Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||
  • ଭୁବନେଶ୍ବର : ହୋଟେଲ୍ ଓ ରେଷ୍ଟୁରାଣ୍ଟକୁ BMCର କଡା ନିର୍ଦ୍ଦେଶ, ୭ ଦିନ ଭିତରେ ଦୋକାନ ସମ୍ମୁଖରେ ଲଗାଅ ଫୁଡ୍ ସେଫ୍ଟି ସାର୍ଟିଫିକେଟ୍
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୩ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୪୩ କୋଭିଡ୍ ସଂକ୍ରମିତ, ୩୩୩୮୬୬ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କରୋନା ଟିକା ନେବେ ପ୍ରଧାନମନ୍ତ୍ରୀ ମୋଦି, ୨ୟ ପର୍ଯ୍ୟାୟରେ ସମସ୍ତ ମୁଖ୍ୟମନ୍ତ୍ରୀ ଓ ସାଂସଦଙ୍କୁ ଭ୍ୟାକ୍‌ସିନ୍‌‌
  • ||

ଭିଜିଲାନ୍ସ ଜାଲରେ ନବରଙ୍ଗପୁର RTO, ଲାଞ୍ଚ କାରବାର ନେଇ ପୂର୍ବରୁ ଭାଇରାଲ୍ ହୋଇଥିଲା ଭିଡିଓ

6/03/2020 at 8:33 AM

ନବରଙ୍ଗପୁର ୬।୩: ଦେଶରେ ନୂଆ ଟ୍ରାଫିକ୍ ନିୟମ ଲାଗୁ ହେବା ପରେ ରାଜ୍ୟରେ ମଧ୍ୟ ଚଢଉ ଜୋରଦାର ଚାଲିଛି । ନିୟମ ଖିଲାପକାରୀଙ୍କୁ ମୋଟା ଅଙ୍କର ଫାଇନ୍ ପକାଉଛନ୍ତି ବିଭିନ୍ନ ଆରଟିଓ ଅଧିକାରୀମାନେ । ଏମିତିରେ ଜଣେ ଆରଟିଓଙ୍କ ଭିଜିଲାନ୍ସ ଜାଲରେ ପଡିଛନ୍ତି । ନବରଙ୍ଗପୁର ଆରଟିଓ ଗଣେଶ୍ବର କଅଁରଙ୍କ ବାସଭବନ ସମେତ କାର୍ଯ୍ୟାଳୟରେ ଚାଲିଛି ଭିଜିଲାନ୍ସର ଚଢଉ ।

ଜୟପୁର ଓ ନବରଙ୍ଗପୁରର ୧୦ ଟିମ୍‌ ଚଢାଉରେ ସାମିଲ ହୋଇଛନ୍ତି । କିଛିଦିନ ତଳେ ଜଣେ ଯୁବକ ଓ ଆରଟିଓଙ୍କ ମଧ୍ୟରେ ଲାଞ୍ଚ କାରବାର ଘଟଣାର ଭିଡିଓ ଭାଇରାଲ ହୋଇଥିଲା । ଚାକିରି କରାଇ ଦେବାକୁ କହି ଲାଞ୍ଚ ନେଉଥିବା ଅଭିଯୋଗ ହୋଇଥିଲା । ଏହାପରେ ତଦନ୍ତ ଆରମ୍ଭ କରିଛି ଭିଜିଲାନ୍ସ ।

ସୂଚନାଯୋଗ୍ୟ ଯେ, ଗତ କିଛି ଦିନ ହେଲା ନବରଙ୍ଗପୁର ଆରଟିଓ ଗଣେଶ୍ବର କଅଁର ଲାଞ୍ଚ ନେବାଭଳି ଗୋଟିଏ ଫଟୋ ଓ ଏକ ଭିଡିଓ ଭାଇରାଲ୍ ହୋଇଥିଲା । ଯେଉଁ ଭିଡିଓରେ ଟଙ୍କା ଦେଇଥିବା ଯୁବକ ଜଣଙ୍କ ତା ପରିବାର ସହ ଆରଟିଓ ଅଫିସକୁ ଆସି ଆରଟିଓଙ୍କୁ ଚାକିରୀ କଲନାହିଁ ତ ଟଙ୍କା ଫେରାଇଦିଅ ବୋଲି ଯୁକ୍ତି କରୁଥିବାର ଦୃଶ୍ୟ ରହିଥିଲା । ଆରଟିଓଙ୍କୁ ଟଙ୍କା ଦେଇଥିବା ଯୁବକ ନିଜେ ତାଙ୍କ ମୋବାଇଲରେ ଏହା ସୁଟିଂ କରିଥିଲେ ।

ଏହି ଭିଡିଓଟିକୁ ନବରଙ୍ଗପୁରର ଜଣେ ଯୁବ ଆଇନଜୀବୀ ଇମ୍ରାନ ସାରିଫ ତାଙ୍କ ଫେସବୁକ ଆକାଉଣ୍ଟରେ ଅପଲୋଡ କରି ଭାଇରାଲ କରିଛନ୍ତି । ଏହାପରେ ଏହି ଭିଡିଓଟି ଫେସବୁକ୍ ଏବଂ ହ୍ବାଟସଆପରେ ଘୁରି ବୁଲିଥିଲା । ଜଣେ ବ୍ୟକ୍ତିଙ୍କ ଠାରୁ ଟଙ୍କା ନେବା ପରେ ସେହି କାର୍ଯ୍ୟ ନହେବା କାରଣରୁ ସେହି ଲୋକମାନେ ତାଙ୍କ ଅଫିସକୁ ଯାଇ କିଛି ଟଙ୍କା କଥା କହି ପାଟି ତୁଣ୍ଡ କରୁଥିବା ଭିଡିଓରୁ ଜଣାପଡିଥିଲା ।

ଭିଡିଓରେ ଡ୍ରାଇଭିଂ ଏବଂ ଲର୍ଣ୍ଣିଂ ଲାଇସେନ୍ସ କରିବା ସମୟରେ ଲୋକମାନଙ୍କଠାରୁ ଟଙ୍କା ଲାଞ୍ଚ ନେବା କଥା କୁହାଯାଇଥିବା ବେଳେ ୧୫ହଜାର ଏବଂ ୩୦ହଜାର ଟଙ୍କା ଫେରେଇବା ଭଳି କଥା ହେଉଥିବାର ଜଣାପଡିଥିଲା । ତାଙ୍କ ଅଫିସରେ ୪ ରୁ ୫ ଜଣ ଲୋକଙ୍କ ସହିତ ଯୁକ୍ତିତର୍କ ହେବାଭଳି ମଧ୍ୟ ଜଣାପଡିଥିଲା ।

   Related Posts