାହି ଭାଇଙ୍କ ସହ ଭଲ ସମ୍ପର୍କ ନଥିବାରୁ କେହି ଜଣେବି ଆସିନଥିଲେ ।

ଏପରିକି ଏ କରୋନା ଲକ୍‌ଡାଉନ୍‌ ସମୟରେ ପରିବାରକୁ ପୁଲିସ ବାନ୍ଧିନେବ ବୋଲି ମଧ୍ୟ କେହି କେହି ତାଙ୍କୁ ଡରାଇଥିଲେ । ଭୟର ବଶବର୍ତ୍ତୀ ହୋଇ ଆଉ ଅନ୍ୟ ଉପାୟ ନପାଇ ବଳଦେବ ମୃତ ପୁଅକୁ ନେଇ ନିକଟ ନଦୀରେ ଫିଙ୍ଗି ଦେଇଥିଲେ । ଆଜି ସକାଳୁ ଏହି ଘଟଣା ଜଣାପଡ଼ିବା ପରେ ଉଲୁଣ୍ଡା ପୁଲିସ ଗାଁରେ ପହଞ୍ଚି ତାଙ୍କ ପରିବାରକୁ ଭେଟି ସବୁକଥା ପଚାରି ବୁଝିଥିଲେ । ପରେ କିଛି ନାବିକଙ୍କୁ ନେଇ ଡଙ୍ଗାରେ ପ୍ରାୟ ୩ ଘଣ୍ଟା ଧରି ଖୋଜାଖୋଜି କଲା ପରେ ମଧ୍ୟ କୌଣସି ସନ୍ଧାନ ପାଇ ନଥିଲେ । ପାଣିର ବେଗ ଦ୍ରୁତ ଗତିରେ ଥିବାରୁ ଶବକୁ ଠାବ କରିବା ସମ୍ଭବ ହୋଇନଥିଲା ବୋଲି ପୁଲିସ କହିଛି ।

   Related Posts