Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ଚାଷୀ ଆନ୍ଦୋଳନର ପଛର ଉଦ୍ଦେଶ୍ୟକୁ ନେଇ ଉଠିଲା ପ୍ରଶ୍ନ : ନବନିର୍ମାଣ କୃଷକ ସଂଗଠନକୁ କହିଲେ ରାଜନୈତିକ ପ୍ଲାଟଫର୍ମ

6/11/2018 at 7:35 PM

ଭୁବନେଶ୍ବର ୬|୧୧: ପ୍ରାଇସ, ପ୍ରେଷ୍ଟିଜ ଓ ପେନସନ ଦାବିରେ ଚାଲିଥିବା ଚାଷୀ  ଆନ୍ଦୋଳନର ପଛର ଉଦ୍ଦେଶ୍ୟକୁ ନେଇ ପ୍ରଶ୍ନ ଉଠିଲାଣି। ଚାଷୀ ଆନ୍ଦୋଳନର ଅସଲ ଉଦ୍ଦେଶ୍ୟକୁ ନେଇ ପ୍ରଶ୍ନ ଉଠାଇଛନ୍ତି, ରାଜ୍ୟର କିଛି ଆଗଧାଡ଼ିର ଚାଷୀନେତା । ନବ ନିର୍ମାଣ କୃଷକ ସଂଗଠନ ଆଣିଥିବା ସମସ୍ୟା ପ୍ରକୃତ ସମସ୍ୟା ନୁହେଁ ବୋଲି ସେମାନେ କହିଛନ୍ତି । ନିଜର ରାଜନୈତିକ ଉଦ୍ଦେଶ୍ୟ ସାଧନ ପାଇଁ କିଛି ନେତା ଚାଷୀଙ୍କୁ ବ୍ୟବହାର କରୁଥିବା ଆରୋପ ଆସିଛି । ସେପଟେ ରାଜନୈତିକ ଦଳ ଭିତରେ ଏହାକୁ ନେଇ ଆରୋପ ପ୍ରତ୍ୟାରୋପ ଚାଲିଛି ।

ପ୍ରାଇସ,ପେଷ୍ଟିଜ ଓ ପେନସନ କେବଳ ବାହାନା । ନେତାଏ ରାଜନୈତିକ କ୍ୟାରିୟର ନିର୍ମାଣ ପାଇଁ ନବ ନିର୍ମାଣ କୃଷକ ସଂଗଠନକୁ ପ୍ଲାଟଫର୍ମ କରାଯାଉଛି । ଏହି ସଙ୍ଗଠନ ଉଠାଉଥିବା ସମସ୍ୟା ଚାଷୀଙ୍କର ବାସ୍ତବ ସମସ୍ୟା ନୁହେଁ । ନବ ନିର୍ମାଣ କୃଷକ ସଙ୍ଗଠନର ଚାଷୀ ଆନ୍ଦୋଳନକୁ ନେଇ ଏମିତି ପ୍ରଶ୍ନ ଉଠାଇଲେଣି କୃଷକ ସଙ୍ଗଠନ । ପଶ୍ଚିମ ଓଡିଶାର ଚାଷୀନେତା ଲିଙ୍ଗରାଜ ନବ ନିର୍ମାଣ କୃଷକ ସଙ୍ଗଠନର ଆନ୍ଦୋଳନକୁ ନେଇ ପ୍ରଶ୍ନ ଉଠାଇଛନ୍ତି ।ଜଳ ସେଚନ,କୃଷକ ଆତ୍ମହତ୍ୟା ବଢି ବଢି ଚାଲିଛି ଏହା ସହ କୃଷିଜାତ ଦ୍ରବ୍ୟ ର ଦରନିର୍ଦ୍ଧାରଣ କୁ  ନେଇ କାହାରି ଆନ୍ତରିକତା ନାହିଁ ।  କିନ୍ତୁ ଆନ୍ଦୋଳନ ନାଁରେ ନେତାଏ ନିଜର ଫାଇଦା ପାଇଁ ଚାଷୀଙ୍କ ଦାବି କୁ ଗୌଣ କରିଦେଉଛନ୍ତି ।  ଚାଷୀଙ୍କୁ ରାଜନୈତିକ ବ୍ୟବହାର କରାଯାଉଛି । ଏହାକୁ ନେଇ ଲିଙ୍ଗରାଜ ସାଂସଦ ସୌମ୍ୟ ରଞ୍ଜନ ପଟ୍ଟନାୟକଙ୍କ ଉଦାହରଣ ଦେଇଛନ୍ତି । ସଂଘଠନ କୁ ପଛରୁ ସମର୍ଥନ ଦେଉଥିବା ବ୍ରହ୍ମପୁର ର ତିରୁପତି ପଟ୍ଟନାୟକ ଙ୍କୁ ନେଇ ବି ଚର୍ଚ୍ଚା ହେଉଛି। କିନ୍ତୁ ସେମାନେ ନିଜ ରାଜନୈତିକ କ୍ୟାରିୟର ନିର୍ମାଣ ପାଇଁ ଚାଷୀ ସଂଘଠନ କୁ ବ୍ୟବହାର କରୁଛନ୍ତି ବୋଲି କହିଛନ୍ତି ଚାଷୀ ନେତା ଲିଙ୍ଗରାଜ ।

