Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ନବରଙ୍ଗପୁର ସେତୁ ଭୁଶୁଡିବା ଘଟଣା, ପୁରୀରୁ ଠିକାଦାରଙ୍କୁ ଉଠାଇନେଲା ପୋଲିସ !

12/01/2021 at 1:12 PM

ଭୁବନେଶ୍ୱର,୧୨/୦୧: ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ତାଲାପଦର ଗାଁସ୍ଥିତ ନାଗୀ ନାତେର ନିର୍ମାଣଧୀନ ବିଜୁ ସେତୁ ଭୁଶୁଡ଼ିବା ଘଟଣାର ତଦନ୍ତ ଆରମ୍ଭ ହୋଇଛି । କ୍ୱାଲିଟି କଣ୍ଟ୍ରୋଲର ଟିମ୍‌ ମଧ୍ୟ ଘଟଣାସ୍ଥଳରେ ପହଞ୍ଚି ଭୁଶୁଡିଥିବା ଛାତର ସିମେଣ୍ଟ, ବାଲି ଗୋଡ଼ିର ନମୁନା ସଂଗ୍ରହ କରି ସାରିଛନ୍ତି । ଅନ୍ୟଦିଗରେ ଠିକାଦାର ଆଶିଷ କୁମାର ବିଶ୍ୱାଳ ଓ ଦୁଇ ଯନ୍ତ୍ରୀ ଆସିତ ପାତ୍ର ଏବଂ ନିରଞ୍ଜନ ସାହୁଙ୍କ ବିରୋଧରେ ଗ୍ରାମ୍ୟ ନିର୍ମାଣ ବିଭାଗ ନିର୍ବାହୀ ଯନ୍ତ୍ରୀ ସନ୍ତୋଷ କୁମାର ସାମଲ ଉମରକୋଟ ଥାନାରେ ଅଭିଯୋଗ କରିଛନ୍ତି ।

ଠିକାଦାର ଆଶିଷ କୁମାର ବିଶ୍ୱାଳ ପୁରୀର ବାସିନ୍ଦା ଅଟନ୍ତି । ତାଙ୍କ ନାମରେ ଏତଲା ପରେ ସୋମବାର ଦିନ ସନ୍ଧ୍ୟାରେ ନବରଙ୍ଗପୁର ପୋଲିସ ପୁରୀରେ ପହଞ୍ଚି ତାଙ୍କୁ ଘରୁ ଉଠାଇ ନେଇଥିବା ଜଣାପଡ଼ିଛି । କିନ୍ତୁ ପୋଲିସ ଏ ସମ୍ପର୍କରେ କୌଣସି ସୂଚନା ଦେଇନାହିଁ । ପୁରୀ ଏସ୍‌ପି କେ. ବିଶାଲ ସିଂଙ୍କୁ ଏ ସମ୍ପର୍କରେ ପଚାରିବାରୁ ସେ କହିଛନ୍ତି ଯେ, ତାଙ୍କୁ ନବରଙ୍ଗପୁର ଏସ୍‌ପି ଫୋନ୍‌ କରିଥିଲେ । ସେଠାକାର ପୋଲିସ ଟିମ୍‌ ପୁରୀରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।

ପ୍ରାଥମିକ ତଦନ୍ତ ଅନୁସାରେ, ବିଜୁ ସେତୁର ଦ୍ୱିତୀୟ ଛାତକୁ ପ୍ରଥମ ଦିନରେ ଏକ ଫୁଟ ପର୍ଯ୍ୟନ୍ତ ଢଳେଇ କରାଯାଇଥିଲା। ଦ୍ୱିତୀୟ ଦିନରେ ଆଉ ୨ ଫୁଟ ଢଳେଇ ପଡ଼ିଥିଲା । ସେଣ୍ଟ୍ରିଂ ପାଇଁ ବ୍ୟବହୃତ ଲୁହାପାଇପ୍‌ ନିମ୍ନମାନର ଥିବାରୁ ସ୍ଲାବ୍‌କୁ ଏହା ସମ୍ଭାଳି ପାରି ନଥିଲା । ନମୁନା ସଂଗ୍ରହ ପରେ ଅଧିକ ତଦନ୍ତ ଆରମ୍ଭ କରାଯାଇଛି । ଏତଲାକୁ ଭିତ୍ତିକରି ଉମରକୋଟ ଥାନାରେ ୩ ଜଣଙ୍କ ନାମରେ ମାମଲା ରୁଜୁ ହୋଇଥିବା ଉମରକୋଟ ଏସ୍‌ଡିପିଓ ହେମନ୍ତ ପାଢ଼ୀ ସୂଚନା ଦେଇଛନ୍ତି ।

   Related Posts