ନୂଆପଡ଼ା ୦୮।୦୮ : ମୁଣ୍ଡ ଓ ଗଣ୍ଡି ଅଲଗା ହୋଇ ପଡିଥିବା ଶିଶୁପୁତ୍ରର ମୃତଦେହ ଉଦ୍ଧାର । ନୂଆପଡ଼ା ଜିଲ୍ଲା ବୋଡ଼େନ ଥାନା ପଲସଦା ପଞ୍ଚାୟତ ବୁଢ଼ାପରା ଗାଁର ଏକ ଚାଷ ଜମିରୁ ଉଦ୍ଧାକ ହୋଇଛି । ବୋଡ଼େନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାଯୋଗ୍ୟ ଯେ, ଆଜି ସକାଳ ସମୟରେ ପଳାସଦା ନିକଟ ବୁଢ଼ାପରା ଗାଁର ନରେନ୍ଦ୍ର ବେହେରାଙ୍କ ଚାଷ ଜମିରେ ଏକ ମୁଣ୍ଡ ଓ ଗଣ୍ଡି ଅଲଗା ଅଲଗା ହୋଇ ପଡିଥିବାର ଦେଖିବାକୁ ମିଳିଥିଲା । ନବ ଜାତ ଶିଶୁ ପୁତ୍ରର ମୃତଦେହ ପଡ଼ିଥିବା ଗାଁ ଲୋକେ ଦେଖିବାକୁ ପାଇଥିଲେ । ଏନେଇ ଗାଁ ଲୋକେ ବୋଡ଼େନ ପୋଲିସକୁ ଖବର ଦେଇଥିଲେ । ଏହାପରେ ବୋଡ଼େନ ଥାନା ଆଇଆଇସିଙ୍କ ନେତୃତ୍ବରେ ଏକ ପୋଲିସ ଟିମ୍ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରିଥିଲେ । ତେବେ କିଭଳି ପରିସ୍ଥିତିରେ ଏଭଳି ଘଟଣା ଘଟିଛି ,ତାହା ଜଣା ପଡ଼ିନାହିଁ।