Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜିବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||
  • ବ୍ରହ୍ମପୁର : ଗୁଳି ମାଡରେ ବେଗୁନିଆପଡା ବ୍ଲକ୍ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ସାହୁଙ୍କ ମୃତ୍ୟୁ
  • ||
  • କଳାହାଣ୍ଡି : ୧୦ଲକ୍ଷ ଟଙ୍କାର ବାଘ ଛାଲ ଜବତ, ୨ ଗିରଫ
  • ||
  • ୨ଦିନରେ ଦୁଇ ଜୀବନ : ଢେଙ୍କାନାଳରେ ହାତୀ ଆକ୍ରମଣରେ ପୁଣି ଜଣେ ମୃତ
  • ||
  • ଭାରସାମ୍ୟ ହରାଇ କାର୍‌-ଟାଟା ମ୍ୟାଜିକ ଉପରେ ଓଲଟିଲା ଟ୍ରକ, ଚାଲିଗଲା ୧୩ଜଣଙ୍କ ଜୀବନ
  • ||

ଅପହରଣ ପରେ ୯ମାସ ଯାଏଁ ନାବାଳିକାଙ୍କୁ ଦୁଷ୍କର୍ମ, ୮ମାସର ଗର୍ଭବତୀ ହେବା ପରେ ଇଚ୍ଛା ମୃତ୍ୟୁ ପାଇଁ ନିବେଦନ

5/03/2020 at 7:53 AM

ରାୟସେନ ୫।୩: ନାବାଳିକାଙ୍କୁ ଅପହରଣ କରି ଜଣେ ବ୍ୟକ୍ତି ଜୋବରଦସ୍ତ ବିବାହ କରି ୬ ମାସ ଧରି ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି । ଯେତେବେଳେ ତାଙ୍କ ଇଚ୍ଛା ପୂରା ହୋଇଥାଏ ସେତେବେଳେ ସେ ତାଙ୍କ ଶାଳକଙ୍କୁ ବିକ୍ରି କରିଦେଇଥିଲେ । ଯେଉଁଠାରେ ନାବାଳିକ ଜଣଙ୍କ ୩ ମାସ ରହଥିଲେ | ପରେ ଯେତେବେଳେ କୌଣସି ପ୍ରକାରରେ ନାବାଳିକାଙ୍କ ପରିବାରଲୋକ ଏ ସଂପର୍କରେ ଜାଣିବା ପରେ ପୋଲିସ ନିକଟରେ ଅଭିଯୋଗ କରିଛନ୍ତି | ସେତେବେଳକୁ ନାବାଳିକା ଜଣଙ୍କ ୮ ମାସର ଗର୍ଭବତୀ ଥିଲେ  | ଏବେ ନାବାଳିକା ଜଣଙ୍କ ଇଚ୍ଛାମୃତ୍ୟୁ ପାଇଁ ନିବେଦନ କରୁଛନ୍ତି  | ଏଭଳି ଲଜ୍ଜାଜନକ ଘଟଣା ମଧ୍ୟପ୍ରଦେଶର ରାୟସେନ୍ ଜିଲ୍ଲାରେ ଘଟିଛି ।

ରାୟସେନ ଜିଲ୍ଲାର ସିଲଓ୍ବାନି ଥାନାରେ ଏକ ମାମଲା ରୁଜୁ ହୋଇଛି । ମେ ୨୦୧୯ରେ ନାବାଳିକାଙ୍କୁ ଚନ୍ଦନ ପିପଲିଆରୁ ସଂପୃକ୍ତ ବ୍ୟକ୍ତି ଏବଂ ତାଙ୍କ ପରିବାର ଡାକ୍ତରଙ୍କ ପାଖକୁ ନେବା ବାହାନାରେ ସିଲଓ୍ବାନୀ ନେଇଯାଇଥିଲେ। ତାପରେ ସେମାନେ ନାବାଳିକାଙ୍କୁ ଡରାଇ ହାତ ଓ ଗୋଡ ବାନ୍ଧି ଭୋପାଳକୁ ନେଇ ସେଠାରେ ସଂପୃକ୍ତ ବ୍ୟକ୍ତିଙ୍କ ସହ ତାଙ୍କର ବିବାହ କରିଦେଇଥିଲେ ।

