Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

୨ଦିନ ହେଲା ୨ନାବାଳିକା ନିଖୋଜ, ବଳି ପାଇଁ ଅପହରଣ ସନ୍ଦେହ

6/02/2020 at 4:00 PM

ନବରଙ୍ଗପୁର ୦୬।୦୨: ନବରଙ୍ଗପୁର ଜିଲ୍ଲା ରାଇଘର ବ୍ଲକ ଅନ୍ତର୍ଗତ ଗୋନା ଏବଂ ପଖନାପାରା ଗାଁର ଦୁଇଜଣ ନାବାଳିକା ନିଖୋଜ । ଦୁଇ ଜଣ ନାବାଳିକା ଗତ ୪ ତାରିଖ ଦିନ ପ୍ରାୟ ୨ଟା ସମୟରୁ ନିଖୋଜ ଥିବା ନେଇ ଥାନାରେ ଅଭିଯୋଗ ହୋଇଛି । ନିଖୋଜ ନାବାଳିକା ଦୁହେଁ ଗୋନା ଗାଁର ପ୍ରକାଶ ପାଣ୍ଡେଙ୍କ ଝିଅ ଲକ୍ଷ୍ମୀ ପାଣ୍ଡେ (୯) ଓ କସକଙ୍ଗା ପଞ୍ଚାୟତ ଅନ୍ତର୍ଗତ ପଖନାପାରା ଗାଁର ସିଜନ ତିୱାରୀଙ୍କ ଝିଅ ପଞ୍ଚବତୀ ତିୱାରୀ (୮) ବୋଲି ଜଣାପଡିଛି | ଦୁଇ ନାବାଳିକାଙ୍କୁ ଆଗାମୀ ଦିନରେ ହେବାକୁ ଥିବା କସକଂଗାଁରେ ହେବାକୁ ଥିବା ମଣ୍ଡେଇ ପୂଜାରେ ବଳି ଦେବା ପାଇଁ ଅପହରଣ କରାଯାଇଥିବା ପରିବାର ପକ୍ଷରୁ ସନ୍ଦେହ କରାଯାଉଛି ।

ସୂଚନାଯୋଗ୍ୟ ଯେ, ବୁଧବାର ଦିନ ଲକ୍ଷ୍ମୀ ପାଣ୍ଡେ ପଖନାପାରା ସ୍ଥିତ ନିଜ ମାମୁ ଘରକୁ ବୁଲିବାକୁ ଯାଇଥିଲା l ଏହି ଅବସରରେ ନିଜ ମାମୁ ଘର ପଡୋଶୀରେ ଥିବା ପଞ୍ଚବତୀ ତିୱାରୀ ସହିତ ବନ୍ଧୁତା ରହିଥିବାରୁ ଦୁହେଁ ମିଶି ବୁଧବାର ଦିନ ପ୍ରାୟ ୨ ଟା ସମୟରେ ଘରୁ ବାହାରି ଯାଇଥିଲେ l ଦିନତମାମ ଘରକୁ ନଫେରିବାରୁ ପରିବାର ଲୋକେ ଖୋଜାଖୋଜି ଆରମ୍ଭ କରିଥିଲେ | ଉଭୟ ଗୋନା ଗାଁକୁ ଯାଇଥାଇପାରନ୍ତି ବୋଲି ସନ୍ଦେହ କରି ସିଜନ ତିୱାରୀ ପ୍ରକାଶ ପାଣ୍ଡେଙ୍କୁ ଫୋନ ଯୋଗେ ବୁଝିଥିଲେ l କିନ୍ତୁ ସେଠାରେ ଦୁହେଁ ନଥିବା ଜାଣି, ଶେଷରେ ପରିବାର ପକ୍ଷରୁ କୁନ୍ଦେଇ ଥାନାରେ ଲିଖିତ ଅଭିଯୋଗ କରିଛନ୍ତି ।

ପୁଲିସ ନିଖୋଜ ମାମଲା ଋଜୁ କରି ଗୋନା ଏବଂ ପଖନାପାରା ଗାଁକୁ ଯାଇ ତଦନ୍ତ ଜାରି ରଖିଛି l ଅପରପକ୍ଷରେ ନିଖୋଜ ହେବାର ୨୪  ଘଣ୍ଟାରୁ ଅଧିକ ସମୟ  ବିତି ଯାଇଥିଲେ ସୁଦ୍ଧା ଦୁଇଜଣ ନାବାଳିକାଙ୍କ କୌଣସି ଖବର ମିଳିପାରି ନାହିଁ l ମଣ୍ଡେଇ ପୂଜାରେ ଭଲ ଫସଲ ଉତ୍ପାଦନ ପାଇଁ ଶିଶୁ ବଳି ପ୍ରଥା ରାଇଘର ଅଂଚଳରେ ଚାଲିଆସିଛି । ତେଣୁ ଏଥିପାଇଁ ଦୁଇ ନାବାଳିକାଙ୍କୁ ଅପହରଣ କରି ଅଜ୍ଞାତ ସ୍ଥାନରେ ଲୁଚାଇ ରଖାଯାଇଥିବା ମଧ୍ୟ ସନ୍ଦେହ କରାଯାଉଛି। ଦୁଇ ଝିଙ୍କ ପରିବାର ଲୋକ ଦୁଃଖ ଓ ଚିନ୍ତାରେ ଭାଙ୍ଗି ପଡ଼ିଥିବା ସହିତ ସେମାନଙ୍କ ଫେରିବା ବାଟକୁ ଚାହିଁ ବସିଛନ୍ତି।

   Related Posts