Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ଦୀର୍ଘ ୫ ବର୍ଷ ଧରି ନିଖୋଜ ଥିବା ମାନସିକ ବିକୃତ ତାମିଲ ବ୍ୟକ୍ତିଙ୍କୁ ତାଙ୍କ ଘର ତାମିଲନାଡୁ ପଠାଇବାରେ ସହାୟତା କଲେ ସ୍ଥାନୀୟ ଯୁବକ, ଜାଣନ୍ତୁ ନିଖୋଜର ପୂରା କାହାଣୀ

2/02/2019 at 7:11 PM

ନବରଙ୍ଗପୁର ୨|୨ : ମାନବ ସେବା ହିଁ ମାଧବ ସେବା । ନବରଙ୍ଗପୁର ଇନ୍ଦ୍ରାବତୀ ସହରର କିଛି ଯୁବକ ଏମିତି ଏକ ମହତ କାର୍ଯ୍ୟ କରିଛନ୍ତି । ଦୀର୍ଘ ୫ ବର୍ଷ ଧରି ନିଖୋଜ ଥିବା ଜଣେ ମାନସିକ ବିକୃତ ବ୍ୟକ୍ତିଙ୍କୁ ତାଙ୍କ  ଘର ତାମିଲନାଡୁ ପଠାଇବାରେ ସହାୟତା କରିଛନ୍ତି ଏହି ଯୁବକମାନେ ।    

ରାସ୍ତା କଡ଼ରେ ଅସହାୟ ମଣିଷ । ମୁଣ୍ଡରେ ଜଟ, ଲମ୍ବା ଧାଡ଼ି ।ଦେହରେ ଛିଣ୍ଡା ପୋଷାକ । କେବେଠାରୁ ପେଟରେ ଦାନା ପଡ଼ିନି । ସିଏ କଣ କହୁଛନ୍ତି ସ୍ଥାନୀୟ ଲୋକେ କିଛି ବୁଝିପାରୁ ନାହାଁନ୍ତି, କି ସ୍ଥାନୀୟ ଲୋକେ କଣ ପଚାରୁଛନ୍ତି ସିଏ ମଧ୍ୟ ବୁଝିପାରୁନାହାଁନ୍ତି । କେବଳ ଏତିକି ବୁଝି ହେଉଛି ସେ ଅସହାୟ । ନବରଙ୍ଗପୁର ଇନ୍ଦ୍ରାବତୀ ଡ୍ୟାମ ନିକଟରେ ରାସ୍ତା କଡ଼ରେ ଏହି ବ୍ୟକ୍ତିଙ୍କୁ ଦେଖିଥିଲେ ସ୍ଥାନୀୟ ଅଞ୍ଚଳର ସମୀର ହରିଜନ ।

ଶୀତ କାକରରେ ପଡ଼ିଥିବା ଲୋକଟିକୁ ସେ ସାଥିରେ ନେଇଥିଲେ ନବଜ୍ୟୋତି ସୋସିଆଲ ଫାଉଣ୍ଡେସନକୁ । ସେଠାରେ ଲୋକଟିକୁ ପରିସ୍କାର ପରିଚ୍ଛନ୍ନ କରିବା ସହ ନୂଆ ପୋଷାକ ପିନ୍ଧାଇ ଖାଇବାକୁ ଦେଇଥିଲେ । ତେବେ ଲୋକଟିର ଭାଷା ବୁଝିପାରୁ ନଥିବାରୁ  ଇନ୍ଦ୍ର।ବତୀରେ ରହୁଥିବା ଜଣେ ତାମିଲ ଲୋକକୁ ଡାକି ତାଙ୍କ ସହ କଥା କରାଇଥିଲେ । କଥାବାର୍ତ୍ତାରୁ ଜଣା ପଡିଲା ଲୋକଟିର ଘର ତାମିଲନାଡୁ କାଲାକୁଚି ଅଞ୍ଚଳରେ ।

ଏହାପରେ ଗୁଗୁଲ ମାଧ୍ୟମରେ ସର୍ଚ କରି କାଲାକୁଚି ପୋଲିସ ମାଧ୍ୟମରେ ଲୋକଟିର ପରିବାର ଲୋକଙ୍କ ସହ ଯୋଗାଯୋଗ କରାଗଲା । ଦୁଇ ଭାଇ ଆର୍. ସତିଶ ଓ ଆର୍ ଶଙ୍କରନ ଇନ୍ଦ୍ରାବତୀ ଆସି ସେମାନଙ୍କ ଭାଇ ଆର୍ ମୁରଗାନଙ୍କୁ ଚିହ୍ନଟ କରିଥିଲେ । ପାଞ୍ଚ ବର୍ଷ ଧରି ମୁରଗାନ ଥିଲେ ନିଖୋଜ ।ତାଙ୍କର ମାନସିକ ସ୍ଥିତି ଠିକ ନଥିଲା । ପୋଲିସ ଉପସ୍ଥିତିରେ ସଂସ୍ଥାର କର୍ମକର୍ତାମାନେ ମୁରଗାନଙ୍କୁ ପରିବାର ଲୋକଙ୍କୁ ହସ୍ତାନ୍ତର କରିଥିଲେ ।

ଦୀର୍ଘ ବର୍ଷ ପରେ ମୁରଗାନଙ୍କୁ ଫେରି ପାଇବା ପରେ ପରିବାର ଲୋକେ ବେଶ୍ ଖୁସି । ଏଥିପାଇଁ ସେମାନେ ସଂସ୍ଥାର କର୍ମକର୍ତାଙ୍କୁ ଧନ୍ୟବାଦ ଜଣାଇଛନ୍ତି । ପୂର୍ବରୁ ଏଭଳି ଚାରି ଜଣଙ୍କୁ ଉଦ୍ଧାର କରି ସେମାନଙ୍କ ପରିବାରକୁ ହସ୍ତାନ୍ତର କରିଛି ଫାଉଣ୍ଡେସନ।…  

ନବଜ୍ୟୋତି ଫାଉଣ୍ଡେସନ ଯୁବକମାନଙ୍କର ଏଭଳି ମହତ କାର୍ଯ୍ୟକୁ ସ୍ଥାନୀୟ ଲୋକେ ବେଶ୍ ପ୍ରଶଂସା କରୁଛନ୍ତି ।  

   Related Posts