ବିବାହ ପରେ ନାବାଳିକାଙ୍କୁ ଭୋପାଳର ଏକ ଅଜଣା ସ୍ଥାନରେ ରଖାଯାଇଥିଲା । ସଂପୃକ୍ତ ବ୍ୟକ୍ତି ନାବାଳିକାଙ୍କୁ ବହୁ ଥର ଦୁଷ୍କର୍ମ କରିଥିଲେ । ନାବାଳିକାଙ୍କର ଦେଖାଶୁଣା କରିବା ପାଇଁ ସଂପୃକ୍ତ ବ୍ୟକ୍ତିଙ୍କ ଶାଳକକୁ ରଖାଯାଇଥିଲା । ଦୁହେଁ ମିଳି ବାରମ୍ବାର ନାବାଳିକାଙ୍କୁ ସହ ଦୁଷ୍କର୍ମ କରୁଥିଲେ । ନିର୍ଯାତନା ଦେବା ସହ ତାଙ୍କୁ ବନ୍ଦୀ କରି ରଖିଥିଲେ । ୬ମାସ ପରେ ସଂପୃକ୍ତ ବ୍ୟକ୍ତି ୬ହଜାର ଟଙ୍କାରେ ତାଙ୍କ ଶାଳକଙ୍କୁ ନାବାଳିକା ଜଣଙ୍କୁ ବିକ୍ରି କରିଦେଇଥିଲେ । ଏତିକି ବେଳେ ନାବାଳିକାଙ୍କ ସ୍ବାସ୍ଥ୍ୟାବସ୍ଥା ଖରାପ ହେବାରୁ ତାଙ୍କୁ ଜଣେ ସଂପର୍କୀୟଙ୍କ ଘରେ ଛାଡିଦେଇଥିଲେ। ଏହାପରେ ସଂପର୍କୀୟ ଜଣଙ୍କ ନାବାଳିକାଙ୍କ ବାପା-ମାଙ୍କୁ ଫୋନ୍ କରି ଡକାଇଲେ । ମାତ୍ର ସେତେବେଳକୁ ନାବାଳିକା ଜଣଙ୍କ ୮ ମାସର ଗର୍ଭବତୀ ହୋଇଥିଲେ ।

ଯେତେବେଳେ ବାପା-ମା ତାଙ୍କ ପାଖକୁ ଆସିଥିଲେ ଝିଅର ଗୁରୁତ ଅବସ୍ଥା ଦେଖି ତାଙ୍କୁ ଚିହ୍ନି ପାରିନଥିଲେ। କିଛି ଦିନ ପରେ ସିଲଓ୍ବାନୀ ଷ୍ଟେସନରେ ପରିବାର ଲୋକ ଅଭିଯୋଗ କଲେ । ପୋଲିସ ଏକ ମାମଲା ରୁଜୁ କରି ମୁଖ୍ୟ ଅଭିଯୁକ୍ତକୁ ଗିରଫ କରିଥିଲା । ଏହାସହ ଗିରଫ ଅଭିଯୁକ୍ତର ବାପା-ମା, ଭାଇଭଉଣୀ ଏବଂ ସାହାଯ୍ୟକାରୀ ସମ୍ପର୍କୀୟଙ୍କ ସମେତ ପୀଡିତାଙ୍କ ଦ୍ବାରା ଅଭିଯୋଗରେ ଦର୍ଶା ଯାଇଥିବା ୧୧ ଜଣଙ୍କୁ ପଚରାଉଚରା ଚାଲିଛି। ପୀଡିତା ନାବାଳିକା ନ୍ୟାୟ ପାଇଁ ନିବେଦନ କରିଛନ୍ତି। ଯଦି ତାଙ୍କୁ ନ୍ୟାୟ ମିଳୁ ନାହିଁ ତେବେ ଇଚ୍ଛାକୁ ମୃତ୍ୟୁ ଦିଆଯାଉ ବୋଲି ସେ କହିଛନ୍ତି ।

   Related Posts