Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଜିଲ୍ଲାପାଳଙ୍କ ମାନବିକତା : ଦୁର୍ଘଟଣାରେ ଗୁରୁତର ଯୁବକଙ୍କୁ ଠିକ୍ ସମୟରେ ମେଡିକାଲ ନେଇ ବଞ୍ଚାଇଲେ ଜୀବନ

6/08/2019 at 12:48 PM

ନବରଙ୍ଗପୁର ୬|୮: ନବରଙ୍ଗପୁର ଜିଲ୍ଲାପାଳ ଡକ୍ଟର ଅଜିତ ମିଶ୍ର ନିଜ ମହାନତା ପାଇଁ ଏବେ ଚର୍ଚ୍ଚାରେ ରହିଛନ୍ତି । ଦୁର୍ଘଟଣାରେ ଗୁରୁତର ହୋଇଥିବା ଜଣେ ଯୁବଚାଷୀଙ୍କୁ ଠିକ୍ ସମୟରେ ଡାକ୍ତରଖାନା ପହଞ୍ଚାଇ ତାଙ୍କ ଜୀବନ ବଞ୍ଚାଇଛନ୍ତି ଜିଲ୍ଲାପାଳ । ଜିଲ୍ଲାବାସୀ ଜିଲ୍ଲାପାଳଙ୍କ ଉକ୍ତ କାର୍ଯ୍ୟକୁ ନେଇ ଭୁରି ଭୁରି ପ୍ରଶଂସା କରୁଛନ୍ତି ।

ସୂଚନାଯୋଗ୍ୟ ଯେ, ଗତକାଲି ମାସର ପ୍ରଥମ ସୋମବାର ହୋଇଥିବାରୁ ଜିଲ୍ଲା କାର୍ଯ୍ୟାଳୟଠାରେ ଅଭିଯୋଗ ଶୁଣାଣି କରିଥିଲେ ଜିଲ୍ଲାପାଳ । ଅଭିଯୋଗ ଶୁଣାଣି ପରେ ଅପରାହ୍ନ ସମୟରେ ସଦର ବ୍ଲକ ଅନ୍ତର୍ଗତ ସାନମସିଗାଁ ପଞ୍ଚାୟତକୁ ଜନଶୁଣାଣି ପାଇଁ ଯାଉଥିଲେ । ଏହି ସମୟରେ କୋଡ଼ିଗାଁ ଓ ସାନ ମସିଗାଁ ଛକ ନିକଟରେ ଜଣେ ଯୁବକ ରକ୍ତ ଜୁଡୁବୁଡୁ ଅବସ୍ଥାରେ ପଡି ରହିଥିବା ଜିଲ୍ଲାପାଳଙ୍କ ନଜରକୁ ଆସିଥିଲା । ସେ ତୁରନ୍ତ ଗାଡି ଅଟକାଇ ଘଟଣାସ୍ଥଳକୁ ଯାଇ ଯୁବକଙ୍କର ଦୁର୍ଘଟଣା ହୋଇଯାଇଥିବା ଓ ତାଙ୍କ ପାଟିରୁ ରକ୍ତ ଶ୍ରାବ ହେଉଥିବା ଦେଖିଥିଲେ । ଗଭୀର କ୍ଷତ ଯୋଗୁଁ  ସେ ଦୁର୍ଘଟଣା ସମ୍ପର୍କରେ କିଛି କହିପାରିନଥିଲେ । ଜିଲ୍ଲାପାଳ ନିକଟରେ ଥିବା ସାନମସିଗାଁ ମେଡିକାଲରୁ ଷ୍ଟ୍ରେଚର ମଗାଇ ସାନମସିଗାଁ ମେଡିକାଲରେ ତାଙ୍କୁ ଭର୍ତି କରାଇଥିଲେ । 

ସାନମସିଗାଁ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ପରେ ଯୁବକ ଜଣଙ୍କ କଥା ହୋଇପାରିଥିଲେ । ସେତେବେଳେ ଜିଲ୍ଲାପାଳ ଜାଣିବାକୁ ପାଇଥିଲେ ଯେ ଆହତ ଯୁବକ ଜଣକ ଦେବରାଗୁଡାର ଦେବରାଜ ମାଝୀ । ପେଶାରେ ସେ ଜଣେ ଚାଷୀ । ସେ ପରିବା, ଧାନ ଓ ଆଖୁ ଚାଷ କରନ୍ତି । ସେଥିରୁ ହିଁ ସେ ଓ ତାଙ୍କ ପରିବାର ଗୁଜୁରାଣ ମେଣ୍ଟାନ୍ତି । ସେ ନବରଙ୍ଗପୁର ସାପ୍ତାହିକ ହାଟରୁ ପରିବା ବିକ୍ରି କରି ଫେରୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲେ । ଦୁର୍ଘଟଣା ସମ୍ପର୍କରେ କିଛି କହିପାରିନଥିଲେ ଆହତ ଯୁବ ଚାଷୀ ।  ଦୁର୍ଘଟଣା ସମ୍ପର୍କରେ ତାଙ୍କ ପରିବାର ଲୋକଙ୍କୁ ଆଶା କର୍ମୀଙ୍କ  ଦ୍ଵାରା  ଖବର ଦିଆଯାଇଥିଲା । ଜିଲ୍ଲାପାଳ ନିଜେ ଉପସ୍ଥିତ ରହି ତାଙ୍କ ଚିକିତ୍ସା କରାଇଥିଲେ ।

ଜନଶୁଣାଣି ପରେ ପୁନର୍ବାର ମେଡିକାଲକୁ ଆସି ତାଙ୍କ ଅବସ୍ଥା ପଚାରି ବୁଝିଥିଲେ ।  ଯଦି ଆବଶ୍ୟକ ପଡେ ତେବେ ବଡ଼ ମେଡିକାଲକୁ ନେବାର ବ୍ୟବସ୍ଥା କରିବେ ବୋଲି ଜିଲ୍ଲାପାଳ ପ୍ରତିଶ୍ରୁତି ମଧ୍ୟ ଦେଇଥିଲେ । ସଠିକ୍ ସମୟରେ ଆହତଙ୍କୁ ମେଡିକାଲ ନେବା ଦ୍ବାରା ତାଙ୍କ ଜୀବନ ବଞ୍ଚିଯାଇଛି ।  ଜିଲ୍ଲାପାଳଙ୍କ ଏହି ବଦାନ୍ୟତାକୁ ନେଇ ଚାରିଆଡେ ଚର୍ଚ୍ଚା ଜୋର ଧରିଛି । ଜିଲ୍ଲାବାସୀ ଜିଲ୍ଲାପାଳଙ୍କ ଉକ୍ତ କାର୍ଯ୍ୟକୁ ନେଇ ଭୁରି ଭୁରି ପ୍ରଶଂସା କରୁଛନ୍ତି ।

   Related Posts