ଦାବି ପୁରଣ ନେଇ ରାଜଧାନୀ ମୁହାଁ ହୋଇଛି ନବ ନିର୍ମାଣ କୃଷକ ସଙ୍ଗଠନ ।  ଏହି ସଙ୍ଗଠନ ସହିତ ଅନେକ ନେତାଏ ବି ଯୋଡି ହେଉଛନ୍ତି । ହେଲେ ଏହାକୁ ନେଇ ପଶ୍ଚିମ ଓଡିଶାର କୃଷକ ସଂଗଠନ ପ୍ରଶ୍ନ ଉଠାଇବା ପରେ ଆନ୍ଦୋଳନକୁ ନେଇ ପ୍ରଶ୍ନ ଉଠିଛି । ସେପଟେ ଏହାକୁ ନେଇ ରାଜନୈତିକ ଦଳ ମାନେ ବି କାଦୁଅ ଫିଙ୍ଗାରେ ମାତିଛନ୍ତି । ନବ ନିର୍ମାଣ ସଂଘଠନକୁ ନେଇ ରାଜନୀତି ହେଉଥିବା ବିଜେଡି କହିଛି । ଜବାବରେ କଂଗ୍ରେସ କହିଛି ଚାଷୀଙ୍କ ଆନ୍ଦୋଳନକୁ ରାଜନୀତି ସହ ନଯୋଡି ସରକାର ସେମାନଙ୍କ ଦାବି ପୁରଣ କରନ୍ତୁ ।

ଚାଷୀ ଓ ଚାଷ ରାଜ୍ୟ ରାଜନୀତିରେ ପ୍ରସଙ୍ଗ ହୋଇ ରହିଛି । ଆଉ ନିର୍ବାଚନ ପୂର୍ବରୁ ଏହାକୁ ନେଇ ଫାଇଦା ଉଠାଇବାକୁ ରାଜନୈତିକ ଦଳ ପ୍ରୟାସ କରୁଛନ୍ତି ବୋଲି ନେଇ ବି ଆରୋପ ଆସିଲାଣଇ । ବରଗଡରୁ ବ୍ୟୋମକେଶ କରଙ୍କ ସହ ଭୁବନେଶ୍ବରରୁ କ୍ୟାମେରା ପର୍ସନ ଲକ୍ଷ୍ମୀଧର ଓ ଗୁଣ୍ଡିଚାଙ୍କ ସହ ସୁକାନ୍ତ ରାଉତରାୟ ଓ ପ୍ରଶାନ୍ତ ସ୍ବାଇଁ ନ୍ୟୁଜ ସେଭେନ ।

   Related Posts