ଭଦ୍ରକ ୦୧।୦୯: ନଦୀ ଗର୍ଭକୁ ପୁଣି ଧସିଲା ବନ୍ଧ । ଭଦ୍ରକ ଜିଲ୍ଲା ଧାମନଗର ବ୍ଲକ ଦଳାଙ୍ଗ ପଞ୍ଚାୟତ ରାମେଶ୍ୱରପୁର ମଳିକସାହି ନିକଟରେ ଗେଙ୍ଗୁଟି ନଦୀର ବନ୍ଧ ନଦୀ ଗର୍ଭକୁ ଧସିଯାଇଛି । ଏପରିକି ମଳିକ ସାହି ନିକଟରେ ନଦୀ ବନ୍ଧର ବିଭିନ୍ନ ସ୍ଥାନରେ ଫାଟ ଦେଖିବାକୁ ମିଳିଛି ।
କିଛିଦିନ ପୂର୍ବରୁ ସମାନ ସ୍ଥାନରେ ଫାଟ ସୃଷ୍ଟି ହୋଇଥିଲା । ଲଗାଣ ବର୍ଷାରେ ପଥର ପ୍ୟାକିଙ୍ଗ ମଧ୍ୟ ଧସିଥିଲା, ପରେ ବନ୍ୟା ଜଳ ଗେଙ୍ଗୁଟିରେ ପ୍ରବାହିତ ହେବା ବେଳେ ଫାଟ ବଢିଯାଇଥିଲା । ନଦୀରେ ଜଳସ୍ଥର କମିବା ପରେ ପୁଣି ଧସିଛି ବନ୍ଧ । ବନ୍ଧର ତଳିଆ ଅଞ୍ଚଳର ମାଟି ଧୋଇଯାଇଥିବାରୁ ପ୍ରାୟ ୩୦ ଫୁଟ ବନ୍ଧ ଧସିଛି ।