Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଜୋରନ୍ଦା ମହିମାଗାଦୀରେ ନବାନ୍ନ ଉତ୍ସବ, ପ୍ରଭୁ ଶୂନ୍ୟଦେହୀ ଅଲେଖ ଗୋସାଇଁଙ୍କ ନିକଟରେ ଲାଗି ହେଲା ନବାନ୍ନ

8/09/2021 at 5:39 PM

ଢେଙ୍କାନାଳ ୮।୯: ବିଶ୍ବବିଦିତ ମହିମା ଧର୍ମର ମୁଖ୍ୟ ପୀଠ ଢେଙ୍କାନାଳର ଜୋରନ୍ଦା ସ୍ଥିତ ମହିମାଗାଦୀରେ ନବାନ୍ନ ଉତ୍ସବ ପାଳିତ ହୋଇଯାଇଛି । ଭାଦ୍ରବ ଶୁକ୍ଳ ପକ୍ଷ ଦ୍ବିତୀୟା ଅବସରରେ ମହିମା ଧର୍ମର ପରମ୍ପରା ମୁତାବକ ପ୍ରଭୁ ଶୂନ୍ୟଦେହୀ ଅଲେଖ ଗୋସାଇଁଙ୍କ ନିକଟରେ ନୂଆ ଲାଗି କରାଯାଇଛି ।

ମହିମା ସାଧୁମାନେ ବୁଧବାର ଭୋର ସମୟରେ ଏଥିପାଇଁ ସ୍ବତନ୍ତ୍ର ନୀତିକାନ୍ତି ମୁତାବକ ନୂଆ ଚାଉଳର ଚୁଡା, ଘିଅ, ଗୋକୁଳ, କର୍ପୁର ମହୁ ଆଦି ମିଶାଇ ସ୍ବତନ୍ତ୍ର  ନବାନ୍ନ ପ୍ରସ୍ତୁତ କରିଥିଲେ । ପରେ ପ୍ରଭୁ ଅଲେଖ ମହିମାଙ୍କ ଶରଣ ଯାଇ ଶୂନ୍ୟଦେହୀଙ୍କୁ ଉଦ୍ଦେଶ୍ୟରେ ନବାନ୍ନ ଅର୍ପଣ କରିଥିଲେ ।

ଏହାପରେ ଜିଲ୍ଲା ତଥା ଜିଲ୍ଲା ବାହାରୁ ଆସିଥିବା ସହ ସହ ଶ୍ରଦ୍ଧାଳୁ ଓ ଭକ୍ତଙ୍କ ଗହଣରେ ମହିମା ସାଧୁ ସନ୍ୟାସୀମାନେ ସମସ୍ତେ ନବାନ୍ନ ଭକ୍ଷଣ କରିଥିଲେ । ଫଳରେ ରାଜ୍ୟର ବିଭିନ୍ନ ଅଞ୍ଚଳରୁ ଏହି ମହିମାଗାଦୀକୁ ଶ୍ରଦ୍ଧାଳୁମାନେ ଆସି ଏହି ନବାନ୍ନ ଭକ୍ଷଣ କରିବାର ସୁଯୋଗ ପାଇଁ ଧନ୍ୟ ହୋଇଥିବା ପ୍ରକାଶ କରିଛନ୍ତି  । ପରମ୍ପରା ମୁତାବକ ପ୍ରଭୁ ଅଲେଖ ମହିମାଙ୍କ ପାଖରେ ନୂଆ ଲାଗି କରାଗଲା ପରେ ଅନ୍ୟମାନେ ଗ୍ରହଣ କରିବାର ପ୍ରଥା ମହିମା ଧର୍ମର ଅନ୍ୟ ଏକ ପର୍ବ ବୋଲି ପ୍ରକାଶ କରନ୍ତି ମହିମାଗାଦୀର ମୁଖ୍ୟ ।

   Related Posts